سؤالي للدكتوره وخواتي الغاليات

مرحبا

دكتورة انا عندي نفس السؤال و بنتي بعد نفس العمر بس المشكلة أن بنتي وايد ترجع و انا ارضعها طبيعي ومع حليبي صناعي بيبيلاك EC كل شي اللي أعطيها اترجعه هل هذي ظاهرة طبيعية

أرجو الإفادة

دبدوبـ زوجها ـة
عايزه اعرف انتي ليه بترضعيه صناعي ؟
وايه الاطعمه التي تعطيها له؟
وايه اخبار الرضاعه الطبيعيه؟
وماهو وزن الطفل؟

دكتوره انا ابغاه يتعود على الاثنين من صدري ومن الببرونه لاني بعد كم اسبوع راح يبدا دوامي وما يصير اخليه جوعان الين ما ارجع .. الحين الحمد الله صار يرضع من الاثنين .. واعطيه اكل اطفال برتقال وموز وكمثرى ويحب ياكلها .. ووزنه يا دكتوره 5 ماني عارفه اذا طبيعي او لا .

الوزن قليل شوي
العصائر التي تستخدميها كويسه
بس بلاش الموز
ممكن كذلك تستخدمي الذبادي
بالنسبه للرضاعه الصناعي لا تزيدي من كميتها عشان يستمر علي الثدي
وكذلك استخدمي حلمه للرضاعه تكون ضيقه

أختي العزيزه أنا بعطيك برنامجي مع ولدي..
الشهر الرابع:رضعه الصباح ورضعه الظهر والعصر كم ملعقة تفاحه مهروسه ومسلوقه شوي افضل,بعدين رضعه وقبل لاينام رضعه,صارو 5 وجبات,هذا الاسبوع الاول وكل يوم زيدي مقدار الملاعق اليوم ملعقه بكره 2 بعده 3 لين نص تفاحه بعدين بعد 3 ايام ماجاه حساسيه من التفاح اعطيته كمثرى 3 ايام ماجاه اعطيته برتقال وهكذا الين اتاكد ان مافيه حساسيه بعدين اخر اسبوع اعطيه مجموعة فواكه مع بعض وبعد الوجبه أعطيه برتقال عصير مخفف بمويه وشوي سكر نبات اذا ماقبله بدون سكر اما لو قبله افضل بدون السكر,

الشهر الخامس رضعه الصباح رضعه الظهر العصر فواكه المغرب خضار الليل رضعه, طبعا كل يوم نوع واحد من الخضار لثلاث ايام واجرب ثاني زي الفواكه بعدين اخر الاسبوع اخلطهم.

الشهر السادس,رضعه الصباح فطور الظهر سيريلاك او اي حبوب والعصر خضار او فاكهه والليل اذا كنت معطيته خضار العصر اعطيه فاكهه الليل والعكس وقبل لاينام رضعه طبعا ما أنسى السوائل بعد كل وجبه سواء مويه او نعناع مع يانسون او شاي الاطفال ميلوبا او تمر.
عندي معلومه ترى المكتوب على الحليب ما اهتم له اذا العمر كذا لازم ياخذ كميه معينه لان ولدي مره ياخذ أكثر منهم ومره اقل ولا مره زيهم يعني على حسب شهية الطفل وحسب ايش يرضع هم يكتبون اذا يرضع صناعي لحاله بالنسبه لولدي كان مره صناعي ومره طبيعي بنفس اليوم عشان كذا ما أقيس عليهم ,
وشكرا أتمنى اكون افدتك.
ملاحظه:
بين وجبه والثانيه 4 ساعات ولو جاع أعطيه بينهم نعناع ويانسون او شاي اطفال ولو ما اكل زين اعطيه حليب بس لاتعطيه الحليب على طول لو اكل زين مره ثقيل ترى سويتها مع ولدي وجلس طول اليوم يستفرغ, بس تاكدي انه اكل شي يشبعه .