أولا السلام عليكم
للجادات اللي بالرياض بس بليــــز :35:
((أنا مااعرف كيفية التعامل مع الشحن وطريقته فاللي من خارج الرياض وتبيها بس توضح لي كيف والله ييسر))
بنات هي شنطه وحده شريتها قبل شهرين على انها للاستخدام الشخصي للجامعه
<<ووالله اني مضطره ابيعها والا قبل 3 ايام بالضبط ماكنت مفكره ابدا ابدا اني اعرضها وربي يشهد وانا اصلا بجهه وبيع الشنط بجهه ثانيه
بس الشكوى لله..
ووالله ماستخدمتها ابدا
وهي مثل ماكتبت بالعنوان مو اصليه
والتقليد مثل ماتعرفون مستويات
وهي تقليد من المستوى الاول
و الفروق اللي بهالشنطه بسيطه جدا ماحد يلاحظها بسهوله وانتم الحكم وبتشوفون بالصور
هي تنفع للجامعه<<(الغرض الاساسي وراء شرائها)
او الكليه وتنفع للدوام والزيارات بعد
وللعلم:
قبل اسبوعين بالضبط رحت لفرع لوي اللي بالمملكه وسالت عنها لاني شريتها قبل ماينزل الموديل بالسوق
ولقيت اللون البني منها (طبق الاصل من اللي معي) نازله ولما سالت عن الملونه قال المحل انها بتنزل بعد كم شهر
وسعر الاصليه (7840 ريال) وربي على مااقول شهيد ويمكن تروحون للمحل وتتاكدون والمحل مثل ماهو معروف نظامه انه مايسوي تخفيضات أبدا
المواصفات:
- الشنطه لونها ابيض وموزعه علامة الماركه عليها بالوان مختلفه<<تناسب جميع الملابس وخاصة السبور وتريحك بتركيب اللبس معها بالجامعه
- حجمها أنا ماقستها بالضبط ولكن اقول تقريبا العرض 30 سم والطول 20 سم<<مناسبه جدا لكتب الجامعه
- شكل علامة الماركه ماتفرق عن الاصليه ابدا<<مشيّكه بنفسي ومقارنتها بالاصليه
- معاها كيس لحفظها بداخله
- علامة الماركه محفوره على السحابات..
واسمها مكتوب على الازرة مدري مسامير التثبيت (ماعرف اسمها حاولت اصورها والسحابات بس الكاميرا حقت جوال ولا وضحت)
والحين مع الصور:
صور للشنطه<<وراح تلاحظون اني ماشلت الاكياس من اليد والحزام ومن بعض الاماكن
صور للكيس
