كلمة شكر للاخت ســــــــارة على المكياج الراااااااائع

كان عندي عرس يوم السبت ..

واتفقت مع ســــــارة انها تحطلي المكياج .. ((فيني حب المغامرة))

ووصلت عندها البيت ويلست عالكرسي (( عندها كرسي مثل مال الصوالين ))

وعدة المكياج ما شاء الله عليها مرتبة في عربة في شنطة ..

من أرقى الماركات العالمية .. مثل بن ناي وكريولان وغيرها ..

وبدت تحطلي المكياج لمدة ساعة أو أقل تقريبا ..

ويوم خلصنا .. قالتلي قبل لا تشوفين ترا المكياج اللي سويتلج اياه بسيط ..

لأن المناسبة مثل ما قلتلها مب ناس قراب وايد .. وما كنت أريد رموش ..

عشان جيه قالتلي حطيت لج ميك اب بسيييييييييط ..

ويوم رحت أشوف الميك أب .. جيه استوى ويهي

قلتلها هذا بسيييييييييييييط ؟؟؟؟؟؟؟؟؟؟ ((خافت سارة!! على بالها قصدي دفش))

قلتلها رووووووووووووووعة رهييييييييييب PERFECT

ما توقعتها بهالاحتراف ما شاء الله عليها ..

سوتلي رسمة عين عجيييييييييبة صراااااحة ووايد كانت لايقة على عيوني ..

وفستاني لونه تركواز مع بحري ..

وهي دخلت في لون رسمة العين ..

(( أسود طبعا + أبيض لؤلؤي + تركواز + بحري + بنفسجي هادي ))

ويمكن فيه ألوان ثانية بعد ما لاحظتها ..

بس كل هالألوان ممزووووجة بطرييييييييقة متقنة وفن وذوووووووق ..

انا من النوع اللي أحب كثرة الألوان في الظل مع تناسقها ..

فتخبببببببببلت وااااااااايد .. على مكياجها ما شاء الله عليها ..

ويوم رديت البيت قعدت أتأمل نفسي .. ومستخسرة اني امسحه والله !!

وكانوا اللي في العرس حد متمكيج عند رندا وحد عند منيرة وحد في بيوتي بالاس وحد في عروس الخليج وغيرهم .. بس والله حسيت ان مكياجي نفس مستواهم اذا مب أحلى ..

صدقوني يا بنات اني ما أبالغ .. مالي أي مصلحة صرااااااااحة ..

غير اني حبيت أقول كلمة شكر للغالية ســــــــــــارة .. شكر من الخاااااااااطر

وأقولها انها ماشية صح الله يحفظها .. وشغلها ما عليه كلام ..

والله يوفقها ان شاء الله دنيا وآخرة ......................