محتاجه عنوان الاكادميه الفرنسيه

اهلين يا 44 لمو 44 صراحه اسمك غريب
المهم العنوان حي الملز بين معرض فتيحي ومجوهرات سليمان العثيم تلاقين الاكاديميه على الشارع العام على شكل عماره مكتوب عليها مركز الفنون الجميله والاكاديميه الفرنسيه وتقع بين عماره فتيحي ومحل سليمان العثيم للمجوهرات والله يوفكي


وادعي لي ان الله يوفقني ويرزقني وظيفه ومشكورررررره

هلا أختي ..
أنا من طالبات الاكاديمية أنصحك نصيحه أبتعدي أحسن ..
ما أنكر أني أستفدت كثير والحمدلله والمدرسات روووعه بس الإدارة زففففففففففففففففففت بمعنى الكلمه وكأننا عبيد عندهم .. وغير كذا القسط تدفعينه على دفعات وإذا ماسددتي وصار عندك ظرف وقلتي على نهاية الشهر شوفي التهديد ومافيه دخول للكلاس وغير كذا أنوااااااااع النصب والإحتيال يطالبونا بمكياجات غااااليه وإذا جبنا من عندنا قالوا مو ممتاز والماكياج اللي يبيعونه ماركته ستار قيزر هو حلووو بس إحتيال يتفقون مع المندوبه بنسبه لهم يعني يكون الشادو 25 يبيعونه علينا 39 والفايده لهم لدرجه فيه بنات أنلعب عليهم وشروا بأكثر من ألف ريال وبنات أكثر من ألفين شفتوا غير كذا نصب؟؟
مره كان فيه تخرج لدفعه قالت المديره أنا اليوم فرحااانه انكم بتطلعون ؟؟؟
وغير كذا لاتشتغلين الا عن طريق الأكاديميه بإتفاق مع الإداره ..
ويوعدونا بدروس كثيير بعدين يختصرون المنهج ويقولون فيه دورات متطوره أدفعي عشان تاخذين الدروس ؟؟؟؟؟
وغير كل يوم قانون جديد والممنوعات ..
أول ماتروحين تسجلين مافيه أحسن منهم معامله بس أول مايمر على دورتك كم سبوع بتكرهين يومك ...
والله ماكتبت هذا الحكي الا من التعامل الحقير من الإداره وكاننا جايين نشتغل عندها ..
الإداره ماسكتها وحده لبنانيه أسمها لما .. وحاطه جواسيس في الأكاديميه أي خبر ينتقل لها وتعالي شوفي من بكره الإهانات ...
ومن زماااان وانا ناويه أنزل فيهم موضوع وكل طالبات الأكاديميه متفقين بس أنتي وفرتي علي ..
والأمر راجع لك .. وإذا فيه طالبات هنا أو متخرجات من الأكاديميه بيأيدون كلامي ...

طيب كيف تعامل الموظفات معاكم وكيف الاداره تتعامل مع الموظفات اذا تتعامل بهاذا الشكل مع الطالبات وعلى سحب الفلوس كم راتب الموظفه ؟؟

انا رحت لهم الاسبوع اللي فات عشان اسجل دورة تصميم و خياطه وطارو فيني قالو الدورة شهرين وبتطلعين شي فنانه بس استغربت تكفي شهرين تصميم وخياطه

بعدين مديرتهم لما ؟؟البنانيه انا درست عندها في المناهل دورة مكياج ماعندها ماعند جدتي مو مخلصه وتعلمنا من غير نفس احسها تكرهنا كانها هي الله يعينهم عليها


شكلي بهون :(

هلا أختي المجروحه ..
الموظفات اللي هم المدرسات رووووعه وتعامل راقي بس لما الحقيره يوم شافتهم مخلصين معنا ويعطونا من قلب قالت لهم بعض الدروس تعطونهم نظري من غير تطبيق وصارت تشدد عليهم في التحضير وتدخل على الكلاس وهم يشرحون عشان تعرف وش يعطونا .. وبعض الدروس مثلا في الشعر أختصرت المنهج علينا كنا بناخذ قص ،صبغ،تسريحات،حمام زيت وأشياء ما أذكرها الحين .. المهم .. عطتنا صبغه مره وحده نظري والقص قصتين والتسريحات من غير نفس وأعترضنا قالت فيه دوره متطوره تبون سجلوا 400 ريال ؟؟؟؟؟ تخيلوا ..
السكرتيره جاسوسه علينا تقابلنا بوجه رووووعه ومن ورانا تنقلنا الاخبار للإداره ...

وفييييه الكثيييير والله .. حسبي الله عليهم الله لايبارك فيهم ..
آخر شيء سمعته أنهم يجهزون صالون في مركز بشرى والديكورات بس مكلفتهم 50ألف من غير التجهيزات الثانيه وكل هذا من فلوسنا ونصبهم على البنات الله لايوفقهم ..