@@@واخيرا سويت اشعة الصبغه@@@الف حمد وشكر لك يارب

تأخر الحمل

السلام عليكم ورحمه الله وبركاته

ابشركم اليوم الحمدلله سويت اشعه الصبغه في مستشفى الملك خالد الجامعي ::من سنه والدكتورة زينب ابو طالب كاتبتها لي ومتردده وخايفه واجل فيها وانقطع عن العلاج وزيارات المستشفى لين قدر الله لي ورحت المستشفى السبت موعد عند الدكتورة

اول مادخلت عليها صراحه وشافت ملفي هزائتني وتفشلت وطاح وجهي قالت انتي الحين وش سويتي انااخر مرة شفتك من سنه :::نزلتي وزنك قلت لا قالت اصلا وزنك زايد ياليته زي ماهوزايده 6كيلو الله يشفيني

بعدين قالت سويتي اشعه الصبغه قلت لا !قالت لا خلاص مو معقول انا راح اقفل ملفك ولا راح اعطيك مواعيد لانك ما ساعدتي نفسك عشان نساعدك احنا بشر مافي يدينا شي كلش بامر الله والاسباب لازم تاخذينها فقلت لها خلاص بحاول ****لله اسوي الاشعه وانزل من وزني قالت مو تحاولين لازم يكون عندك ارادة قويه وفتحت ملفي مرة ثانيه وكتبتلي على موعد جديد لاشعه الصبغه والوزن ابدائي من اليوم في رجيم:(:(قلت ****لله الله يكتب الي فيه الصالح
ويسهل يارب
وطلعت للمواعيد وعطوني الاثنين الي هو اليوم

ومن طلعت من المستشفى وانا شايله هم الدنياا على راسي افكر في هالصبغه والمها وبس ابحث في هالمنتديات عن طريقتها ووشلون وكيف يالله ياربي بس ترحمني برحمتك
الين جا اليوم الضهر الساعه وحدة واروح للمستشفى واعطيهم ورقتي وقالو انتضرى وانا على :eek:اعصابي ميته من الخوف ةادعي ربي واستغفر واسبح احاول مايفتر لساني

بعديين طلعت وحدة شكلها توها مسويه الاشعه ومسكينه وجها معتفس وحالتها حاله يوم نادو على اسمي ماتت عضامي وجتني ام الركب:(:(ومن الخوف ابي اتهرب قلت معليش سستر روح حمام قالت يالله سرعه مدام واقعد في الخمام اكلم نفسي هاه بس انحاش وافكر وضايق صدري وميته خوف واسمع الممرضه تنادي على اسمي

واتعوذمن الشيطان واطلع واروح يمها ودخلتني في الغرفه وقالت يالله مدام شيل ملابس :eekوسدحوني على السرير وانا ادعي واستغفر وجت الدكتورة الموضوع كله والله يابنات ما خذ الربع ساعه

صحيح فيه الم وتحسين بتعب لكن الحمدلله شي بسيط ما يخوف مثل الي نسمع ونقرا وترا فيه بنات واجد يبالغون

ونصيحه يبنات الي متردده انها تسويها اوخايفه تتوكل عى الله وتسويها لانه مايدرا وين الخيرة فيه

والله يسمعني خير عن النتيجه لانها ما بعد طلعت ادعوليييييييييييييييييييييي

والله يرزقني ويرزقكم الذريه الصالحه المعافاه يارب :)
25
4K

يلزم عليك تسجيل الدخول أولًا لكتابة تعليق.

تسجيل دخول

واثقة بقوة
واثقة بقوة
مبروووووووووووووووووووووووووووك و***** الله تصيرين سليمه يارب
بس بسألك انتي سويتيها في مستشفى الملك خالد ومراجعاتك وين بأي مستشفى
الأمل في زمن اليأس
****لله يارب

انا مراجعاتي في نفس المستشفى


مشكورة على المرور عزيزتي
دلو عة زوجها
دلو عة زوجها
مبروك و****لله سليمه وتجبين توم
الشمعة الحزينة
يارب النتيجة حلوة مثلك ياقمر


والله يرزقك الذرية الصالحة
عطرالكلام
عطرالكلام
الحمد لله على السلامه
وان شاء الله النتيجه سليمه
وربي يرزقج بالذريه الصالحه
وكل تاخيره فيها خيره