اهلين جوجو !! اكيد بختلف بس مش كثير لاني عشت اجواء رمضان في القدس وبعد ما تزوجت في رام الله بس طبعا رام بعد الفطره حلوة كنا بعد الفطور نطلع عليها والناس على بعض يكونوا !! بتعرفي يا جوجو ما ذكرنا ليلة عمل المعمول والكعك بالعجوة قبل العيد بيكون كل دار تسمعي الطق للقوالب فيها الله على هذيك الايام والا لما ليلة ما يثبت العيد كنا انيم الملابس الجديده تحت المخده عشان نقوم ونبسها بسرعه !! والناس برمضان بيكونوا يستنوا على الدوار للفلافل والحمص السخنين !!
ما كنا نعرف تراويح و لا غيره صراحة ؟؟ :icon33:





لانه نغني دايما ابو طبله مرته حبله هههههه
هههههههههههههههههههههه يسعد قبلك ضحكتيني يا بوادي :42:

بسم الله نبدء ..

رمضان الخير لما كنت ببيت اهليو انا وصغيره يعني من ٢٠ سنه تقريبا كان يجي بالصيف ... فبتذكر كنا نعمل آنواع العصير اكتر من الاكل .. التمير هندي والليموناضه " ليمونيد هيك منسميها " وعرقسوس لبابا الله يرحمه ويمكن كمان شي عصير مشمش آو قمر الدين ... وكنا نعد بالبرنده .. يعني بالبلكون .. نفرش الأرض ونعد هنيك من كتير الشوب والحرائي .. ومع الأكل لازم يا فول مدمس يا تسقيه وشوربه حمرا " محبوبه الجميع ببيت اهلي " وغير الأكل الآساسي ... وللعلم كانوا بعض خالاتي ساكنين بنفس البنايه فننا منسكبلهم وهنن بيسكبولنا وبصير السفره فرجه ما شا الله ... وقبل الأدان منشعل على الراديو بكونوا عاملين فتره الإفطار آول شي قرآن كريم وبعدين آناشيد وخصوصا المنشدين حمزه شكور والمنجد الله يرحمه وداود " نسيت الإسم الاول " وبعدها الآدان وبعده كان يطلع مروان شيخو الله يرحمه يقول دعاء الإفطار وكلمه صغيره وكنا نسمعه متل الإبره ... وبعدين يبلشوا حزازير وشغلات ونطفي هالراديو وكل واحد يشتغل بشغله

منخلص فطور وركيض عالمطبخ شي بيجلي وشي بيمسح الإرض وشي بضب الآكل مع ماما الله يحميها ويخليلنا ياها ..منخلص بسرعه قبل لا يبدا مسلسل كانوا يحطوه دغري بعد الفطور بشي ساعه .. وما يحلالهم يحطوا المسلسل الحلو ألا بعد الفطور بشوي .. يا مرايا يا الشغلات اللي مضحكه ...


هلآ السحر وما يتذكر المسحراتي لآني ربيت ببناء عالي .. والحاره كبيره يمكن مو شايفته ولا مره غير بالمسلسلات ..
هلآ بعد ما يروحوا اخواتي عالتراويح ويرجعوا منعمل قهوه وببلش صواني الحلو والناعم يميميميميميمميميمييم اللي عم يقرمش " أخ يا بوادي " والنهش ... " بتتذكريه يا بوادي ؟ " وبتلاقي صينيه رايحه وصينيه جايه ... وبتلاقي المطبخ قام وآعد .

هلآ قبل ما يجي العيد بشي اسبوع كنا نحضر عجينه المعمول والحشوه فستق وتمر .. ما منحب الجوز .. ونسهر عليه انا وماما طراق طريق طراق طريق طول السهره بقالب المعمول الخشب ... بعدين اتعلمنا صرنا نحطله نايلون آو جرابه رقيقه نظيفه طبعا "" هههههههه " وبعدين صرنا نجيب قوالب بلاسستيك صغار ... ولما نخلص نفرش علب النيدو الكبار بالكياس البلاستيك الشفافه النظيفه ونوزعهم هيك ما شا الله مدري كم علبه ...

هلآ طبعا ما عاد في شغل بيت كلو جاهز وشي مرتب وتمام ... اهون واريح ...

