رحلتي وحكايتي مع مستشفي عرفان بجده لا تفوتكم رحله خطيره والاخطر الدكاتره!!

السلام عليكم ورحمة الله وبركاته

كيفكم اليوم يا حلوين ان شاء الله النفسيه تمام واموركم احلي انسو الحمل وفكرو في حالكم وان شاء الله كلنا ربنا حيكرمنا قريب بصبر والدعاء

اليوم عندنا مطر وبرق ورعد والله دعيت لكم متاخره عن الحمل

اعطيكم نبذه عن نفسي انا متزوجه وعندي ولد واحد عمره 9 سنوات ما حملت بعده وفي هذا السنه حملت بتلقيح صناعي واجهضت الحمدلله

عندي تكيس مبايض وهذا مشخص من زمان حسب التحاليل والاشعه المهبليه وزياده في الوزن طبعا من التكيس وبحاول انزل وزني ويارب ينحفني من غير شر ولا مرض


الدورة من زمان كانت غير منتظمه تنزل بس مش في موعدها وبعد ما اجهضت استخدمت حبوب ياسمين حق من الحمل شهر والحمدلله والشكر لله بدات تتنتظم

الشهر الماضي نزلت اتاخرت 3 ايام ونزلت بس غريبه 3 ايام و وقفت وهي اصلا 6 ايام وكان عندي الم في مبيضي الايسر زوجي قال خلينا نسوي التراساوند مهبلي نشوف وضع المابيض والتكيس خوفنا بصراحه

بعد بحث في النت قررنا نروح مستشفي عرفان بجده وسالنا عن دكتورة اسمها فاطمه زنيهم قالو كويسه رحنا يوم السبت وكان اليوم الثاني عشر من الدورة دخلنا عليها وعرفتها بنفسي وقالت مافي مشكله نسوي الاشعه واعطني وورقه الطلب ورحنا دفعنا

اعطين الورقه للمرضه وقالت انتظرو انتظرنا ساعه ونادو علينا نادت علينا ممرضه كبيره في السن وكشره زوجي دائما يدخل معاي ومافي احد يتكلم في المستشفيات الثانيه هذا الا بعرفان قالت مافي زوج يدخل قلت لها لازم يدخل واعطها زوجي كلمتين لان قبلها شفنا وحده زوجها داخل معها مافي احد اتكلم دخلنا غرفه الاشعه

الصدمه غرفه متر في نصف متر صغيره جدا جدا جدا واصلا مش حق التراسانوند مهبلي لانها راحت جابت جهاز التراساوند من بره والمخده المهم شويه الممرضه تقول دكتورة امل قلت لها لالا انا ابغي دكتورة فاطمه تصرخ الممرضه تقول خلاص دكتورة فاطمه تقول كده زوجي اخذ السماعه وكلم الدكتورة فاطمه قالت كلنا واحد قلنا مافي مشكله وجات الدكتورة امل

ودخلت جاهو الاشعه وتضغط بقوة وتقول افتحي رجولك:icon33: قلت لها افتح كيف ومافي مكان افتح السرير على الجدار ضحكت وسكت وكل ما اسالها تقول استني بقيس وفجاه خرجت الجهاز وما قالت شيء سالتها خير اش في قالت مش شايفه تكيس بس المبيض الايمن كبير عن الحجم الطبيعي وبس وخرجت والممرضه اعطتنا ورقه قالت تعالو بعد يومين تاخذو التقرير!!!!:time:

جاء يوم الاثنين ورحنا واعطينا الورقه قسم التقارير وشويه تقول انتظرو الاشعه من غير اسم انا و زوجي صرنا كده:mad:

زوجي عصب مره وقال اش هذا التخلف ورحنا لمدير الطبي طبعا كان اجنبي اردني الجنسيه وبكل برود قال روحو رئيس القسم ورحنا اسمه الدكتور حسام بسيوني الله لا يوفقه كانت الساعه 10 صباحا سالنا عنه قالو ما جاء يمكن يجي بعد نصف ساعه قلنا مش مشكله نتظر ودخلتنا غرفه مكتبه جلسنا نتظر وكان قدامنا ممرضه تسوي اشعه اسمه اشعه مقطعيه تاكل وتشرب قهوة والمريض قدامنا ومافي اي خصوصيه للمريض ولا اي دقه!!

