السلام عليكم ورحمة الله وبركاته
كل عام وانتم بخير
وتقبل الله صيامكم وقيامكم...
اخواتي انا لاحظت كثثثثثثييييييييييييير مش بس في منتدى عالم حواء ...لا منتديات كثيره
لاحظت كلمة ما احلل اللي تشوف ...وما احلل اللي ما تقول منقول
وما احلل وما احلل... كنها الله يصلحها رئيسة قسم مختبرات ...
والا كنها وحده مجبوره تسوي اختبار حمل ...
من جد يعني الموضوع ترا يعور القلب وشو يعني ما تحللين احد عشان سوا كذا
يعني فرضا وحده من الاخوات سوت اللي انتي ما تبينه وهي غافله ...توقف على الصراط يوم القيامه لين انتي تحللينها ...
وبعدين يوم القيامه انتي فاضيه لذنوبك والا فاضيه تحللين وحده وتحاسبينها عشان منتدى
معليه اخواتي
انا مقتنعه اقتناع تااااااااااااااااااام انه كلكم كبار بالعقل وتفهمون ما شالله تبارك الله
بس ياريت تتركون حكايه احلل وما احلل
اذا انتي تحسين انه موضوعك مميز وما تبين احد ينقله ياريت انك تحتفظين فيه لنفسك ....
يعني بصراحه انا ادخل موضوع واقرى مثلا وحده كاتبه ما احلل اللي ما تدعيلي انا وعيالي
يعني وش هالدعوه اللي بالغصب وما احلل اللي تطلع من غير ما ترد ...اكره الموضوع واطلع ...
فرضا ما ابي ادعي..؟؟؟؟فرضا انه اعرفك بالحقيقه وما تحبيني ولا احبك بتحبيني عشان دعوتي.؟؟؟
الله يصلحكم بس ....
مره دخلت قسم الاطباق ووحده تقول ما احلل اللي تسوي الاكله ولا تدعيلي
:eek:
والله العظيم صرت وانا اطبخ ادعي اخاف من صاحبة الموضوع هل تبينا ندعيلها او لا....
جزاكم الله خير كلكم ...ما قصرتم وبيض الله وجيهكم...
بس تكفووووووووووون من غير ما احلل ...
ومن هنا انا اطالب المشرفات والعضوات ...اي وحده تكتب في موضوعها ما احلل....قاطعوها قاطعوها قاطعوها ....لين تتوب وتكتب الشي لوجه الكريم سبحانه ...
وتترك شغل المختبرات عنها...
واعتذر عن اللخبطه بالحكي بس مرتفع ضغطي من هالسالفه ....
يازين ريحة البيبي @yazyn_ryh_albyby
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
الله يهديهم البنات .. فيه حاجات بسيطة جدا وما تستاهل التحليل والتحريم .. وذاكرينها ..
والأدهي .. لما تقول ما أحلل اللي ما تقول ماشاء الله ...!!!!
يا حبيباتي .. العين حق أنا معكم .. بس ما وصلت لهدرجة .. وأذا خايفة على نفسك خلاص لا تنزلين
موضوع وتساثمين بالبنات ..
شكرا صاحبة الموضوع ..