تعالو اقولكم مواقفي اول مره اسجل بمنتدى

بسم الله الرحمن الرحيم

تعالي اقلطي سوف تجدين مايسرك هيا بديت اعصب :mad:
























المهم مالكم بالطويله >>>> احلفي ياشيخه

اول ماسجلت قبل 5 سنوات وطبعا السبب من :arb: المصون بعدها
قلت لأخوي سجلني وبس وسجلني هو طبعا ماعرف كيف وقالي تبين ماسنجر

قلت ايش قال ماسنجر قلت ايه وانا مادري وش هو
المهم اول مافتحت وقالي

هلا بــــــ.......... اسفرت وانورت حياك

رحت لأمي :icon28: واقول يمه رحبو فيني ماسرعهم عرفو اني دخلت

ولما اجي افتح المواضيع وهنا الطامه الكبرى كنت اروح مثلا منتدى الصحه اروح افتح الصفحه الأخيره
:(عبالي هي الأولى والجديده عبالي هم يرقمون الصفحات اول صفحه تكون 1>>> حشى كتاب مو مندى

ولايفوتكم اذا فتحت الموضوع وابي ارد اروح افر كل الصفحات :angry: الين احصل الصفحه الأخيره

وارد لاني مستحيل ارد من الصفحه الأولى ولا الثانيه لالا لازم الأخيره ولا اشلون تعرف صاحبة الموضوع

اني رديت مسويه نبيهه انا وخشتي وانا من جنبها وارفع مواضيع قديييمه قد غبرت

وتعالو عند اخونا المسن رحت لأخوي اقوله ورني كيف المسن وورني ايميله وفتحه ودردش وعجبتني مره الفكره

فيها هذره ياسلاااام عز الطلب هذا اللي نبيه حريم وفاضيات

واروح اركض واطير >>> مو طيران طيران لا بس جري مع ارتفاع بسيط في الأقدام عن الأرض

عاد لا تدققون مشوها لازم من ملح السالفه ولا اشلون تصير سالفه

نرجع لموضوعنا لأنه للحين مانتهى واركض واروح وافتح ايملي واستنى واستنى واستنى

ياربي مااشوف حد يكلمني ليش :44: واروح ارجع اطير لأخوي واقوله محد يكلمني :icon33:

قال يالذكيه اشلون تبين تكلمين حد وانتي اصلا مو مضيفه اي احد قلت اضيف ايش اضيف :09:

وفهمني وعرفت السالفه زين وطبعا لايروح بالكم بعيد من كل وهب ودب اضيفه لا كنت مره حريصه

الين كرهوني البنات ماعلينا

نجي لتواقيع البنات وعجبني توقيع وحطيت الفاره عليه وظغت بالغلط جاني استعراض

وطلعت صور بنتي بغيت اموت من الخوووف قلت يمه كل الصور موجوده وافتح وطلع معاه كل اللي عندي بالجهاز

واصيح يمه >>>>>>> يلا عدو كم مره قلت يمه لأني بسأل هالسؤال وفي جوائز قيمه

واروح واركض لاخوي ياعمري عليه مادري اشلون تحملني وشوفو كم مره ركضت في ذاك اليوم

واعتقد الا متأكده مليون في الميه انه اكبر ندم تندمه بحياته انه علمني النت والمنتديات وكيف اشارك فيها

واقول تكفى ساعدني كل اللي بالجهاز شافوه اللي بالمنتدى مالت علي طيحت قلبه

وجا وراي واوريه اعطاني ذيك النظره :mad: وانا اقول ما تعرف صح اشلون تحذفها طالعو للحين مشوار الدلاخه ماشي معاي لانه عصب قلت اجل سويت مصيبه هههههههههههههههه

وبس سلامتكم وان تذكرت شي رجعت لكم >>>>>>>>>>:icon28:اخيراً خلصت الأخت

يارب اكون خفيفة ظل عليكم