معليش حبيبتي اجل كيف تكون الام ام لو ما اتحملت عيالها ويلزمك طولة بال ولا محد غيرك بيتعب ولعلمك الضرب يزيد العناد وبامر الله فتره ويكبرو واحتسبي الاجر كان الله بعونك

الله لايسلط علينا من لايخافه فينا ولايرحمنا
ولاينزع الرحمه من قلوبنا

ربك قادر يحرمك منهم
ولاتنسي دخلت امرأه النار في هرره
وانتي جالسه تذبحين بالولد ضرب
بكرا يكبر مهزوز والا مريض نفسيا
و الا يدور الحنان عند غيرك وياكلك الندم
وقادر ربي يسلط عليك مثل ماتسلطتي عليه
معليش لايطلعو لي جماعة تربينا بالضرب
الزمان تغير والدنيا تغيرت
وكل شي يقدر يفرغ فيه الانسان طاقاته السلبيه
صار مفتوح ومتوفر
عمر العنف مايربي
وبكرا اذا شاب شعرك وما لقيتي ولد يحن عليك ويبر فيك لاتقولين عاق
قولي جنت على نفسها براقش
واللي مو قد العيال وتربيتهم وتحملهم والتعب معاهم
لا تخلف ورا بعض ولا تجيب اطفال عشان تعذبهم وتدمرهم
هذول امانه عندك بكرا ربك يحاسبك على الامهم ودموعهم واوجاعهم
واذا تدمر مستقبلهم كمان لك نصيبك من الحساب
اتقي الله فيهم واتقيه في نفسك
لايعاقبك ربك بذنب الصغار
الله يكون في عونهم 💔

بصراحه انا يوم قريت قلبي اوجعني
وتمنيت اني ماشفت الموضوع
ليش والله اليوم ابني كب الحليب
على السجاد كله توسخ قهرني
ودايم كيذا يسوي لانه مايطلع كثير من البيت
ويفرق طاقته في الخراب وضربته شوي في يده وقلبي عورني
كيف انتي كل يوم حرام عليك والعمر ماله دخل بتحمل المسؤليه انا
اصغر منك بس اتحمل ابني انتبهي يصير فيه شي من كثر الضرب يصير اهبل
ولا جبان ولا عنيد والله الضرب حرام لانه طفل مايقدر يدافع عن نفسه

البيت إذا نظفتيه اقفلي الغرف بالمفاتيح... خلي بس غرفه التلفزيووون
والباقي تقفيل ...
شغلي سورة البقرة بالبيت .. واقريها كل ثلاث ايام.......وكل الأطفال
كذا شقاوووة وتخريب...
مايهدون إلا وقت النوم... اشغلي طاقته خليه يرتب.. إللي يحوسه..

تحملي ربي رزقك هالطفلين نعمه من الله .حافظي عليهم وحطيهم بعيونك.

ماقصرو البنات ..

سؤال تعتقدين ان الضرب مفيد لصحة ابنك النفسيه .؟؟ لاحضت انك مهتمه بشخصيته لدرجه ماتبين تدخلينه روضه عشان مايمحون شخصيته ؟؟

ثانيا ..

حلك التنننننضيييييييم ..

مكان جلوسكم ومعيشتكم واحد والباقي ماله داعي يضل مفتوح ..قفلي المجالس والمقلط وشيكي عليهم كل اسبوع ..يبقا عليك مكان جلوس وغرفتين نوم ومطبخ وحمام ..بعد ماينامون لا تخلين فتفوته كل شي يتنضف ساعه بالكثير وانتي مخلصه ..

الاكل رتبي وجباتك وبسطيها قد ماتقدرين ..وبلاش عصاير وشبسات وكاكاو ..

وساعة لعب بالنطاطه او بالحوش بالتراب ..او اذا في اماكنيه العاب وحديقه ..

احيانا الازعاج لفت انتباه ..عطيه من وقتك ساعه سواليف واحضان وكلام ايجابي ..وبتلقين فك عنك شوي ..

وشغله اخيرة ,,اذا تستخدمين مانع حمل حبوب شوفي لك شي ثاني ترا تخلي الوحدة معصبه واي شي ينرفزها ..