الي عندها عامله فلبينيه او من اي جنسيه كوفيره لتنازل بالله تراسلني خاص ضروري تكفون

****لله جميع الخوات ربي ييسر امورهم

وصراحه اختي ..بدر البدور..ماشالله عليكي احرجتيني بكرم اخلاقك وتعاونك
وانت مثال للإنسانه النصوحه الأمينه بإجابتها لوجه الله
الله يرزقك وييسر امورك و فرج عليكي كل ضيقه ..

الله يعينك صراحه..والله شي يقهر في بشرماعندها ضمير ولاذمه
بس اختي ماعليش على التطفل ...ليه ماجبتي على كفالتك؟؟ ..ممكن نعرف السبب علشان نستفيد من تجربتك
واذا عندك وجهة نظر في موظفات الكفاله ممكن تفيدينا بآرائك
>>>>...لأنه صراحه حنا مالنا غنى عن آرائك القيمه

انا سالفتي سالفه خخخخ
اول شي كنت في وظيفتي ماني ناويه افتح مشاريع
جتني بنت عمتي قبل زواجها باسبوع وقالتلي ابي تزينيني كوافيرات بلدتنا مايعرفون يمكيجون
وكنت متردده بس شجعوني قرايبي
ومكيجتها والكل صار يقولي افتحي مشغل بس ماقدر بحكم وظيفتي اني ممرضه
المهم وتجيني وحده من زميلاتي لما كنت بالثانويه
وكانت معها دورات مكياج وخياطه
وصارت بيننا مكالمات وقالت انها تشتغل في بيتها لجل تساعد زوجها
وقلت لها بفتح باسمك واعطيك راتب عالرخصه غير عن شغلك بالمشغل واتفقنا
المهم واخذ 11 شهر وانا ابحث عن بيت على شارع تجاري مالقيت
ولما لقيت بيت جديد كملت مراوحه وبعض الاضاءات وعدلت فيه وقلت لها تجيب شهادتها لجل نفتح الرخصه
الا البنت تقول زوجي رفض
ورحت ادور شهاده وطلع واحد من الجماعه من بعيد عند اخته شهاده وهي موكلته فيها وقال اللي تبون بسويه وسالناه كم اللايجار قال بلاش قلنا ذا حقك ولازم تقول قال مانختلف
المهم وخلص اجراءات المشغل وافتحه وكلمتني البنت انها تبي تشتغل معي
وهي ماقصرت دلتني ايش اشتري وايش يلزم المشغل
وكلللللللللل شي
وافتتحناه واخذ شهره خلال اسبوعين
بس البنت شافت اني عطيتها شهره واختفت لاحس ولاخبر
ولما كلموها البنات قالت لهم ابيها تزيد نسبتي وانا اشتغل في مشغل ثاني 50 بالميه طبعا تكذب
وانا طول الفتره ماكلمتها وتراسلني ان العرايس يبونها تزينهم بمشغلي وماعطيتها وجه مع اني كنت محتاجتها وفاتحه المشغل على اساس انها موجوده
واضطريت اني اخذ اجازه واتعلم الصبغ والتسريحات لجل اعوض النقص
طبعا في هالفتره الرخصه ماكانت طالعه
وقبل لاتطلع طلب علينا صاحبها مبلغ خيالي لايجار شهري احنا رفضنا وقلنا تنازل عن الرخصه لعمي لاني اكتشفت ان عنده شهاده وقالي خذيها
قال خلاص بتناازل وكان هالكلام بشهر 7
وكانت كل ماتجي عندي موظفه تتعلم وتروح عدا اللي يشتهرون يجلسون شهرين وبعدين يطلعون بدون اي سبب والعقود عندي ولي حق اطالب بس مابي شوشره
جا رمضان وطلعت الرخصه ورفض الرجال يتنازل والى يومك هذا وهو رافض رغم العروض اللي قدمناها
والبنات اللي عندي تبع المكياج وتبع النقش جت لهم وحده من اللي توظفوا عندي وحاولت تسحبهم لمشغلها الجديد بس هم رفضوا لكن جت لهم باساليب ثانيه وكرهتهم بالمشغل بدون ماتوضفهم عندها يعني حسد
والحين مابي استقدم والرخصه باسم هذاك الشخص لجل ماتورط بالعامله ويسحبها مني لانها بتكون عكفالته


اتمنى تاخذوا درس ولاتثقوا باحد شفتوا زميلتي ايش سوت وكمان الرجال اللي من قرايبي



انتبهوا يابنات انا صار لمشغلي 5 اشهر ونصف اخذت فيها دروس وعبر

الله يرزقك يا بدر البدور وينصرك عليهم يارب وتاخذين كل شي بارد مبرد
واسمحيلي صديقتك هذي حرام تطلقين عليها مسمى صديقه
الله يعوضك يارب .. ويغنيك بحلاله عن حرامه