اهم شي انكم لما تحمسون القهوه ماتطحنون كل الكميه يعني اطحنوا حسب اللي يكفيكم لاسبوع او اثنين , لان بعض الناس يفرزنونها مطحونه كلها وهذا غلط ياخذ من ريحة القهوه وطعمها .
اما بقية الخطوات فالبنات ماقصروا بخبراتهم . وعليك بالهيل الدرجه الاولى والزعفران الاصلي احنا نطحنهم سوا ونحطهم بالترمس ونصب القهوه فوقهم علشان الزعفران يتبخر طعمه وريحته مع الطبخ . :) وهذي اسرار قهوتنا

في وحده دوسريه قهوتها حلوه تقول تحوس البن هرري مع مستكه وشيبه بس مدري قد ايش كمية المستكه والشيبه الي تعرف تعلمنا الله يوفقها

حبيبتى ريحى عمرك من الحمس فيه اسواق السنبله اذا كنتى من الرياض عندهم قهوه مطحونه جاهزه اسمها البهار او بهار الدوادمى تجيك مكيسه رهيبه وفيه بهار عند العطار اسمه الببهار القصيمى يجيك بعلبه غطاه ازرق هو فيه زعفران وكل شي


طريقتى هى احط مويه فى ابريق القهوه الى اعلى الفتحه من جوه حقت ابريق القهوه <<<<فهمتى

ولازم تخليها فوق 10 دقايق تطبخ بعدين حطى ملعقه من البهار القصيمى ويطبخ معها وجيبى الزمزميه او الدله وحطى ملعقه هيل مطحون مع شويه عودى وصبى القهوه عليها وسلامتك

ايش نوع الزعفران الكويس يابنات؟

قهوه اهلي تهبل
وانا في البدايه حلووه بس لما صرت استعمل خلطه البهار الجاهزه صارت مو مثل اول
كنت اشري هيل وزعفران ومسمار كلهم حب اصلي واطحنهم
والزعفران الاصلي موجود عند اجمل بـ30 لونه حلو وطعمه
وحطي مويه حاره في ابريق القهوه مو بارده غلط
وخلي القهوه تطبخ شوي
وحطي القهوه في الثلاجه علشان مايتغير طعمها
ولا طفيتي على القهوه خليها 5 دقائق اذا مو مستعجله تصفى راح تصير لك صافيه
وصبيها شوي شوي في الدله ويكون فيها الهيل والمسمار(اختياري) والزعفران
وخليها تاخذ غوشتين على قوله امي الله يطول بعمرها
وصبيها في الترمس
وصحيح اتذكر وحده تحمس مع القهوه شيبه تعطيها طعم

وقهوه الحريم الكبار مثل امي غير لانهم عندهم نفس حلو لافي طبخ ولاقهوه مشاء الله عليهم كلهم بركه