وطبعا تنزل الريحه عبيت خالتي وتطلع عبيت الجيران ونشم الروايح الطيبه ونعرف مين عم يساوي معمول ...

اواعي العيد كنا نشتريهم من نص رمضان آو حتى قبل رمضان لآن ماما ما بتحب تعجئ حالها بنزله السوق والعلقه بالعجقه ... وكمان نسيت أخر رمضان بكره لآن كلو تعزيل تعزيل ،.،.، يييييييييييي .وخصوصا لما يكون شتا وبدنا نمسح سجاد البيت كله طبعا اول وش وتاني وشو والتالي بالعطر ونليف الكنبايات والحفر والحيطان والجلايل ...يااااااااااي شو نتعب ...


وما يوصل العيد آلا ونحنا بسابع نفس ... وكمان صباح العيد بكون علينا كوي ... اخواتي الآعزاء كل واحد بنقي طقم وقميص عكيفه وعدوا اكووووا ...
طبعا كنا نفرح بالعيديه كتير ... من بابا وماما وعمومي وخوالي وجدي وستي وعماتي ووووو ....... ما شا الله نحصل عيديه مرتبه ... ونخبيها ونشتري فيها شغله محرزه ..

يوم العيد بابا وبعد وفاته اخواتي بروحوا عصلاه العيد " النسوان ممنوع ما بعرف ليش " وكنا نتفرج عليهم هنن رايحين ونشوف هالرجال ما شا الله لابسين الكلابيات البيض وماسكين ايدين ولادهم ورايحين ركض عالجامع ... وتكبيرات العيد بتااااااااخد العقل ...

وبعدين بس ليرجعوا منفطر سوا وبروحوا بزوروا المتوفيين الله يرحمهم ويعدين بزورا قرايبين بابا عماتي وعمومي وكذا ... ونحنا انا وماما منبلش نستقبل خوالي وولاد خوالي وبعدين ببلشوا الآمم يجوا ما شا الله الخالات وولادهم وكناينهم ...
.
ولازم الضيافه تكون جاهزه " وهي قديما المعمول والعجوه وحديثا الحلويات الشرقيه بآنواعها تقريبا " وصحن الشوكولاه والسكاكر وترمس القهوه المره والفناجين .. يعني دوبني كنت الحق قدم صينيه للرجال .. ورد اعمل وحده للنسوان ... وشي اجى قبل وشي اجى بعد ... سبحان الله عجقه كتير ..

هي صوره للحلويات في حي الميدان اللي مشهور بالآكل والنفس الطيب ..



هلآ العيد بامريكا مختلف تماما ... صرت روح على صلاه العيد حسب ظروفي ما يكون عندي بيبي آو ولد صغير بعزب .. وبعدين منزوح لنش مع كم عيله وبعدها منلاقي ارنه للولاد يلعبوا فيها ... وخلص العيد ... يوم واحد وزياده ...

الله يعيد علينا العيد بالأفراح وبالمسرات وبرضاه علينا

ويسلموا ايديك يا بيبي ملاك لآنو رجعتيلي ذكرياتي الحلوه اللي الله اعلم ما بعرف بتنعاد ولا شو حيكون الزمان الجايه .. طبعا ولادي ما بيعرفوا شي من هالجو .. مسكين راح عليهم. ... بس بشوفوا باب الحاره وبياخدوا فكره مظبوط ...

وكل عام وانتوا بخير يا بنات

صرااااااحه الاجواء عندكم باالشام ونواحيها افضل بكثير من عندنا باالسعوديه ماشاءالله لأني صراحه بحب الشام كتييير تمنيت اني قضي شيئ رمضان عندكم اتمنى بجد الله يحققها ***** الله وكمان في السعوديه اجواء حلوة مع تحياتي { نوره من الرياض } coral queen

لا تحزني يا عيني بكرة بتنعاد الايام عليك يا عيوش لما تروحي لاهلك بالسلامه وتسيري ذكرياتك هنا هههه اضحك يا مره



ويسلموا ايديك يا بيبي ملاك لآنو رجعتيلي ذكرياتي الحلوه اللي الله اعلم ما بعرف بتنعاد ولا شو حيكون الزمان الجايه .. طبعا ولادي ما بيعرفوا شي من هالجو .. مسكين راح عليهم. ... بس بشوفوا باب الحاره وبياخدوا فكره مظبوط ...


