انا وأم خطيبي وزواج معلق؟!

السلام عليكم

عضوات منتديات حواء

انا من زمان متابعه المنتدى وتعجبني المواضيع وبالذات منتدي الحياة الزوجيه
وحاليا امر بمشكله ولانى البنت الوحيده مالي احد اشكيله همى فياريت لو تعتبرونى اختكم وتنصحونى لانى احس انى منهارة وتفكيري مشوش :44:

انا عمري 19 سنة والحمدلله انسانه متدينه وخلوقه بشهادة الكل وحساسه يعنى شخصيتي هادئة وخجوله..

ومثل اى بنت كل احلم بالزواج والستر وتكوين اسره مع انسان طيب
والله ما خيب ظنى تقدم لي انسان ملتزم ومحترم وفيه صفات طيبه وكلم الوالد وابوى وافق لانه يعرف ان هالانسان متدين وملتزم وخلوق وخطيبي قال للوالد: ان امه مريضه وان اخته راح تزورنا عشان تتفاهم معانا علي التفاصيل ..

ولما زارتنا الاخت حسيت انها تبي تقول شي ومتردده وخايفه ولما قلت لها انى ابي ازور امها بحكم انها ام خطيبي لازم اطمن علي صحتها قالت لي بالحرف الواحد : احسن لك ما تروحين لانها اصلا مش موافقه على الزواج هذا !

وام خطيبي رافضتنى من دون سبب مع انها عمرها ماشافتني
وخطيبي الحالي اصر انه يتقدم لي دام ان رفض امه ما يرتكز علي سبب مقنع خصوصا ان عائلتي ما فيها اي عيب ووالدى امام مسجد

وانا محتارة ما اقدر اعصي خطيبي علي امه ولا اقدر استغنى عنه لاني استخرت ربي
وحلمت ان احنا سافرنا لبيت الله نعتمر وهو وعدنى يحقق لي الحلم اذا زواجنا تم

آسفه للتطويل بس احس ان حلمى تهدم من مجرد كلمه وحكم ظالم ،صرت طول الوقت ساهية اضرب اخماس في اسداس والكوابيس ما تفارقني .
اتمنى القي عندكم الحل كيف اتعامل معاها واكسب حبها ؟ لانى سمعت انها عنيدة ولها شخصية متسلطه
خصوصا انى اخاف اهديها اي شي تظن انى ابي اسحرها او ابي انافقها ..
ولو مستقبلا تم هالزواج اكيد راح اعانى فكيف اتصرف ؟

وارجوكم ما تنسونى فالدعاء

اختكم
العــود المنثور