ليش يستحقروني :(

السلام عليكم
كل عام وانتم بخير ومن العايدين حبايبي
بدايه انا انسانه في حالي يعني مالي ومال الناس اسلم واسال عن الحال وشويه هرجه عامه وكذا وامشي في حال سبيلي وعندي اعاقه بسيطه والحمدلله على كل حال
بس قريبتي وهي كبيره لما اهرج مع احد تموت ضحك علي وتضحك اللي معاها علي رغم الهرجه ماتضحك وانفجع منها
يعني متخيلين تهرجين مع اللي جنبك الا فجاه تطالعي في قريبتك وهي ميته ضحك ماني عارفه ليش تضحك والله
واثنين خوات من قرايب امي في الافراح والزواجات لما يشوفوني الاولى تدق الثانيه ويضحكون زي اللي كأن تحسب نفسها مره واو
مع اني واثقه من نفسي ومكياجي تمام ولبسي تمام حتى اللي حولي يمدحون مكياجي وفستاني بس ذولا الاثنين مدري ايش عندهم بس يضحكون ويدقون في بعض
وام زوجي قدام زوجي اللي هو ولدها مافي احسن منها
لكن تعالو شوفوها في جمعه سلفاتي وبناتها ترفع صوتها بسبب اعاقتي وسلفتي وبناتها يطالعون في بعض ويضحكون
ليش كذا؟ ليش يحبون يضحكون علي؟! والله العظيم بسببهم صرت اتلعثم في كل هروجي مع اي احد
حسبي الله ونعم الوكيل