يسلم قلبك يا شام ان شاء الله بترجع الايام الحلوى ما في شئ بظل على هو الا رب العالمين وتقريبا يا شام عاداتكم نفس عاداتنا في العيد هيك حنا كمان ان شاء الله كل عام وانتي وعيالك واهلك وحبايبك بالف خير مشكوره

بنات السعوديه يلا وحده تشمر عن ساعديها وتورينا العادات في السعوديه

عجبني الموضوع وحبيت اضيف اجواء رمضان بالسعودية الحبيبة
السعودية كبيرة ولذلك من المؤكد تجدي عند كل منطقة تقاليد خاصة

لكن الاجواء الجميلة اللي اتذكرها عشتها في جدة ايام الابتدائي لاننا كنا في حارة صغيرة ،، كنا نسهر للفجر في رمضان وغالبية الناس زينا ،،والنوم عادة يكون من الفجر حتى اذان الظهر ،،وحتى رمضانات اللي داومنا فيها كان الدوام يبتدي الساعة 10 لذلك نجد وقت كافي للنوم من بعد الفجر

بالنسبة لنا نحن الاطفال كنا نتنافس ونصوم من 7 سنين واللي يصوم نغني له :
ياصايم رمضان
ياعابد ربه
فراشتنا البيضاء
تسلم على خده
والفاطر نغني له اغنية :
يافاطر رمضان ياخاسر دينه
كلبتنا العورة
تجرجر مصارينه << يستاهل لانه كان يقهرنا
ونتنافس في ختم القران ونوقف الغيبة لكن بعد الفطور ترجع شياطينا



،، ويبدأ شغل المطبخ الصحيح من الظهر لازم كل البنات على المطبخ بدون استثناء لاننا كنا نطبخ لنا وللمسجد لانه كثير من الناس يفطروا في المساجد بدون مبالغة كنا نسوي 100 سمبوسة للمسجد و50 حبة للبيت من غير الاشياء الثانية :09:نتعاون نحن والجيران جميعا في تفطير الصائمين ،، لكن الان تطورنا صاروا اهلي يدفعوا لمطاعم معينة تتكفل تجيب وجبات مجهزة متكاملة حسب العدد اللي تطلبيه لكن صراحة مالها نفس الطعم الاول

والاكلات السعودية اللي معتادين عليها السمبوسة المثلثة والبف والشوربة واللقيمات والتطلي والكريم كراميل والخشاف وغيرها وملك المائدة الفول واخوه التميس مايفترقوا احيانا نوقف طابور عند الفوال من بعد العصر لكثرة الناس <<كانها بتصير مجاعة
والعصيرات عندنا : الفيمتو درجة اولى وعصير قمر الدين والتمر الهندي ( الحمر )


وقبل المغرب كنا نطلع السطوح ( سطح البيت ) حتى نسمع صوت المدفع لاننا مانقدر نسمعه من البيت واذا ضرب ننزل جري على الفطور وعلى طول المؤذن يؤذن للمغرب ، واحيانا كان اخي هو المؤذن مع انه بالابتدائي لكن صوته عذب وهدفه الاول ان ياكل مع الناس بالمسجد لانه السفرة بالمسجد كبيررررة و مغريه

في البيت نفطر تمر وماء فقط لاغير والوالد والاولاد يروحوا المسجد لصلاة المغرب ثم نكمل بقية الفطور الساخن والاساسي بعد صلاة المغرب



وبعدها نشب الفحم كمية كبيرة عشن نبخر بالعود البيت والمسجد نعبي 3 مباخر واحدة للبيت ووحدة لمسجد الرجال ووحدة لمسجد النساء ،،اما العودة كان الوالد الله يرحمه يشتريها ليلة رمضان فاخرة وبكمية كبيرة للمسجد ومرات كانوا الجيران يسبقونا على البخور
ويعصب علينا يومها :09:



