انا والجرذي.....بغيت امووووووووووت

السلام عليكم ورحمة الله وبركاته

بحكيلكم قصه صارت لي اليوم الفجر بس البدايه صارت يوم الثلاثاء
الابطال:
انا<<<<ريومه
خواتي الثلاثه
وبنت خالتي
عيالي
الخدامه

والحين ابدا في القصه:
زوجي سافر يوم الثلاثاء وقلت لخواتي يجون ينامون عندي الين يجي زوجي ، وكنا قاعدين بالصاله يوم الثلاثاء وفجأه نشوف شي يمشي من بعيد ودخل المطبخ وطبعا احنا شفناه من جهه وانواع الصراخ من جهه ثانيه
واختلفت الاراء عن هوية الكائن الغريب اللي شفناه ، اللي قال صرصور واللي قال ظاطور(وزغه،بعرصي) وانا المملوحه قلت عقرب<<<<رياااااااااااااااال

وناديت الخدامه تجي تدور عليه وتذبحه ، دخلت هي المطبخ وسكرت الباب وطولت وهي تدور عليه وانا المملوحه من ورا الباب مسويه قلق :هاه ذبحتييييييييييييه .........هاه موتييييييييييييييه
وهي :لاااااااااااا يامدام............... لا يامدام انا مافي شوف

وقلت لها قبل لاتطلع تنام ترش المطبخ كله بالفليت وتسكر الباب عشان اذا كان صرصور يفطس

ومر يوم الاربعاء بسلاااااااااااام وجتنا في البيت بنت خالتي
وكنا سهرانين الى الفجر ويوم صليت الفجر قلت: خلاص بروح انام عند عيالي مابي اي صوت ولا ازعاج
وهم يهزون دمجتهم ان شاء الله

توني مغمضه عيوني....... توالنوم جاني
الا اسمع صرااااااااااااخ وصيااااااااااااااااح وانا عصبت عليهم لان عيالي نايمين ومايصدقون يسمعون صوت الا وهم قايمين
ودقيت على جوالاتهم كلهم يقالكم معصبه وشايشه بهزأهم كلهم، ولا وحده ردت علي
وانا طلعت لي قروووون ودقيت مره ثانيه ردت بنت خالتي:ريووووووووووووووووووووومه ياالشييييييييييييينه عندك جرذي ولا تقولين لنااااااااااااااااا
قلت بكل برود:لا..... نصابه
قالت:انا فاضيه عشان انصب عليك خلااااااااص برجع بيتنااااااااااااا
وبكل براءه قلت لها:اذبحوه
قالت:تعااااااااااالي انتي اذبحيه
قلت:وين راح طيب
قالت:جانا وهو مفحط (لان الممر عندي سيراميك)ودخل بين العاب عيالك اللي في الممر
قلت: خلاص طيب لاتصيحين
واذكر ان نظاراتي في الغرفه الثانيه واختكم عميانه ما تشوف شي بدونها ، كلمت وحده من خواتي وقلت لها راقبي الممر وانا بروح اجيب النظاره
وبسرعه خااااارقه جبت النظاره ورحت المطبخ وجبت المكنسه يقالي بذبحه


بقطع السالفه وبصف لكم شكل بيتي:
هو عباره عن شقه الصاله مرتفعه عن الارض بدرجه وبعدين ممر طويل على الجنب الاول المطبخ وغرفة نومي والجنب الثاني غرفة عيالي وغرفة الملابس

نرجع للسالفه...... المهم جبت النظاره والمكنسه ولازم امر من الالعاب اللي متخبي فيها الجرذي عشان اروح للصاله
وبكل رشاقه وخفه وجمال<<<ما ادري وش دخل هذي
نطيت نطه وحده للصاله (جاكم الاعصار ماشي يعيقه) وشفت البنات لقيت وحده متعلقه في الجدار والثانيه فوق الكنب والثالثه فوق الطاوله واللي شد انتباهي وقعدت اضحك من غير رايي شكل بنت خالتي حاضنه شنطتها من اف سان لوران وشبشبها(وانتو الكرامه) DKNY وطالعه فوق الكنب، وانا اتحمد عليها وتقول لي:لو مر عليها الجرذي والله ما البسها مره ثانيه<<<<<خايفه عليها توها جديده

