ماعندي حلا ....عندي سؤال عن التمر!!!!

والله ياأختي زي العسل..
انا عندي نفس المشكله ويقولون الخبراء بالتمر
ان التمر اذا فتحتي كيسته ودخله الهواء خلاص يصير زي ماقلتي..
يعني لابد اللمعه تنطفي بعد مده من فتح الكيس.
والله اعلم ياليت البنات يفيدونا اذا كانوا يعرفون طريقه للحفاظ عليه.

السلام عليكم

بالنسبة للمعه ما عندى لها حل للاسف

بس انا عندى طريقة ممتازه لحفظ التمر وجعله طريا

حتى لو كان اصلا قاسى

وهى طريقه سهله

بس غسلى التمر بالماء جيدا ثم انفضيه من الماء وضعيه فى كيس نايلون

واربطيه باحكام

وشوفى اشلون يصير التمر ثانى يوم

واعملى من التمر كيك

عصيده

معمول بالتمر

او اضيفى القليل منه على التوفى اثناء طبخه يطلع روووعه خاصه مع اضافة القليل من الكريم كراميل

وايضا عندك بسبوسة التمر روووووعه

واى سؤال انا حاضره

:26: :26:

زي العسل والعامريه . فيه طريقه لحفظ التمر بعد ماتفكيه من كيسته
جيبي علبه بلاستيك فككي التمر وحطيه في العلبه وحطيها في الثلجه
في التبريد العادي واذا بغيتي تمر خوذي منه شوي ورجعي الباقي لثلاجه
واذاعندك كميه من التمر المكنوز في اكياس احفظيها في الفريزل ماتتغير حتي لو تقعد
سنتين او ثلاث واذا احتجتي لها طلعيها تذوب وفككيها وحطيها بعلبه بلاستك وحفظيها
في الثلاجه بكذا تحافظي علي التمر ولمعته.

ارجو اني اكون افدتك وخوذي العلم من اهل التمر (( القصمان)) والنعم ههههههه

الوفه
بسر برحي..
الله يعطيكن العافيه ...
بس عندي تساؤل على حل الوفه
لو غسلتي التمر وحطيتيه في كيس مايتغير؟
يعني مايطلع له ريحه..
يقولون خبراء التمر انه عدو التمر الماء..يخربه على طووول
يمكن قصدك ياألوفه بالطريقه انك تضمدين التمر يعني ترصينه صح؟
هذا اسمه الكنز عندنا.

سوي مثل ماقالت لك الاخت بسر برحي حطيه بالثلاجه وماراح يتغير
ومن تجربه
اما اذاكان التمر اللي عندك الان مافيه لمعه حطي عليه ملعقه صغيره من دبس التمر
ويطلع يهبل واذاماعندك دبس حطي عسل