1407 كيف بنتك ان شاء الله احسن عسى تطورت مع العلاج

ترا اطفالنا ولله الحمد طبيعين لا تدخلوهم دمج ما دمج اطفال فرط الحركة وتشتت الانتباه ناقصهم بس التركيز والانتباه يعني ممكن يكونو مو اذكيء فقط لا ممكن يكونو عباقرة حتى وبالعكس هو مرض العباقرة يعني همن تلقوهم في الاختراعات الابتكارات الفن الحاجات اللي يبغالها موهبة وكدا التفكير خارج الصندوق واللي ما تعرف يعني ايش التفكير خارج الصندوق تقرا عنه وتعرف يفلحو في حل المشكلات
يعني لا تجوو تقولوهم احفظو وكدا لا دا نقطة ضعفهم
وهمن تنقصهم مهارات اجتماعية وكدا وكل ام عندها ولد عنده الاضطراب دا راح تعرف ايش اقصد ما يعرف يسلم وياخد ويدي مع الناس البراءة الزايدة اللي الناس تشوفها بلاهة الى جانب النطق عندهم فلما تحطوهم في مراكز وكدا ولا مدارس دمج كأنكم بتزيدو حالتهم  دخلوهم مع الاولاد الطبيعين عشان يشوفوهم ويراقبوهم كيف يتصرفو ويتصرفو زيهم وياخدو الكلام الصح منهم تعرفو الاطفال يتعلمو من الاطفال اللي زيهم اكتر من الكبار
تقولولي طيب كيف وهمن ما يعرفو يحفظو وكدا وعندهم الكلام والنطق والحركة الزايدة اللي ممكن يترفضو عشانها 
اقولكم قبل كل شي وقبل كل شي وقبل كل شي عالجوهم الاول عالجوهم عالجوهم
تقولو اخاف وحرام وصغير طيب ايش نسوي يدمر مستقبلهم ونفسيتهم وثقتهم في نفسهم عشان خايفين من العلاج شر ولابد منه ايش نسوي
في وحدة في موقع اطفال الخليج ذوي الاحتياجات الخاصة سألت ولدها مدري اخوها خمس سنين عنده فرط حركة وتشتت انتباه وتأخر في الكلام قالها عالجوه الاول لانه ببساطة شديدة لازم يركز عشان يسمع الكلام الصح ويتكلم زيه ودا اللي لاحظتو في عيالي الاتنين مع العلاج صارو اعدلهم الكلمة ويعدلوها على طول ماشاءالله وانا اللي كنت احط قدامي واقطعلو الكلمة تقطيع عشان يعرف ينطقها ومافي فايدة عالجوهم الاول عشان ينتبه كيف الناس تتكلم ويتصرفو ويسوو زيهم عالجوهم عشان يفهم الكلام عشان يتعلم عشان يحفظ عشان يتعلم الهدوء والادب وطريقة التصرف في المواقف المختلفة 

