مايتكلم .. مايعبر عن مشاعره.. مايمدح ~> ليش يازوجي !!

كيفكم بنات ؟

بدخل بالموضوع على طول
زوجي طيب ومو مقصر بس مايحسسني بأنوثتي :ohwe:
لا يمدح ولا يعبر عن اعجابه وانا طفشت من هالحال
اهتم واسوي ولا اسمع منه كلمة
تخيلوا حتى بيوم ملكتي وزواجي ماسمعت كلمة حلوة

اشوف الاعجاب بعيون اللي حواليني واسمع مدحهم لي
لكن ابغاه من زوجي

تصدقون اني الى الحين مااعرف اذا يحب طبخي اولا !
اذا جسمي يعجبه او لا!
اذا اختياري لملابس النوم يلفته او لا!

واذا سألته احس يتهرب ولا عمره يعطي مدح صريح
مدري اذا خايف انفخ ريشي عليه !!
وبصراحة طفشت من كثر مااطلبه الكلام الحلو
انا الانثى اللي مفروض يغرقني بالكلام مو انا اللي بس امدحه واسمعه احلى كلام
جفاف عاطفي الله وكيلكم
صح اني البس واكشخ عشان نفسي اولاً
بس كمان نبغى نسمع كلمة طايرة منا ولا مناك:2thmup:

لاتجي وحدة تقول اهم شي مايخونك ولا يضربك !
ليش انا مو حرمة واحتاج التدليع
خصوصاً اني قايمة بكل واجباته ومو ناقصني شي ومهتمة بأدق تفاصيلي الجمالية

يمكن مايكون في حلول خصوصاً طبعه كذا وصعب يتغير
بس قلت افضفض عسى القى الاجابة عند احد
او يمكن تطلعون كلكم نفس حالتي ^_^