تختار زوجها او اهلها؟؟ بسرعة ارجووووووووووكم

يابنات انا عندي صديقة وحابة تعرض عليكم مشكلتها وانا راح انقل ردودكم لها بس تكفون ردوا عليها بسرعة والحين بتعرفون انا ليش مستعجلة..

المشكلة انا صديقتي خطبها واحد هي كانت تبيه وملكت من 11 شهر وهم يحبون بعض .. بس فالبداية اهلها كانوا رافضين لانه قام يتشرط عليها البسي كذا ولاتلبسين كذا ولاتطلعين ويا هلج ومدري شنو .. من قبل مايملك عليها وحتى مهرها للحين مادفعه ولاشبكتها .. عشان جذي اهلها رفضوا الزواج وبعد الحاح تمت الملكة ومن يومها وهو يكره اهلها ويحقد عليهم بدرجة ماتتصورونها مع انه قدامهم عادي بس بينه وبينها يقول انه يكرههم واحيانا يسبهم بكلمات ماتنقال..
والي زاد المشاكل انه للحين ماسوى شي واهلها صاروا يضغطون عليها عشان المهر والشبكة لانه فشلة جدام الناس وللحين ماصار شي واول ماتجيه فلوس مايحاول يسوي شي وياجل السالفة ومو مقصر فحق نفسه وااهله بس للامانة اذا هي طلبت شي يشتريه لها بس يقعد ايقولها انا ماعندي فلوس بس عشان انتي غالية يعني دايما يحسسها انه متفضل عليها ..
دايما يحسسها بانها اقل منه مع انها من ناحية الجمال والاخلاق والمستوى الاجتماعي والعيلة احسن منه بمية مرة ..
يغار من اخوانها ودايما يحاول يستهزأ بيهم وينتقص منهم ..
وشكااااااااااااااااااااااااك لابعد الحدود..
وقبل يومين صارت مشادة كلامية بينه وبين امها وابوها وقالهم هذي زوجتي وانا حر فيها ورفع صوته عليهم وكلمهم بقلة ادب عشان امها قالتلها ادخلي من البلكونة لانها ماكانت لابسة حجاب ..
وقالها اهلج وايد ذلوني مع ان اهلها دايما يقدرونه ودايما يعزمونه ويهدونه هدايا فكل المناسبات وقايمين بحقه ..
والحين خيرها بين اهلها وبينه وقالها اذا تختاريني انا باخذج غصب وبجيب اذن من المحكمة وبخلي اهلج يبكون دم على اللي سووه فيني والباقي من دراستج (باقي ثمان شهور وتتخرج) خلاص اتركيها ..
قالتله نحل المشكلة بعقل عصب عليها وقالها خلاص انا ماابيج عشان اريحج وخلج عند اهلج اللي تدافعين عنهم مع انها مادافعت عنهم ودايما واقفة معاه ودايما تتهاوش مع اهلها عشانه حتى لو هو الغلطان وتدوره الاعذار وتنازلت عن كرامتها قدام اهاناته المتكررة لها وتنازلت عن صديقاتها لانهم مايعجبونه وتنازلت عن شخصيتها لانه دايما يبي اشياء غير اللي فيها وتنازلت عن مهرها وشبكتها الى ان يصير عنده فلوس وايكون قادر على هالشي وعقب هذا كله ايقولها انتي ماسويتي شي عشاني وانا دايما اضحي عشانج ..
دايما يحسسها انها ولاشي وانه تفضل عليها يوم انه خذها..

صديقتي غحيرة ومحتاجة لارائكم .. اكيد بيتصل مرة ثانية عشان يعرف اذا كانت تبيه او تبي اهلها وهي تبي مشورتكم..ارجوكم دوا علي بسرعة ..