وه ماابغت تطلع نتيجة التحليل! كل اللي قروا موضوعي اللي قبل يجون ضروري ابيهم بكلمة راس

السلام عليكم ورحمة الله وبركاته

كيفكم بنات ان شاء الله تكونون بأفضل حال وكل من تحبون

قبل كم يوم قلتلكم بروح اسوي تحليل حمل

رحت لمستشفى المملكه وقالتلي دقي بعد ساعتين وتعرفين النتيجه

وانا وزوجي على ناااااااااااااااااااااااااااااار
جايبين عشى معنا ماقدرت اكل بس اطالع الساعه .. مرت ساعتين الا دقيقه:42: وقلتله دددددددق الحين على ماتدق راحت الدقيقه وصارت ساعتين:22: دق وقالوله ماعندنا حاليا نتيجه دق بعد نص ساعه .. يااااربيه مافيني صبر وبس نطالع بعض ونقول الله يستر .. وانتظرنا نص ساعه الا دقيقه .. ودق ورد رجال قال ودينا كل الملفات للدكتوره دقوا عليها بس اتوقع انه موجب .. ياااربيه لي ثلاث ايام بس عايشه بتوقعاات .. وامه وامي يقولون ماودنا نفرح مره الين نتاكد وكل شوي يدقون

والله يابنات من امس وانا ادق الين اليوم وماترد الدكتوره:09: واكلم الريسبشن اقوللهم شوفوو صرررفه ابي اعرف النتيجه بس ويحولوني لها ولا ترد افففففففففف زهقت.. والمشكله مشوووووار للمستشفى ولا قلنا خلاص نبي نروح .. المهم ماطول عليكم اخر شي زوجي اليوم دق وقاال ياويلكم لو حولتوني لها طلعلي النتيجه بس .. وحولنا للممرضه اخذت رقم الملف واسمي وقالت انا ادق عليكم
وننتظر وننتظر .. ودقت ورد زوجي قالت فيييييييييييين مدام فلانه قال وش فيها قولي النتيجه قالت لااازم مدااام ييوم كلمتها قالت مدااام انتي هااااامييل:22:

الحمد لله .. وبس هذي سالفتي وحبيت اقوللكم الله يوفقكم ويرضا عليكم دنيا واخره وكل من دعالي وباركلي وشاركني فرحتي .. انا للحين والله منيب متخيله ولا مستوعبه احس اني قاعده العب:22:

واهلي خوووووفوووووووني يقولون البكر اول حمل يخوف كل من كلمني لا تركضين
لا تشيلين شي
لا ترفعين يدك وتاخذين شي من فووق
لا تعطسين
لاتبوبزين
والله اني لانمت قمت افزفز من الخوووووووووووف بس احسه بيطيح


وياحبيلكم يابنات والله انكم عسل وربي يسعد كل وحده ويهون عليها ان كانت حاامل ويرزق كل محرومه ويطرح البركه بكل من لها اولاد