دااااخلي طفله
ابني من صار عمره سنتين لاحظنا ولاحظوا عليه الناس تأخره عن اقرانه نحنا كنا نقول باقي صغير ونطمن نفسنا لكن الناس قالوا الولد هذا فيه شي غريب اولها ما يتواصل بصريا ولا يلعب مع الاطفال ولايتكلم الاكلام غير مفهوم واذا بغا شي اخذني من يدي ووصلني للشي اللي يبيه ويناظر الجدران ويضحك في الظلام وكان يتسلق ويوصل لاماكن صعبه وينزل الاشياء ويكسرها ويخربها كنت اشوفه مجنون بينما الناس قالو ابنكم عندهىتوحد وفي هذا الوقت كنت اخليه عند قناة سمسم للاطفال من كان عمره 4 شهور وكنت اروح اشتغل ناس رايحة وناس جايه قلت ما منهاضرر اختي الصغيره ماتتكلم الا باللغة الفصحى لانها تتابع سبيس تون انا ولدي باحطه عند قناه اسلاميه ما فيها موسيقى طول اليوم لايشوفني ولا يشوف ابوه الاشوي ورحنا المستشفى السعودي الالماني عند دكتور نفسي الله يسعده قال احنا على مفترق طرق يا نمشي يمين يا نمشي شمال اول شي لازم نعرف سبب حالة الولد يمكن عنده ضعف سمع ونمشي في الطريق االيمين ونركب له سماعه اول يطلع سمعه تمام ونمشي في الطريق الشمال وهو التوحد وتشتت الانتباه وسوينا اختبار السمع وطلع الولد سمعه تمام فحولنا على وحده اخصائيه شخصته من خلال تصرفات الولد وسألتنا اسئله كثيره وتكلمت مع الدكتور واتففقوا على ان الولد عنده فرط حركة وتشتت انتباه ويمكن فيه طيف توحد بس مو متأكدين لان الولد لسا صغير لما يكبر شوي يبان اكثر وصرف له دوا وزوجي رفض يعطيه بحجة انه خايف على الولد وقال الدكتور التلفزيون ساعه في اليوم فقط ولما رجعنا البيت منعنا التلفزيون وخليناه يختلط باطفال هذرين في نفس اليوم تكلم وقال امي على طول كلمه كبيره حتى في الاطفال في سنه يا دوب يقول ماما وكلمات ثانيه بسيطه بس تحسن بنسبة خمسة في ولايزال متأخر عن اقرانه واخذناه قبل شهر عند الدكتوره ايمان الحربي في مركز بسمة تفاؤل طبعا زوجي دق عليهم من البيت وقال ابني يمكن عنده توحد واخذ موعد ولما جينا اول ما شافوا السعوديات اللي في الاستقبال الولد جا عندهم وسلم عليهم واذا قالت له الوحده تعال يجي قالوا لزوجي انت دقيت وتقول ولدك عنده توحد لا ماعنده لوعنده ما يجي حتى طيف التوحد نفس الحكايه وبعدين لما دخلنا على الدكتورة سألتني متى ولدته وهل حصلت مشاكل في الولاده وهل جته سخونه وهو صغير طبعا ولدي في الولاده شفطوه وحطته على صدري وله راس ثاني ونادت ممرض من خلف الستاره شكلهم ضغطوا راس الولد وصار بشكل نفخه كبيره وقالت لي الدكتوره يمكن ابنك حصله مشكله نقص اكسجين فدبروا نفسهم وما قالوا لك وابني كمان جاه فيروس ارتفعت درجة حرارة الولد وطلع جسمه كله حبوب وعلى طول اخذناه المستوصف وصرف له الدكتور مضاد حيوي بس رفض زوجي يعطيه يقول بنصبر لين تروح السخونه منه جلس الولد 3 ايام السخونه ما تنزل مع المخفض والتحاميل والتكميد بالمويه بدون فايده رحنا مدينة الملك فهد الطبيه قالو فيروس ياخذ مداه ورحنا قوى المن نفس الكلام لين وصف زميله مستوصف ابا الخيل في العريجا ورحنا له واعطى الولد مضاد وتحسن ابننا وطاب واتوقع ان السخونه ذوبت دماغ الولد وسببت له مشكله وشخصته بتشتت انتباه فقط وقالت نظرة عينه موعاجبتني يناظر من زاويه يمكن عنده ضعف نظر لازم يتكلم بعدين شخص نظره ابني الحين تحسن 50 في الميه بعد العلاج وننتظر يخلص جلسات التخاطب ويا رب يتكلم

الله يشفيهم اجمعين وترا اطفال فرط الحركة من بعد العلاج احس يبغالهم اعادة تأهيل يعني فاتتو اشياء كتيرة كانت قدام عينه ما اتعلمها مثلا الام تلاحظ كلمات جديدة عمره ما قالها مع انو تنقال في البيت حاجات كتير يعني بعد العلاج لما نحس الطفل بدأ يركز نتكلم معاه كتير نحاوره كتير نمثل السلام وكدا كيف حالك ونعلمه كيف يرد نعلمه وحشتني وكدا لو احد قالك بالعافية ايش تقولو هيا اشياء بديهية وعلى طول تنقال بس عشان مو مركز ما لقطها

تشتت الانتباه ده مش وحش لدرجه لان من الممكن انه يركز ولكن انتى افضل حضانه بالنسباله قمى معاه بتتدريبات كتير ان شاء الله هبعتهالك على الخاص وهمشى معاكى خطوه خطوه وربنا ييسرلك الامر يارب ويشفيه ويعافيه