ورحت لاختي وعطيتها المكنسه وقلت لها:حركي الالعاب عشان يطلع واذا طلع اذبحيه:30:
وهي طيرت عيونها:icon810: ليش انا
قلت لها:عشانك انتي احلى وحده واقوى وحده
وصدقت هي كلامي وخذت المكنسه وحركت كل الالعاب الا وهو ينط من جهه وقاعد يتزحلق من السراميك
وانا قاعده اصرخ عليه لاتدخل غرفة عيااااااااااااااااالي وكانه سمعني وعاندني ودخل الغرفه من تحت الباب وانا خلااااااااااااص بمووووت من الخوف ، خايفه يرقى عليهم
وشهود عيان(خواتي وبنت خالتي)يقولون صار وجهي احمر وصرت انطط واصيح عياااااالي...عياااالي
وبسرعة البرق رحت للخدامه عشان اصحيها وقامت هي مرتاعه :ايش فيه مدام
وانا من الروعه ماعرفت اشرح لها وقلت:فيه سمسم صرصور بس كبير وفيه ذيل طويل عند غرفة بيبي تعالي معي سوي موت<<<<يمديكم على الوصف
وهي بكل برود قالت:ايه انا شوف من زمااان انا يبي سوي موت بس ما اقدر
قلت لها:ليش ما قلتيلي
قالت:انتي يامدام شفتيه يوم الثلاثاء وقلتي لي رشي المطبخ بالفليت
وسحبتها من يدها ورحنا لغرفة العيال
واثناء ما احنا نمشي وانا قاعده افكر واقول في نفسي لودريت انه جرذي ذاك الوقت والله لأضف عيالي واطلع من البيت
وصلنا غرفة العيال وهي راحت للمطبخ تجيب مكنسه ثانيه وانا من بعيد اصحي عيالي وقام واحد منهم يبكي من الروعه والثاني ناااااايم ولا جاب خبري
ورحت لاختي (هي نفسها اللي عطيتها المكنسه وقلت لها حركي الالعاب)وقلت لها:انتي البطله روحي اسحبي الثاني
والله وراحت اختي وشالت الولد وجت تركض
ودخلت الخدامه الغرفه وحركت كل شي فيها وانا عند الباب استنى عشان اذا طلع اذبحه<<<<فنانه
والا اشوفه يطلع من تحت سرير ولدي وجاي علي وانا اسمعوا بس صراخي:ياحيوان .... ياوصخ....ياقذر...وانواع السبات اللي تخطر على بالكم
وخواتي وبنت خالتي يصرخون في الصاله ما ادري وش دخلهم بس مسوين قلق
ونسيت اقولكم وحده من خواتي كانت نايمه في في غرفه ثانيه
وماشاء الله عليها ما حست بصراخنا ابد

وقعد الجرذي يفحط وينطط وانا اصقع المكنسه على الارض من بعيد على بالي بخوفه
وحشرناه انا والخدامه في زاويه نحاول نموته والحيوان طلع وراح للغرفه الثانيه اللي فيها اختي نايمه
والبنات قلبوا الموجه صاروا يضحكون بدل الصراخ على شكلي انا والخدامه

ورحنا للغرفه اللي فيها الجرذي ودخلنا على اختي المسكينه وشغلنا الانوار وهي قامت من النوم مرتاعه وقالت :وشفيكم
انا قلت ولا ما قلت فيه جرذي ما اشوف الا غبارها طالعه من الغرفه لا قالت بساعدكم ولاشي
ونفس الشي الخدامه تحرك الاشياء وانا عند الباب استناه يطلع عشان اموته

واسمع صراخها مسكينه وانا ميته من الضحك عليها وفجأه الا انا وياه وجهه لوجهه
وحطيت عيني في عينه واقوله:يا انا او انت في هالبيت

وبضربه وحده وقويه مني الا وهو يخر ميتا على الارض
وانا انطط من الفرحه ذبحته ذبحته واروح للصاله والبنات يصرخون من الفرحه ويحضنوني تقولون سجلت هدف في مبارة نهائيه للمنتخب في نهاية الشوط الثاني وصفر الحكم وفزنا بالكاااااس<<<<اموت على التشبيه

ولما شفت شكله ميت رحمته قلت لو خليته وربيته مع عيالي ما كان احسن

وبس هذي قصة معاناتي مع الجرذي والحمدلله عدت على سلاااااااااام بس ان اصواتنا انبحت من الصراخ

هاه وش رايكم؟؟؟؟؟؟؟؟؟؟؟