توتي وومن

توتي وومن @toty_oomn

عضوة نشيطة

اللي عملت عملية في السعودي الالماني في جدة او تعرفي احد عمل عندهم..ضروري الله يخليكم

ساعدوني

السلام عليكم
يا بنات صديقتي طاحت من فوق الدولاب و كتفها انكسر او انخلع..ما ادري
المهم انها مرة تتالم و ما تقدر تحرك يدها اليمين مع كتفها راحت لمستشفى السعودي الالماني
طعا هية عالتأمين
عملولها أشعة و قالولها انخلع و في كسر و لازم عملية
المهم كان وقتها امكن الساعة 2 الليلو قالولها العملية 9 الصبح
دخلوها غرفة...خلوها تصوم عشان العملية..و جات الساعة 9 الصبح قالولها امكن الساعة 3 نعملها لانه ما في دكاترة فاضيين الان ..!!!!!
جات الساعة 3 العصر...قالولها بكرة العملية..لانه وقت العمليات يكون من 9 الصبح الى 3 العصر..
طبعا صحبتي قالت طيب و انحسبت عليهم ليلة و نامت طبعا..
اليوم اللي بعده...اللي هوة اليوم يعني
و قالولها لا مو اليوم بكرة.. !!!!
تخيلوا يعني قاعدة عندهم الان قربت 3 ايام و كتفها مخلوع و مكسور و همة يقولولها بكرة العملية
و كمان يقولولها لازم نركب لك 3 مسامير..؟؟؟؟
تخيلوا عمرها 26 يركبولها مسامير
احسهم يبالغوا في الموضوع عشان يتكسبوا من التأمين..
و اشك انها ما تحتاج عملية...امكن ينفع كتفها يرجعوه من غير عملية...ما ادري و الله
محتارة و شايلة همها... خايفة يلعبوا فيها..
حاسة انها مستشفى استغلالية و ما عندهم خوف من الله و لا ذمة
اهم شي يتكسبوا بغض النظر عن مصلحة المريض حتى لو يخرج مشلول
اللي جربت المستشفى بالله ترد عليا
و اللي سمعت عنها او عندها اي خبرة
الله يخليكم صحبتي الان في المستشفى و انا اقنعتها تخرج لكن هية محتارة و اهلها مو مطاوعينها
الله يخليكم ردووووووو
6
8K

يلزم عليك تسجيل الدخول أولًا لكتابة تعليق.

تسجيل دخول

توتي وومن
توتي وومن
معقولة محد افادني
بركان الدموع
بركان الدموع
صباحك عسل ياعسل
اولا حمدا لله على سلامتها قدامها العافيه يارب
شوفي ياستي اولا خرجوها من المستشفى في حال بس عندها خلع لكن اذا كسر انا انصحكم تخلوها عادي ترى انهم يأخرو العمليه
اختي صار عليها حادث سياره وانكسر عندها العظم اللي بالفخذ وبعد اسبوع عملو لها العمليه بس بمستشفى بالمدينه يعني شي عادي ياخرو العمليه اما ياستي لو كانت بس خلع هاتي لها من عند العطار عنزروت واخلطيه مع بيض بلدي وحطيه على المكان المخلوع واربطي بالشاش عليه مدة ثلاثه ايام وبهذي الثلاثه ايام خليها تشرب حليب مخلوط بالبيض البلدي ثلاث مرات باليوم وكمان خليها تسف رشاد حبات مو مطحون لانو لو انطحن يصير حار على المعده بس خليها تسوفو بحباتو وربي يشفيها لكم يارب
تاتا الشوكولاتة
والله السعودي الألماني معروف في علاج العظام زوج صاحبتي عمل عمليه عندهم ودحين ما شاء الله يجري مع انها كانت في ركبته
بركان الدموع
بركان الدموع
على فكره ياعسل المسامير عادي ماتخوف انتي بس خليها تقوي قلبها وربي شوفت اشياء تشيب الراس من الكسور اللي يعانو منها الاطفال والناس الكبار مره يحزنو
المسامير الخارجيه اهون بكثير من الاسياخ داخل العظم المسامير يخرجوها من غير عمليه اما الاسياخ داخل العظم بعد سنتين او ثلاث لازم يخرجوها
اتكلو على رب العالمين وقوو قلوبكم وربي يقدملها العافيه لها ولسائر المسلمين
توتي وومن
توتي وومن
اشكر كل من رد عليا
الله يجعله في ميزان حسناتكم