السلام عليكم ورحمة الله وبركاته
بنااات انا ماأزكي على الله احد بس قولوا ماشاء الله لاقوة إلا به سبحانه...هذا الله يسلمكم حرمة كبيرة بالسن في السبعين اخلاقها قمة قمة قمة جد والله ماشفت مثلها ماشاء الله عليها كلامها عسسسسسل ودائماً تدعي للكل سواء تعرفه ولا ماتعرفه وعندها كل البنااات حلوااات قسمن بالله ماقد سمعتها تسب احد او تنقص من قدره بالعكس اي وحدة تشوفها حتى لوفيها عيب تقول ماشاء الله تبارك الرحمن وتهلل وتكبرذكر الله على لسانها الله يحفظها.تصوم ايام التطوع باستمرار.تخيلوا اي زواج تحضرة يابنات هذا اللي انا اشوفه شخصياً تشرب فنجال قهوة ثم تقوم تصلي ركعتين في اي مكان بالقاعة واذا ماحصلت تقعد تدور بين الحضور او تطلع للحوش الخارجي وتدعي للمعاريس سبحان الله هذا وهي ماتعرفهم!!
سألتها مرة لماعزمناها على زواج اخوي قلتلها ياخاله وش قاعدة تسوين قالت روحي يمي بلغه جداتنا جيبي عباتك وصلي وادعي لأخوك وعروسة ان الله يوفقهم >>مدري حسيت اخوي ولدها وشايله همه
تعرفون السكينه اذا نزلت على شخص كيف حاله يصير؟؟
وهذا فعلها من اول بشهادت اللي يعرفونها اقصد ايام شبابها قوامه صوامة ذاكرة لله بإستمرار دون ملل واخلاقها قمممممة لين ماشابت وهذا طبعها
الزبدة ياحلوات هذي العجوز شافت رؤياااااااااااااا قريب دريت عنها تدرون ايش ؟؟؟؟
شافت الرسول محمد صلى الله عليه وسلم فاتح ايديه وفيهم مفاتيح قال: ياأم فلان هذي مفاتيح الجنة اختاري منهم ماشئتي..
اقسم بالله يابناات اني لما قالولي عن رؤياها بكيت ..يكفي البشارة و شوفتها للنبي صلوات الله وسلامة عليه وهذا موب بالشئ الهين..
الله يبلغنا شوفته وشفاعته ياااااااااااااااارب
ماشاء الله تبارك الرحمن لاقوة الا بالله
فــــلك @flk_2
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
ماشاء الله تبارك الرحمن لاقوة الا بالله