يابنات بعد ماقريت الوصيه بكيت وقلبي الان يتقطع اريد مشورتكم>>استوفي الردود

السلام عليكم

قبل اسبوع نزلت موضوع اني رجعت لزوجي بعد اعترافه بخطىه ووافق على شروطي ............الخ

طبعا صدمني بعد رجوعي بخبر مرضه وهو كيس دهني جنب او خلف القلب كل ماله يتضخم ويضغط على القلب

واصبح يتعب كثير حاولت اني اذهب معه للدكتور وكان يتهرب لانه يذهب لوحده ويحاول طمئنتي انه بخير

وفي يوم من الايام تعب جدا وقام يوصيني ويقولي انه كاتب الوصيه وانه كل شي يملكه وضعه باسمي

والحمدالله عدت الازمه على خير بعد ماقرت عليه لاني لااملك غير القران والدعاء

ومن فتره قالي انا اخذت دفتر من دفاترك الفارغة ابيها قلت طيب وينها وايش تبي فيها قال كتبت فيها كلام وخرابيط ورميته

المهم هو اشتر مكتبه له ووضع كل الاشياء المهمه فيها وهو يرتب اوراقه رايت الدفتر وبحسن نيه جيت افتحه رفض واخذه ومارضى يخليني اقرائه وقلبي نغزني حسيت فيه شي مخبيه لاني قريت فقط مقدمه منه وحسيت انها وصيه ............الخ


لان هالفتره صار كثير يوصيني على نفسي والبنت وانه لو صار له شي وش اسوي وهالامور

هو طلع للدوام ونسى الدفتر ويوم فتحته لقيت كاتب قصته معي وايش كثر يحبني وانه غلط بحقي ..........الخ

وانه يتمنى يعيش الباقي من حياته قربي انا والبنت وانه متاثر من دوامي الي اقضي في ثلاث ارباع يومي

وكاتب حقيقة مرضه انه ورم ولازم يسافر للخارج عشان يتعالج وتكلفت العمليه140 الف ريال غير باقي المصاريف

وانه مايبي يفرط بهالفلوس عشان تصير لي ولبنتي مصدر بعد وفاته

وانه بنهاية الوصيه يطلب مني اسامحه


بنات قسم بالله اني ابكي من قريتها وانا حالي مو على بعضه هو قد قالي علاجه بالخارج وقلت له يصرف المبلغ الي معه ويتعالج ورفض قال لا هذا حقك انت والبنت لاصار لي شي عشان لاتحتاجون احد

طبعا مافي احد من اهله يدري عن مرضه غيري وحلفني انه مااقول لاحد رغم ماشاءالله امه عندها خير بس حلفني ومو قادره اتكلم حتى اهلي حلفني مااقول لمخلوق بس قلت لصديقتي اخوها دكتور ولما قلت له جيب فحوصاتك عشان يشوف وكذا قالي ليش تكلمتي قلت اخوها دكتور وبيقدر يفيدنا بما انه درس براه يعرف وكذا وسكت

الان افكر اقدم استقالتي عشان اكون موجوده معي وتكون البنت معي

لان دوامي فترتين من9الى 12 الظهر ومن 4الى ال9بالليل ولانه عنده محل مايرجع غير 12 باليل

وبنتي عند اهلي اخذها الخميس بالليل بعد الدوام وارجعها الجمعه بالليل

ولما قريت انه نفسه يعيش ايامه الباقيه ويشوف بنته الي محروم منها ضاق صدري

وفكرت اقدم استقالتي


ابي شوركم هل اقدم استقالتي


وابيكم تدعون لزوجي بطولة العمر وانه ربي يشفيه بحول وقوته تكفون يابنات محتاجه دعواتكم ماشاءالله ماعمري طلبتكم وقصرتو معي والحمدالله كل ماطلبتكم استجابت الدعوات

تكفون ادعوله انه ربي يشفيه ويطول بعمره ويسخر لنا من يعلاجه ويكون علاجه بسيط ويقل حجم هالورم


طلبتكم ربما منكم من اقسمت على الله يستجاب لها

الله يحرم جسد كل وحده تدعي لزوجي عن النار ويجعل من اهل الجنه ولايحرمها من كل غالي ولايفجعها عليه