المهم انتظرنا اتاخر كلمنها قال لها زوجي ما عندك جوالها قالت وهي تصرخ ما عندي زوجي اعطها كلمتين خافت وكلمته وقال شويه واجي

واحنا نتظره في مكتبه كانت الصدمه الثانيه شوفنا شهاده الخيره المعلقه والله العظيم والله العظيم كان عمره







75 سنه تخيلو قبل ما انا اتولد اش تستفيد منه بلدنا وهو في هذا السن بلده طارده واحنا نستقبله المهم

شويه ودخل وسلم علينا وزوجي شرح له الوضع وقال له كيف نعرف انها حقتنا شويه ناد على الاخصائيه وقالت الاسم ما انطبع ومن هذا الهبل وجالسين يقنعونا انها هي نفسها لانها واضح ما كانت هي!! لان الوقت مختلف؟؟

المهم زوجي ما رضي وقال لازم نعيده وعاده وهو مضغوط وقلنا نبغي الدكتورة فاطمه تسويها وعدنا والحمدلله وطلع المبيضين حجمهم طبيعي!! شوفو الفرق

يوم الثلاثاء الا هو امس اتصل علينا رئيس قسم الاشعه الا هو دكتور حسام بسيوني الا كان يقنعنا بلاشعه اتصل اتوقعنا يعتذر اتصل يقول سويتو الاشعه ومتي موعدكم مع الدكتور قال زوجي الاسبوع القادم قال ومستعجلين ليه على الاشعه تخيلو الرد كانو هو دافع فلوس الاشعه زوجي ما رد عليه واحترم كبره سنه وقفل الخط شوفو الوقاحه وقلة الادب بدل ما يعتذر عن الخطاء يتصل ويجادل عافين ليش لان عارف ما نقدر نشتكي لان هو عارف مافي احد يسمعكم !!! لا حول ولا قوة الا بالله هذا دكتور بالله الله لايوفقه ذي ما جاب لنا القلق

خلاصة رحلتي الى هذا المستشفي عرفان:

اولا مستشفي زباله والممرات ضيقه والدكاتره اخلاقهم زفت والممرضات نفس الشيء بس يصرخو


ثانيا دكتور بهذا السن اش تستفيد بلدنا السعوديه منه علمه قديم ومعلوماته اقدم

ثالثا شبابنا السعودي جالس في البيت ومتخرج من افضل الجامعات من امريكا وكندا واحنا متمسكين بعجزة نلمهم

رابعا خلينا نشوف رواتبهم الاجانب طبعا بدل سكن بدل مواصلات بدل تعليم اولاد بدل علاج بدل تذاكر وهذا مع الراتب

والسعوةدين خذ راتبك ولا تفتح فمك واذا ما عجبك شوف اول باب وانقلع

ليش احنا كده خيرنا لغيرنا ليش ما نتمسك بسعودي ليش الاجنبي له الحق يصرخ ويبهدل السعودي عافين ليش لان الاجنبي عارف مافي احد يسمعنا

وكل هذا ياريت نتعظ كل يوم نقرا في الجرائد اخطاء طبيه طبعا تحصل اخطاء اذا بههذا التسب وعدم كتابه الاسم في الاشعه

كل يوم نقرا عن النصب من جنسيات عربيه طبعا يحصل نصب وسرقه اذا احنا معطينهم اكثر من حقهم


كل يوم نشوف بعيونا الشحاتين في كل مكان وفي الاشارات وغير البائعين المتجولين ونقول لبش نسرق احنا نجيبهم وندخلهم البلد ونقول لبش نسرق!!

انا كنت عايشه في كندا فتره طويله والله والله والله ما عمري شفت اجنبي يبني عماره او اجنبي يشيل زباله او اجنبي في محلات البيع لو شفنا يعلموهم النظام ان المشتري على حق دائما شوف الفرق

احنا ينصب علينا ولا نقدر نقول شيء؟؟؟

ياريت صوتي يوصل وينسمع ويحرك شيء لان صوتي مع صوتي اخواتي واخواني مكتوم ما ينسمه متي نصرخ صرخه قويه ونقول كفايه كفايه كفايه اجانب شوف البيوت ملينه بنات واولادم ما عندهم شغل واذا حصلو شغو يكون في قريه ليس لها معالم على الكره الارضيه كل يوم نقراء حودث المعلمات وياريت نتعظ!!!

كلامي كان كثير ودسم وممكن ناس تزعل بس هذا الحق الا لازم ينكتب وينسمع الان حسيت بمعاناة زوجي لما كان يشتكي من الاجانب :44:

اخيرا مستشفي عرفان زباله ولا تستحق الزياره ودكاتره قدماء ولا يعرفو في الطب غير يس ونو وحضرتك ويا افندم

الدكاتره قديمين من 27 سنه وهو يشتغل واخذ منصب غيره يستحقه والله العضيم والله على ما اقول شهيد اني ما زدت ولا زودت في كلامي على المستشفي هذا الا شفته بعيني واتعاملت معه والله اني احبكم واتمني لكم الخير واذا تروحو اي مستشفي اقتحو عيونكم وشوف اساميكم نفسها لان الطمع صار يغلق عيون ناس كثير واولهم الربح مش مهم المريض

والله يحفظنا ويحفظ اولادنا من كل شر و سوء:44: