don

don @don

عضوة مميزة

{{ملف don }} المتجدد للآكلات المصرية للمبتدآت{ 8}

اطباق عالم حواء

شاورما الدجاج

1 علبة ذبادى_بصلة متوسطة _ طماطماية متوسطة _2 ملعقة خل _1/2 ملعقة سماق _ 1/2 ملعقة كارى _ عصير 1/2 ليمونة _ 2 فص ثوم _ 1/2 ملعقة تابل شاورما . دجاجة كاملة مخلية او صدور دجاج مقطعة شرائح رفيعة
[الطريقة
1) نضرب كلة فى الخلاط بتاع العصير ( الدورق ).
2) نفتح الفرخة من ظهرها بالطول ونضع عليها المقدار المضروب فى الخلاط .
3) ونتركها ساعة ثم نضعها فى صينية على النار و نغطى الصينية بورقة فويل لحد ماتستوى الفرخة
3) نتركها تبرد ثم نخلى الفرخة من العضم و نقطع الفراخ شرائح رفيعة مثل الشاورما و ممكن تقطعيها بأيدك على طول من غير سكينة حتلاقيها سهلة جدا ((مع الاحتفاظ بالسائل الموجود فى الصينية ))
4)نضع شوية زيت فى صينية يعنى حوالى 3 معالق كبيرة . ونفرد فيها الشاورما الى ان تحمر من جهة ثم نقلبها تحمر من الجهة التانية .
5) ارش عليها شوية من السائل اللى سبق و احتفظنا به و اقلبهم علشان تاخد شوية طراوة . وكدة اصبحت جاهزة
طبعا انتى عارفة طريقة تقديمها بتجيبى العيش الشامى و تفصلى الوش عن الضهر او تعملى الرغيف زى ماهو و تدهنية بالمايونيز المخصوص اللى حقولك طريقتة حالا .ثم شرائح خيار مخلل او كام صابع بطاطس محمرة و بالمعلقة نحط الشاورما ونلف الرغيف و تلفية فى ورقة ذبدة و بالهنا و الشفا

طريقة مايونيز الشاورما
2 فص ثوم _ بعض نقاط عصير ليمون _و بعض نقط خل _نضعهم على المايونيز ونقلبهم بالمعلقة ثم ندهن بيهم الرغيف







304
42K

هذا الموضوع مغلق.

don
don
don
don
om nona
اممممممم تسلم ايدك حبيبتي بس حابه اسألك ياقلبي على هذي النقطه
نفتح الفرخة من ظهرها بالطول ونضع عليها المقدار المضروب فى الخلاط .
3) ونتركها ساعة ثم نضعها فى صينية على النار و نغطى الصينية بورقة فويل لحد ماتستوى الفرخة
اللي فهمته انك لما تفتحي الدجاجه تحطي الخليط على الجهه اللي كانت مخفيه من الدجاجه (يعني محل العظم)ونفس اللحمه ماتجيها الخلطه وتستوي على نفس حالها مانخرج من الخلطه بره
وكمان يادوون الخيار المخلل جاهز ولا انتي عاملته اذا انتي ياريت الطريقه
وتسلمي معليه غلبتك معايا
.....................................
اهلا بيكى يا om nona نورتى بصى يا سيتى لما بتفتحى الدجاجة بتضعى عليها الخليط بعد ما بتضربيه فى الخلاط وبتقلبيها فى الخليط كويس وبتتركيها الساعة فبيكون لحم الدجاجة اخذ طعم الخليط كويس ولما بتضعيها على النار بتقلبيها على الجانبين علشان تستوى من الناحيتين ولما تنتهى من التقليب بتغطيها تانى بالورقة الفويل .......كدة تمام ؟؟؟لو فية حاجة اسئلى براحتك خالص

