قصص ولادات الجدات والأمهات .. تعالي شاركي معنا..

الحمل والإنجاب

السلام عليكم ورحمة الله وبركاته.. طبعا الموضوع واضح من عنوانه ... وأنا وضعت هذا الموضوع حتى نحس بمدى الآلام اللي كانت تحسها أمهاتنا وجداتنا في وقت الولاده .. ونعرف أن الله أعطانا
نعم ولله الحمد لاتعد ولا تحصى ومنها عند تعسر الولاده أو إذا كان الحوض ضيق الحمد لله العمليه
تقوم مقام الولاده الطبيعيه...

المهم ماودي أطول عليكم ... أمي الله يطول بعمرها ويجزاها الجنه على تعبها ... كل ولاداتها بالبيت ماعدى أصغرنا كانت بالمستشفى...

وطبعا دائما تقص علينا من قصص ولاداتهم في وقتهم والله شي يشيب الراس...

أبي أذكر لكم هالحين وحده من القصص عن حرمه توفت الله يجعلها بجنات النعيم وياجرها على اللي شافته...

هذي الحرمه كانت حامل ويوم بدا معها ألم الولاده قالت لأختها يافلانه تراي قربت ولادتي لاتروحين عني .. طبعا أمها متوفيه ولا عندها إلا هالأخت.. قالت أختها خلاص أن شاء الله أني عندك...

الأخت الله يهديها راحت لوحده من صديقاتها وجلست تسولف معها ونست أختها اللي بتولد..

وهالمسكينه مع الطلق وآلامه يجيها وأنتم بكرامه أسهال.. طبعا ماكان عندهم حمامات يروحون لمه .. فكانت تروح لمكان بعيد تقضي حاجتها فيه ...

وبعد فتره وهي تتردد على المكان حست أن الولد يبي يطلع وكانت بمزرعه ... ولا عندها أحد وأختها لاهيه بالسوالف وناسيتها...
طبعا ولدت بسلامه وجابت بنت لكن مشكلتها ماكان معها شي تلف فيه البنت ولا شي تقص السر فيه... أخذت حصاتين ودقت السر فيهم لين أنقطع وربطته بطرف من ثوبها قصته..

وأخذت من الملابس اللي عليها ولفت البنيه فيه وراحت لبيتها...
وجت أختها للبيت ولقت أختها والده وبجنبها بنتها... وجلست تتأسف له وتقول والله أني نسيت ماكنت قاصده......

شوفوا المأساة وشلون تولد بمزرعه ولا عندها أحد وتقص السر بنفسها وترجع تمشي ...
ماشاء الله تبارك الله ...

يالله كل وحده أمها كبيره وللا عندها جده تقولها تعطينا من قصصهم عن الولاده وتحطها لنا هنا...

وأنا أن شاء الله إذا رحت لأهلي أبي آخذ العلوم من أمي وأجيب لكم المفيد..

أرجوا منكم المشاركه حتى نتعلم من جداتنا ونشوف نعم الله علينا...
75
32K

يلزم عليك تسجيل الدخول أولًا لكتابة تعليق.

تسجيل دخول

ريمـــااا
ريمـــااا
موضوع حلو الله يجزاك خير

حزنتني قصة هالحرمه الله يرحمها وياجرها

أنا ماأنسى قصه حكولي اياها الحريم الكبار بس بالضبط ماأذكر مين عن وحده زمان جت تولد وكانت ولادتها

متعسره ومارضى يطلع الطفل وماكان عندهم عمليات ولاحلول من شدة تعسر الولاده الطفل طلع متقطع

كل شوي تطلع منه قطعه تخيلوا يابنات

والأم توفت الله يرحمها

والله قصص تضيق الصدر ...الحمدلله اللي فيه حل لمشاكلنا وموجوده العمليه القيصريه

وأنا لما ولدت عمليه ولما جتني جدتي الله يحفظها قالت لي احمدي الله ان فيه حل وولدتي بالسلامه

لانها مجربه وعاشت الماضي ومشاكلهم الله يعظم أجرهم
أغلى ناس في العالم
موضوع مررره حلو


جدتي لما تشوفنا تعبانين من الحمل والولادة تجلس تعيد ذكرياتها وكل مرة بقصه

تقول في مرة من المرات راحت ترعى الغنم وجاها الطلق ولدة ما احد معها بتقص الحبل السري ولا معها شيء اخذت حجرتين وقصت الحبل

ورجعت البيت وسوت العشا لاطفالها ورجعت للبير تعبي مويه

ربي يحفظها لنا عندها قصص تجنن
##ام الهنوف##
##ام الهنوف##
وانا زيكم بعد امي جابتنا انا وخواني كلنا ولادات في البيت و تخيلو ان الوحده ممكن تقعد معها الطلوق والمويات ياحرام يومين ثلاثه على ما يطلع البيبي 00000 ياربي مساكين الله ياجرهم 00 المهم مره وامي تولدباخوي اللي اصغر مني تقول جلست 3 ايام طلوق ومويات ولاهو براضي يطلع مني ويروح الوالدويجيب ذاك الدكتور المناوب0 تخيلو عاد اعمى وشيبه ولا يدري وين يدق الابره وتقول امي ويقعد يغزغز لين ستر الله وخلص وتقول ويجيني ذاك الطلق القوي ويطلع البيبي تخيلو الحبل السري ملتف عليه ولولا رحمة ربي كان مات 0 الحمد لله حالنا احسن منهم بكثير يا ما عانوا مساكين0000
صلصة الصويا
صلصة الصويا
الحمد لله على النعمة الي احنا عايشين فيها
كان حبيبي
كان حبيبي
الحمد لله على النعمة الي احنا عايشين فيها
الحمد لله على النعمة الي احنا عايشين فيها
:D:D