بعدين هالايام السكرانين واللي ياخذون مخدرات ياكثرهم

والله اللي ماينحط بمثل موقفك مايحس شوفي هالموقف صار لنا

من فترة موقفين عند محل كماليات على كيفك بالرياض

ولدي واخوي ينزلون الاغراض بالسيارة

العربيه مليانه قدامي انا طبعا ركبت السيارة ومافي مجال نجيب العربيه ورا فاخوي اخذ كم كيس وراح

خلف السيارة جالس ينزل الاغراض وولدي ربي يحفظة عند العربيه قدام السيارة

شوي ويجيك واحد سكران او محشش مدري وش بلاه ويمسك الولد من كتفه وكأنه بيجرة معاه بالقوة

ويقول تعال معي

انا بسرعه كنت بنزل وتسمرت مكاني لاني حامل بالسابع وقتها

اخوي فديته شافه وجا على طول وقال وش عندك وش تبي والرجل واضح مو طبيعي

الرجال انخرش وخاف وارتبك لانه ماشاف اخوي بالبداية واخوي ماشاء الله عسكري وطول وعرض

المهم ولدي حبيبي مرة خاف وقلب لونه اصفر وشفايفه صايرة ابيض من الخوف وركب السيارة بسرعه

قام اخوي يحقق من السكران ويقول وش تبي وش عندك

السكران يبرر لنفسه يقول بغيت الولد يساعدني ( لا ياشيخ )

يبيه يشيل معه الاغراض ويقول حسبته يشتغل هنا ( واضح الكذبه) ولدي عمره 11 وجسمه صغير تعطونه 9

وش يشتغل هنا لكن واضح قصده بغا يخطفه ويوم شاف اخوي ارتبك

المهم من كثر ربكته طلع البطاقة وقام يتشكى اخوي ويطلب فلوس ويقول صار علية حادث وهو يصب عرق

ورجوله ماتشيله ومرة يضحك ومرة يكشر وشكلة مقزز مرة

اخوي صرفه بكلمتين وطرده


عاد انا بغيت اموت خوف اول مرة اشوف كذا اشكال اعوذ بالله الشر يجيك برجولة اشياء كنا نسمع عنها والحين بكل شارع تشوفينهم

الي يتهم زوجك باكستاني والى سعودي؟؟؟

الله ينصر المظلوم فيهم ويرد كيد الظالم بنحرة