حابه اسمع منكم

انا متزوجه صارلي 13 سنه وعايشه بعيد عن اهلي زواجي كان تقليدي بس حاولت اخلي زواجي ينجح بكل الطرق رغم قسوة زوجي علي الي ما اله مبرر هو يحسني اعلى من مستواه وكان يهيني بلا سبب مرت علي سنين سوده بعشرتي وياه بس الله الي يعلم شكد عانيت وصبرت بس صار عندي 3 اطفال وانا رغم حقارته بلتعامل وياي ما اطلقت لخاطر الاولاد وخوفي من شماتته الحواليه لان مجتمعنا ميرحم المطلقه حتى لو كان الزوج هو الي مقصر انا مشكلتي حاليا بعد سنين من التعذيب النفسي ويا زوجي روحي بدت ترفضه وصار عندي احساس بلكره مو طبيعي وصارلي بلتحديد 5 سنوات ولحد الان اعاني من البرود بمشاعري من ناحيته وكلمته بهلشي وانه لما يتقربلي تجيني حاله نفسيه صعبه وابدي اتقئ او ابدي ابكي واكره الفراش احس بيه مثل اخوي ما اكدر اتقبله سالت دكاتره نفسيين كثير عرب واجانب قالوا لي الطلاق هو الحل بس زوجي يرفض لازم يبقى البيت عامر كدام الناس ولازم تتحملين وحاولت اطرد هلشعور بانه مثل اخوي 5 سنوات احاول حتى مهدئات نفسيه اخذت بلكي تتحسن حالتي بس مو بيدي روحي الي ترفض انا اتمنى اكدر اتقبله حتى يظل بيتي عامر بس روحي ميته تماما بلفتره الاخيره بديت انقهر لمجرد احس ان زوجه تحب زوجه من صديقاتي واغار وابدي ابكي على نفسي لاني محتاجه للحب بس من افكر بزوجي تبدي صراعات نفسيه عندي مو طبيعيه اني ما ادري شسوي شلون ارجع اخلي روحي تشتهي زوجي يا بنات الي عنده حل او مشوره ياريت تكولي والله انا تعبانه جدا جدا