بسم الله الرحمن الرحيم
السلام عليكم ورحمة الله وبركاته
تحية عطره :)
وبعد
كيفكم اخواتي الغاليات على قلبي
انا حاليا امر بحالة نفسية سيئة سببها عدم استقراري انا وزوجي :angry2:
الزبده انا متزوجة قريب سنة كنت بالبداية ساكنة مع امي لأني كنت حامل والحين ولدت وزوجي يشتغل في محافظة
الهفوف فبعد الولادة جيت هنا لزوجي وهو ساكن عند ولد عمتي المهم هالحين انا جيت علشان نسكن في شقة في حدود
ايام معدودة والحين السالفة طولت هم معطينا غرفة بلحالنا الين مانلقة شقة المشكلة كل يوم ندور شقق مالقينا يا نلقاها
صغيرة او وصخة او غالية مرة والله احس اني بنجن ماني مرتاحة:( عند الناس احس اني مقيدة طول اليوم وانا متحجبة
ومغطية وجهي ماصارت مافي راحة عشان ولد عمتي دايم يكون جالس وهو طبعا زوجته محرم له وهي موب زيي يعني
تتحجب قدام زوجي بس وجهها لا وانا بس طول اليوم متلثمة ولا حتى عطونا دولاب هدومي وهدوم بنتي الصغيرة
بالشنطة هم صراحة مو مقصرين بشي حتى الأكل يطبقون الباب ويدخلونه عندنا بالغرفة هي اقولها اساعدك تقول عليك
بس تهتمي ببنتك بس برضو ابي استقر بلحالي وكل ماندور شقة يطلعون فيها عيب نفسي ارتاح واستقر والله طفشت هذا
كله من زوجي كان ياجر من بدري مو يجيبني عند الناس :eek: وغير كذا زوجي توه اشتغل ماصرف غير راتبين الله يعين بس
امس حصلنا شقة تشطيب جديد وجنب بابنا هرفي وكنتاكي وصيدلية وكل الشارع خدمات جات زوجة ولد عمتي قالت
وش ذا صغيرة بتحصلون احسن احس اني انقهرت زوجي كان موافق بس من كلامها غير رايه قال بنشوف واحس انه
هون فيها غرفتين وصالة ومطبخ وحمامين:42: ما نبي شي كبير يعني على قدنا وجنب البيت حديقة وش كبرها بس ياشين
اللقافة قالت وش بتسوين لي جوك ضيوف البيت صغير انا وش لي فيهم اللي يبي يجي تكفيه الوسع وسع القلب مو وسع
الدار وسعرها 13 ونص مناسبة جدا كل الأسعا صارت 20 وفوق بس ياشين اللقافة :22: ادعولي بالفرج لأنه اقاربنا كثار
يجون يزورونا بس انا احسها تكفي آآآآه يالقهر اذا ضيعناها بنتحسف كل الخدمات جنبها والصيدلية لصق بيتنا .
عروسة شهر عشرة @aaros_shhr_aashr
محررة ماسية
يلزم عليك تسجيل الدخول أولًا لكتابة تعليق.
ملكني حبك
•
كلمي زوجك وقولي له مالها دخل ماتدخل مو هي اللي بتسكن فيها
ردك جاء على قلبي مثل الثلج بحاول اقنعه وربي يهون الأمور بس يبيلي صبر يا @ ملكني حبك .
الله يفرجها عليك ياعمري وانتى اقنعي زوجك بينك وبينه ولاتدخلو حد بينكم قولي الشقه صغيره وعلى قدنا ونفرشها فرش حلو وتكون عشنا الصغير انا وانت وبنتنا اهم شي اخليها لك جنه ومن ذا الكلام الحلو ترى الرجال مايجي بالعناد والعصبيه شوي شوي والله يسهل امورك ولاتدخلي حد في حياتك وبيتك من اولها بعدين تتعبي
الله يعطيكم العافية حبايبي كنت فعلا ابكي من القهر بس شوي هونتوها علي بس يارب زوجي يوافق او نلقا احسن منها بأسرع وقت .
الصفحة الأخيرة