وفي هذا الوقت بين المغرب والعشاء كان الوالد يكلفني بتسميع القران لاخي وهو اصغر مني بسنتين لانه كان يساعد الامام في صلاة التراويح على صغره كان يقرأ غيب وماشاء الله الان هو حافظ المصحف كله
وصلاة التراويح ماتفوتنا ولاركعة كلها بالمسجد حتى صلاة التهجد،، لانه المسجد لصقة بالبيت والبيوت متقاربة جدا ونفرح لاننا نشوف بنات الجيران ونلعب بين كل ركعتين واول مانسمع الامام يركع جري نركع معاه << صلاة خربوطة



وبعد التراويح القهوة والحلى ،،
اما نحن الصغار بعد التراويح نجري على السطح نطرطع الطراطيع ونسمعها من كل مكان بالشوارع ونجمع الريالات عشن نشتري اكبر كمية وخاصة للعيد تكون الطراطيع الغالية والكبيرة




واتذكر قبل الفجر كنا نسمع المسحراتي لكن صوته بعيد كان غير واضح ونسأل امي ايش يقول ؟ تقول انه يقولنا : سحورك ياصائم يعني قوموا تسحروا


اما في اواخر رمضان الناس يعتكفوا في المسجد حتى اخواني وهم صغار ،،ولكن غالبية الناس يكونوا في المسجد الحرام او المسجد النبوي في هذي الايام الفضيلة والبعض اللي حالهم ميسور من بداية رمضان يستأجروا بالقرب من الحرم ويقضوا رمضان كله بين الفندق والحرم ( في رمضانات الصيف)
والعمرة وما ادراك ما العمرة ،،،غالبية الناس يعتمروا عمرة رمضان ويحرصوا عليها بشدة لانها تعدل حجة مع النبي صلى الله عليه وسلم خاصة اهل جدة ومكةصغارا وكبارا ،،كنا نروح العمرة مع الوالد على دفعات اول رمضان ونص رمضان والسبب لانه في بنات في العيلة -ماشاء الله - فتحصلي بعضهم معذورات واحيانا ناخذ بنات العم او غيرهم في سيارة وحدة نروح من الفجر ونرجع بعد التراويح لازم نجرب الصلاة التراويح مع الحرم ،، لكن للاسف مانقدر نروح الحرم في العشر الاواخر لكثرة المعتكفين وخاصة ليلة 27 هذي الحرم يكون فيها مرعب واصلا مكة كلها من بداية الطريق الداخل لمكة تشوفي السيارات كانها واقفة من شدة الزحام ( بصراحة نفسي اعرف تجربة بنات مكة في رمضان اكيد رائعة )






التسوق كانت امي تشتري كل شي للعيد من ملابس وغيره قبل العشر الاواخر لانه في العشر عندنا صلاة التهجد مانقدر نخليها
وقبل العيد بكم يوم نشتري حلويات العيد وتسمعي البياعين يغنوا <<ياحلاوة العيد ياحلاوة كيلو بعشرين ياحلاوة !!
مانسوي شي بالبيت بصراحة ماعندنا هذي التقاليد في العيلة فقط نشتري الحلويات بجميع انواعها من الشوكلاته الفاخرة حتى حلاوة البقرة وحلاوة المصاص نشتري كمية كبيرة بعض الاحيان يخلص شهر شوال ولسى الحلويات موجودة ماخلصت ،،والطراطيع والبلونات هذي مهمة جدا ، بعض الناس نروح لهم في العيد ونلقى عندهم الحلويات المنزلية لكن مدري هم يسووها ولا يشتروها


وصلاة العيد كنا نصليها بالمشهد وليس المسجد يبغى لها موضوع في وقته ،لانه كنا نروح للمشهد مشيا على الاقدام وتحصل اشياء واشياء في الطريق ماننساها من روعتها
هذا اللي تذكرته ومستحيل ترجع هذي الذكريات انقرضت اغلبها :44: ،،لان الاحياء تطورت والبيوت صارت متباعدة والجار ماتشوفيه الا نادرا ،، بعد زواجي ماسمعت الاذان من بيتي مطلقا فما بالكم بالتراويح صرت افتح التلفزيون لاسمع التراويح برمضان واظن بامريكا نفس الشي على التلفزيون فقط نستشعر رمضان
حاسة انه الصور طلعت كبيرة ؟؟؟