متضاااااااااااااايقه

زوجي غاثني بوحده قريبته من محارمه
مطيرها للسما بالمدح
ويقضي مشاويرها
واذا شاف وحده مرتبه شببها فيها
باختصار
لاحسه مخه
وانا اقول بكيفه وهو وياها
وسبق وقال انها بتنام كم يوم عندنا
لان اهلها مسافرين.. وانا رفضت
قلت له بيت اخوها موجود.. وانا بالشهر التاسع
قال انا خالها والخال والد.. وكبرت السالفه
تعذرت وقتها بتعبي واني على وشك ولاده


والبارح زوجي كلمني يقول بيغير السياره
على اساس نتشاور بالسياره
وانا من زمان اقول غير سياراتك الكحيانه
وكان رااااافض
من ضمن كلامه قال ان فلانه (بنت اخته)
علقت على سياراته انه مره مره قديمه
قلت له اهاا عشان فلانه بتغير سياراتك


ما امداني اخلص جملتي الا عصصصب
وغلط فيني وبتفكيري وبكل شي
قلت له بشويش مافي شي مستاهل
قال انتي صاحيه اشتري سياره بهالمبلغ عشانها
هذا جزاي اشاورك بسياره
انتي تغارين منها انتي تكرهينها انتي مخك على قدك


المهم قال كلام زي السم
كل هذا عشان هالبنت ذي
اللي لاكرهتها ولا دريت عنها
بس حز بخاطري ان تاثيرها عليه بهالشكل
وهو اتبع قاعده خذوهم بالصوت




طبعا ضمن كلامه جلسس يتمنن علي
واني مو كفو حشيمه
انا هنا عصبت ورفعت صوتي عليه
وقلت له اني مو بحاجته
واذا عالسياره رح خذ بنت اختك للوكاله وتشاور معها




من امس ما اكلمه ولا يكلمني
وصاحيه اليوم عل صراخ منه لاول مره بحياتي
كان يسأل عن مكان شي من اغراضه
حتى بنتي غيبتها عن الروضه.. راحت علي نومه
وولدي الصغير قام مفجوع وجالسه ارضعه حاليا






اعترف اني غلطت عليه لمارفعت صوتي وقلت كلام مستفز
بس هو اللي ضغط علي لحد ما انفجرت
كارهته هو وبنت اخته اللي قرفني فيها
حتى قلت له من ضمن الكلام اذا ماني عاجبتك رجعني لاهلي
قال الله معك دقي على اخوك ياخذك!!