كيف اتحدث مع زوجي

السلام عليكم

كيفكم بنات ...اخباركم ...يمكن تشوفون الموضوع تظنون اني قليلة كلام

انا بالعكس اميل للثرثره...وماشاء الله كثير من المجالس مايحركها الا وجودي

الا مع زوجي للأسف ماقدرت احرك مجلسنا (النادر)

زوجي انسان مشغول على طول عنده دوامين ومايرجع بين الدوامين لان كل واحد في مكان مختلف واوقاتها متقاربه يادوب يخلص شغله الاول يروح للثاني ...ومانشوفه الا عالساعه 9 مساءا نتعشى مع بعض ويجلس عالكمبيوتر وماتجي الساعه 10ونص بالكثير الا وهو طافي...هالايام ماتشكل مشكله بالنسبه لي ومرتاحه عليها...لان الوقت اللي اشوفه على العشاء يادوب اساله عن احواله واخر مستجداته ومستجداتي والاولاد ...وانتهى الوقت

لكن مشكلتي يوم الاثنين يطلع من الدوام العصر ومايداوم المساء...يعني يكون عندنا كم ساعه نجلس مع بعض ...وهو طبعا يقول ماعندي غير هاليوم اجلس معاكم فنجلس تقريبا مع بعض ثلاث اربع ساعات...بس تلاقينا كل واحد جالس يدور كلام...نشغل التلفزيون ونطالع فيه ومافيه اي سواليف ..ننادي الاولاد يجلسون معانا لكن مافيه موضوع...حتى هم تلاقينهم يسحبون انفسهم شويه شويه لان ماعندهم شي يسوونه ...او يجلسون يحلون واجباتهم او يلونون

حتى ولدي يقول ليه ياماما ما تتكلمون عن ايام زمان واشياء تضحك ....ابغى نجلس نتكلم مع بعض زي عمي......اذا جلس معانا بس يضحكنا ...قلتله شخصية بابا غير عن عمك وش اسوي؟؟؟ بس يحزني

طبعا نتكلم معاهم هاه وش سويتم اليوم ...احكيه عن اي شي صار جديد ...وهو بعد ...يعني الساعه الاولى ...لكن برضه تمر ساعات ملل ما ادري ايش اسوي فيها

ايش الحل برأيكم؟