بالنسبة للخيار بتاع الشاورما دة بعمله فى وقتها والدجاج على النار بتستوى بكون خللت الخيار فى السريع وحمرت البطاطس وعملت المايونيز
يعنى مش بخلله الا فى وقتها وهو عبارة عن 3 خيارات او 4 خيارات بقطعهم صوابع بالطول مثل الصورة وبحطهم فى حلة صغيرة على ادهم او فى الكنكة الكبيرة (الحجم الكبير من كنكة القهوة ) وبضع نص كوب ماء مغلى ونص كوب خل ابيض او كوب ماء مغلى وكوب خل المهم ان المقدار يغطى الخيار وزرة ملح وفص ثوم واحد مهروس بيغلوا على النار لحد ما حتلاقى الخيار لونه اتغير مثل الصورة و طرى شوية تروحى شيلاه من الماء فى طبق لحين الاستخدام
دة الخيار السريع اللى فى وقتها لكن لو عايزة الخيار المخلل العادى برضه اكتبهولك من عنيا
don
don
زئردة (رشا)صح ؟ لحسن يكون انا كمان عندى قفلة المهم بالنسبة لسؤالك (((بصى بقى بالنسبة للشاورمة الصورة شكلها مستوى !! انتى بتحطيها على النار تانى ليه؟
كمان مش فاهمة فكرة الفويل اللى بتغطيه بيها وفكرة حط الحشوة)))
بصى يا ستى بالنسبة للفراخ اللى انا عامله بيها الشاورما فى الصورة دى صدور بس كبيرة قوى ولحمها ناشف عامل زى الديك الرومى علشان كدة سلقتهم نص سلق الاول وبعد كدة سحبتهم على هيئة نساير زى ما انتى شيفانى بسحبهم بأيدى فى الصورة وبعدين حطيتهم مع الخلطة اللى انا ضربتها فى الخلاط وانتى شايفة فى الصورة وانا بنزل الخلطة من الطبق على الفراخ المفصصة وبتكملى السوى عادى زى ما انا كاتبة
وبالنسبة للفويل دة انا بغطى بيه الفراخ بس يعنى ممكن تغطيها بغطاء حلة عادى يعنى ......لو فية اى اسئلة تانلى اسئلى يا رشا عادى علشان لما تعمليها حتلاقيها جميلة جدا زى الجاهزة بالظبط وبالنسبة للخيار 100 مية تسلم ايديكى
..........................................
بصى يا مسلمة لو حتستخدمى صدور كبيرة زى اللى فى الصورة يبقى تعملى زى ما كتبت لرشا نص سلقة الاول ولو الصدور العادية الصغيرة يبقى تضعيها على طول مع الخلطة المضروبة فى الخلاط وتكملى الطريقة عادى لانها مابتاخدش وقت خالص فى السوى وبرضه لو عندك اى اى اى سؤال اسئلينى الاول
don
don
صينية المكرونة بالبشاميل

كيس مكرونة فرن (ريجينا )_ 2 بيضة مضروبين بالشوكة_ و عليهم رشة ملح و فلفل_ عصاج بالصلصة
3ملعقة كبيرة جبنة رومى مبشورة - بشاميل
اسلق المكرونة فى ماء مغلى مع ملح و ملعقة زيت
اصفيها من ماء السلق و اشطفها كويس بالماء البارد واصفيها فى المصفاة
احضر صينية و ادهنها بشاميل مش سمنة
اضع البيض المضروب على المكرونة و اخلط بايدى كويس
ثم اضع بشاميل على المكرونة و الجبنة المبشورة
و اقلب اقلب المكرونة لحد بالنظر لما الاقيها كلها فيها
بشاميل كويس
اضع نص المكرونة فى الصينية و اسوية كويس
ثم اضع العصاج اللى يصلصة و اسويه كويس ثم اضع باقى
المكرونه و اسويها ثم اضع بشاميل على الوجة و افردة
و اسوية كويس ثم اضع على الوجه بيضة مضروبة ادخلها فرن
متوسط الحرارة لحد ما تستوى و وشها حيحمر
وممكن برضة لما تطلع من الفرن تغطى الصينية حتلا قيها طريت
و بالهنا و الشفا
spanishflower
spanishflower
مبروك يا دندون( بسرعه اهوه)
تسلم ايديكي
معلش ردي عليا في موضوع العيش الفينو ده
انا عملته امبارح و خبزته علي 180 و قعد 30 دقيقه و طلع احسن من الاول يعني طري بس برضه مكتوم شويه
مش هش اوي زي بتاع مصر؟
انا عملت زي ما كتاب نظيره قال