الحقو علي بتطلق والسبب.......؟؟

السلام عليكم


بنات والله العظيم اني خلاص وصلت لمرحله كرهت نفسي فيها


انا متزوجه وزوجي كان متزوج ومطلق وعنده عيال 2

المهم اول امس ابتدت السالفه


انه طليقته دزت بايد بنتها صحن قالت قولي حق ابوج هذي الاكله اللي امي كانت تسويها وانت تحبها من ايدينها


جذي قالت له


ولمن جت هني

طبعا قالت له انا طالعته لانه عارف انا شنو بسوي
نطرته طلع ويا بنته وقطيت الصحن بالزباله حتى الصحن قطيته لانه صحني كرهته

والمصيبه الاكبر داقه امس تتحجج ببنتها وبعدين اخذت التلفون من بنتها وتقول له هاه عجبتك الاكله اللي سويتها هو سكت

انا كنت ابيه يرد يقول لاتسوين جذي ماكو جان تقوله زين انا بودي البنت الطبيب اي طبيب تتوقع زين


كل هذا ماتستحي على دمها متزوجه وعندها صبي عمره شهرين وفوق هذا مو مهنيتني بعيشتي

نفسيتي مندمره على الاخر كل ماحاولت اريح نفسي واسترخي تطلع لي مادري من وين هل مصيبه


واخر شي امس تهاوشت مع زوجي وقلت له مابيها تدق وان دقت والله الا ادق وابهدلها اخر شنو يقولي سوي جذي وشوفي شنو بسوي فيج

زين خايف تحرمك من عيالك تبهدلني انا


تبيون الصج انا ماقمت اتحمل وبنفس الوقت مابي اونسها بطلاقي انا عايشه بغرفه وامي منقهره مسكينه علي امس دز لها مسج وقالها مع انه ماقلت لامي شي مابي اغثها مسكينه


لمن قلت لامي قالت لي طنشيها اطنشها وانا اشوفها تتدلع وتتمايع على زوجي شتبي فيه


زين اطنش مره مرتين ثلاثه المفروض هو يحترمني ويقدرني مو يقولي شي يخص عيالي مالج شغل فيه

زين شكو تكلمها


في كثير بيردون علي بيقولون لي تحملي بينهم عيال اوكي بينهم عيال بس مو بهل طريقه الوقحه


انا راح ينخرب بيتي وامس مد ايده علي بسببها واخر شي شنو يقولي هي احسن منج وهي انظف منج وانتي تغارين منها لانه انتي ناقصه صار يعايرني لانه ماجبت له للحين عيال 4 سنوات مو بيدي ومافيني شي والله كل فحوصات سليمه


بس النفسيه مندمره على الاخر


رديت عليه قلت دام هي نظيفه وزينه ليش طلقتها قلت لاتقارني فيها لانه انا بعت راحتي وخليت اهلي وراي وجيت معاك للغربه وهي اول ما اخذت حاجتها منك واخذت فلوسك واخذت اللي تبي داست عليك ومشت وماهمها عيالها لانه عيالها من حقها ولا قادر يسوي شي


هذا جزاي انا اللي شريته وهو قاعد يشتري من باعه


والله حرام

انا من امس ادعي واقول حسبي الله عليها الله لايوفقها ويخرب بيتها مثل ماهي قاعده تخرب بيتي عسى ماتشوف يوم عدل بحياتها


حسبي الله ونعمه الوكيل


تدرون والله بيني وبين نفسي اقول لازم اشوف لي دكتور نفسي لازم اسيطر على اعصابي لازم حتى لو دقت على زوجي وكلمته ابي ما احس بشي ابي الغيره اللي بقلبي تروح ابي اصير مثل الطوفه مايهزني شي مابي كلمه منها تهز حياتي كلها وتقلب ايامي فوق تحت


اقسم بالله نفسيتي تعبت ودي ارتاح وطلاق مابي الطلاق لان مافي احد يتمنى الطلاق


ابي حل في وحده مرت باللي مريت فيه وقدرت تسيطر على نفسها انا احبه وهو بعد يحبني بس كله ولا عياله لو اقرب لهم والله ياكلني


وانا ما اذيت عياله بس هذي اذتني الله ياذيها ويشغلها بنفسها


قاعده لاشغله ولاعمله بهل بيت وفوق هذا مجابل وجهي لاشغله ولا عمله زهقت منه ودي يطلع من البيت ودي مايرد الا وقت النوم ابي ارتاح زهقت صرت انا اطلع اقعد بالحديقه عشان ما اختلط فيه بس لي متى وربي انه احس قلبي بيوقف موقادره اتحمل

غيرتي دمرت حياتي ونفسيتي صفر وعيال مو قادره اجيب عيال من النفسيه لانه حيل تعبانه حسبي الله ونعمه الوكيل


الله ينتقم لي منها حسبي الله ونعمه الوكيل


تكفون اللي عندها طريقه تدلني عليها قبل ينخرب بيتي


الله يوفقكم ادعولي الله يصلح بيني وبينه وربي مابي اتطلق بس تعبت من نفسي تعبت من اني ناقصه اخرتها يعايرني يقولي انتي تغارين منها لانها ناقصه دام تعرف اني اغار منها ليش تعاندني فيها


حسبي الله ونعمه الوكيل

:mad::44:حسبي الله ونعمه الوكيل:icon33: