^ _^

العامريه انا متزوجه وعندي ولله الحمد اربعة اطفال اكبرهم يدرس في الصف الاول ومتخرجه من معهد المعلمات من 8سنوات واهلي بديره ثانيه واكره الشغالات والحمد لله دخلت انتساب لكلية التربيه بس وقت الاختبار اروح اختبر ساعه او ساعتين بالكثير وانا ببيتي صحيح انه ضغط علي وتعب لكن اتحمل واقول كلها اسبوعين هاالاختبارات وتنتهي والله يسهل علينا وعليك اي معلومات انا حاضره

مالك الا الجامعه المفتوحه

بس هي لسه مو معترف فيها دوليا لانه ماخرجو دفعه قريب بيخرجون وشوفي اذا معترف فيها اولا

عموما انا اعرف كثير يدرسون فيها يروحون يومين بالاسبوع يحضرون محاضرات .. ويرجعون

وفيه اغلب التخصصات هذي خلفيتي عنها ..

وعندك معهد نيوهورايزن ..

شهادته تحت اشراف جامعة الملك سعود ..

وتقدرين تكملين الجامعه في جامعة البحرين او في الاردن ..

عموما اللي يميز نيوهورايزن عن باقي المعاهد والجامعات ..

انه فيه كتب مايكروسوفت وتقدرين تختبرين كل كتاب من مايكروسوفت غير اختبارات نيو هورايزن
ملاحظه ( كتب مايكروسوفت كل كتاب برا يدرسونه في اكاديميه .. يعني متوسعين بكل كتاب .. وتقدرين بس تدخلين ماتحضرين محاضرات نيوهورايزن تاخذين الكتب هذي وتدرسينها وتقدمين على اختبار مايكروسوفت طبعا اذا كنتي قويه في لغة الانجلش..)

وهذي الشهادة معترف فيها دوليا ومطلوبه كثير يعني لو جات بنت دارسه باحسن الجامعات كمبيوتر وانتي قدمتي معها على وظيفه وشافوا عندك شهادة من شهادة مايكروسوفت بيقبلونك على طووول خصوصا المعهد مافيه تخصص اسمه كمبيوتر فيها تخصصات داخل مجال الكمبيوتر زي برمجه .. شبكات .. تصميم .. عموما اذا رحتي المعهد تقدرين تعرفين كل شي وانتي احكمي يعني روحي استشكفي ... اذا عجبك سجلي وماراح تندمين ..

.. ملاحظه انا مو متزوجه بس طرحت عليك افكار ناس متزوجه وحبيت افيد وسوري عاللقافه ..
وموفقه انشالله ...:26:

السلام عليكم ياليت اقدر افيدك بس الظاهر المده المحدده للدراسه بعد التخرج من الثانويات بكلياتنا اربع سنواتوانا من الرياض ولاادري عن القصيم لكن حبيبتي حاولي تشغلين نفسك لا تجلسين فاضيه شوفي دوور التحفيظ ودورات المكياج والتفصيل اذا تبين دخلك يزيد والله يعينا ويعينك وبالنسبه لي تزوجت باولى كليه ومن اول يوم دوام وانا بعتذر ومع الحمل اتبهذل وهذا غير المصاريف ووجع الراس بس كل شي ينحل مع التصميم والاصرار والله يوفقك:26:

عزيزتي العامرية

ما في مثل الدراسة .. طعمها حلوووووووووووووووووووووووووووو .. طبعا لليحبها

بما انت في بلاد الغربة ليش ما تستغلين ها الشي و تسوين شي ينفعج .. انا بقولج عن نفسي

انا الحمدلله عندي شهادة بكالريوس من البلاد ، بس لما تغربنا قلت ليش ما استغل فرصة وجودي و اسوي شي ينفعني .. بغيت اسوي ماجستير ، و انقبلت في الجامعة بس تراجعت في اخر لحظة ، لأن بصراحة عيالي صغار و الماجستير يباله شغل وايد و انا من النوع الي فوق راس عيالي طول الوقت ، ما عادا طبعا يوم يروحون الحضانة

عشان جذيه قلت خلني اختار تخصص احبه و ممكن استفيد منه لما ارجع .. تخصصي هو أزياء .. وااااااااااااااااااااااااااااااااااااااااااااااااااااااااااااايييد حلو .. ما اقدر اقولج شكثر حلو .. احمد ربي ليل و نهار اني اخترت ها الشي و ما سويت الماجستير .. انا مش ناوية ارجع اشتغل عقب الغربة عشان جي شو بسويبه .. بس الازياء ، مستفيدة منها دايما

حتى لما اروح اتسوق الحين صرت اتسوق غير عن قبل ، لأن ادرس القماشة قبل لا آخذها .. و أحلى شي بها التخصص ان معظم الي بالكلاس بنات .. وااااااااااااااااااااااييد حلو

بالنسبة للعيال ، حطيهم بحضانة .. أنا ما افضل الديكير .. في مدارس خاصة او مونتسوري سكولز .. هاذيل صح غاليات شوي بس افضل و اضمن حق الياهل .. مدرسة عيالي تاخذ اليهال من 18 شهر ، بس خذوا بنتي قبل لأنهم يعرفون ولدي و يعرفونا و الحمد لله عيالي مرتاحين وايد فيها ، حتى لما ايي اخذهم مرات ما يبون يردون البيت .. و انا ما احطهم طول الاسبوع ، بس 4 ايام .. ايام الجامعة

عن شغل البيت .. حدث و لا حرج .. بس مسوية لنفسي نظام .. ايام تنظيف و ايام طبخ و ايام غسيل .. الحمدلله مرتاحة .. ما احس اني مقصرة في حق اي حد في البيت .. بس نفسي طبعا .. لأن مرات ما القى وقت حق الدراسة غير لما ينامون كل الي في البيت .. يعني تخيلي نفسج شغل و كراف طول النهار و بالليل دراسة

بس الحمدلله انا راضية بالشي الي اسويه ، لأني مستمتعة بيه .. ما شي احلى من الدراسة لا .. انا اموت بشي اسمه دراسة .. فإذا عندج الفرصة يالعامرية لا تفوتينها .. توكلي على الله