شعرج كشه؟ يعني اكيد انتي ام كشه!! اذا تعالي اليكي الحل

هلا والله وغلا بأم كشه :22:
مدامج دخلتي فاكيد انتي وحده منا يعني معانه بعد كل مره تغسلين شعرج...طبعا مثلي تصدقين اليوم اللي اغسل فيه شعري اكون مفضيه عمري تماااااااااااما ( يا عيني ع الفصحى) ليييييييييييييييييش ؟؟ لانه شعري كشه وبعد كل سبحه اكون ساحره والله يخليلي حبيبي الاستشوار اللي بدونه ما أعرف ام كشه كيف عايشة :( ..................... ولكن لا يأس مع الحياة ولا حياة مع الايأس فبديت ادور ع طريقة تخلي شعري يهفهف هفهفة بعد الحمام إلا واطيح ع كريم أسمه dark and lovely بصراحه يستاهل زغروده :icon28: هذا الله يسلمكم صبروا شوي بلف شعري الهوا جابه ع عيوني :22: حرير شو اسوي ...............المهم وين كنا واصلين ايوه الكريم ....هذا الله يسلمكم يسوي ريلكسيشن للشعر وفي انواع السوبر والعادي فاخذت العادي وجربته قبل ساعتين وآآآآآآآآآآآآآآآآآآآخ ع النتيجه فضييييييييييييييع شعري صار احسن تقريبا 75% والسبب اني بروحي سويته اعتقد لو احد مسويه لي كانت النتيجه 100% قسم بالله يبنات شعري اتغير بعد ما غسلته كل الكشه راحت بس للاسف في اماكن شكلي ما حطيت عليها:angry2: بس ولو احسن انو غير كثير فشعري المهمممممممم قلت اجرب اسوي سشوار اتخيلي يام كشه ( ايوه انتي اللي تقري ترا الحين انا مب منكم ) شعري اللي استشوره فساعه سشورته 15 دقيقة بس والنتيجه شعر حرير وشكله طبيعي جداااااااا فانشالله المره الجاية اطلب من احد يسويلي اياه عشان ما احتاج سشوار ابددددا
وقبل ما انسي يبنات ترا حسيت انه خلى شعر داكن بالاصل هو اسود بس حسيت انه خلاه ادكن فاذا كنتي من اصحاب الشعر المصبوغ ( يا ناس ما اعرف ليش ما كنت اجيب درجات عدله بالعربية ) ترا في انواع مخصصه لكم
هاذي اهي تجربتي ولو ما حسيت انه هالكريم فله صراحه ما كتبت
والسموحه