انصدمت و ذهلت و بعدين انقهرت

السلام عليكم حبايبي
انا هنا اليومعلشان اطلب منكم النصيحه لاني فعلا اول مره اتكتف و ما ابقاش عارفه اتصرف خالص
الحكايه ان انا اخويا الكبير و توأم روحي و حبيبي اللي مالي غيره في الدنيا بعد الله كان و هو في الكليه بيحب واحده زميلته و قعد خمس سنوات يحاول في الهلي علشان يخطبوها و هم ما كانوش راضيين لانها بصراحه ما تتخطبش ناس مش مريحين و تربيتهم مش حازمه و الاب مالوش كلمه و الام عايزه البنات تتجوز ناس اغنياء و خلاص و كانوا دايما يقوموه على بابا و يقولوا له انت الاحق بفلوس ابوك لان اختك بنت و اخوك التاني مريض نفسي يعني انت الوصي عليه و لدرجة ان حصل خلاف بين بابا و اخويا في المصنع اللي ابويا شاف المر لحد ما عمله و كان نتيجة الخلاف ده ان اخويا ساب الشغل مع بابا و بابا علشان يربيه سابه اتصلت ام البنت و انا اللي رؤديت عليها لحسن الحظ و قالت لي من عطى ابوكي الحق انه يمشيه من ماله ده كله ليه لا انت و لا اخوكي ليكم حاجه و انا رديت قلتلها انتي اللي مين عينك محامي عنه و مين دخلك بينا توزعي فلوس ابويا دي فلوس ابويا و الله يطول في عملره و ماحدش له فيها و احسنلك اسكتي بدل ما افقد اعصابي و تربيتي و اغلط فيكي و قفلت في وجهها الخط و هو طبعا جه بالليل ثاير علي و مد ايده لاول مره عليا و بابا يومها حب يعرف ايه السبب و انا مارضيتش اقول لحد
المهم تحت ضغط من خالتي الله يسامحها و الحاح منها هي و اولادهاوافق ابويا على الخطوبه و راحوا و قروا فاتحه و كان موعد الشبكه بعد شهرين لكن الهانم سافرت تشتغل في مدينه تانيه و طبعا بابا رفض الا انها ترجع و الا مافيش زواج لانها كانت في مكان ما تشتغلش فيه البنت لوحدها الا ولازم الناس تقول عليها القيل و القال و رفضت هي انها ترجع و انهت الموضوع و رفضت كمان ترجع اي شيء من الذهب اللي اخذته في الفاتحه و عرفت انا من احدى صديقاتها انها اتعرفت على شاب هناك احسن من اخويا و انا قلتلها خلاص الله يهنيها و تبعد عنا و انتهى الموضوع و بعدها انا تزوجت و اخويا شاف زوجته الحاليه و تزوجها و حبيناها كلنا لانها بنت اخلاق و محترمه و حبوبه جدا و خاصة انا بموت فيها و بعتبرها اختي و عمرنا ما شفنا منها شيء و حش و اولادهم بنموت فيهم و هم اصلا بيسافروا مع اخويا لانه بيشتغل في دوله ثانيه
انا عارفه اني طولت عليكم بس القصه كان لازم تعرفوها ليه؟
لان انا دخلت على احد المواقع لتبادل الصور و الاشياء دي و انا مشتركه فيه علشان ارسل لاخويا صور و لادي و هو يرسل لي صور اولاده و كمان واحده صديقتي عايشه بره برضه بترسل لي صور اولادها المهم الموقه ده لو انتي بتعرفي حد عليه بيرسل لك ان فلان له اصدقاء ايه رايك تتعرفي عليهم و انا طبعا مش عايزه اتعرف على حد المهم فوجئت ان الموقعراسل لي ان فلان اللي هو اخويا يعرف فلانه اللي هي بنت ال.... ممكن تضيفيها و لقيتها باعته له صور لا و باعته لي انها عايزه تضيفني انا بعت لها رفض و كتبت لها انا مش بضيف شياطين عندي ارسلت لي و قالت لي ابعتي لي صوره قلتلها انا منتقبه و لله الحمد ماليش صور سواد في سواد زي ايامك الجايه على ايدي لو ما بعدتيش عن اخويا
انا مش عارفه اعمل ايه دي شيطانه و كياده و عندها ام واختعقارب ممكن يدمروا بيت اخويا و ده انا مش حسمح بيه لان في اطفال و زوجه صالحه لايمكن اسمح انهم يتضرروا بسبب و حده حقيره كده مش قادره اقول لابويا و لا امي لانهم تعبانين و فيهم اللي كافيه و ابويا ما صدق ان اخويا عقل و اصبح يعتمد عليه و قال ارتاح انا و زوجي بيني و بينه مشاكل كتيره يمكن كتير منكم عارفينها و لا يعتمد عليه و اخاف اقول لاخويا يعند و ما اعرفش اتصرف و تتطور العلاقه اكتر
طلبت منكم العون بعد الله اللي تلاقي حل تقولي و اللي ماتعرفش ماتبخلش بدعوه ان الله يبعدها عن البيت ده
و شكرا و جزاكم الله الخير كله