الله يعينك والله انا مجربه
انا ساكنه في الدور التاني يعني تحت شقة سلفتي وفوق شقة سلفتي التانيه وقدامي شقة اهل زوجي يعني اظن لو اعطس الكل يسمع اولادي معودتهم انه بهدوء امشوا ولاتخبطوا الباب عشان عمو تحتنا نايم عيب نزعجهم لدرجة بنتي مره جات تجري قلت لها بشويش عمو نايم وقفت معصبه وقالت ماما عمو هذا متى ناوي يصحى ان شاء الله 😂
عاد سلفتي اللي فوق ماشاء الله اولادها يلعبو ويخبطو بالابواب واصواتهم وحركاتهم عندي بس عاااااادي عندي لكن كلمت اولادها لما جوني انه ياحبايبي وقت النوم لاتزعجوني لان غرفة نومهم على غرفتي واحيانا يخبطو الباب يصحوني
لكن مالك الا الصبر وخليه يتصل لين يشبع لاتردي عليه يختي طفل ومعروفين الاطفال ايش يبغاك تحبسيه في علبه مثلا
لكن وقت النوم والقيلوله الله يعينك جلسيه على لعبه او تلفزيون

مافهمت

انك تتحكمين في كل حركات طفلك صعبة مرة...

لكن حاولي تعدليها وتقلليها الى اقل حد لان ايذاء الجار مصيبة...
وتعرفي حديث المراة الصوامة القوامة العابدة الا انها تؤذي جارتها قال هي في النار...
فحاولي انت وزوجك تبذلون جهدكم الي يكون لكم عذر عند ربكم...

ولازم يعرف الجار انكم بذلتم كل جهدكم ولابد من الصبر والمثابرة...
وربي يوفق الجمييييع...

فعلا صعب جدا التحكم في حركة الاطفال ..
لكن حاولي انك تلهينه بالعاب وكلميه قوليله لاعاد تقفل الباب بقوه ولا عاد تسبب ازعاج لان الجيران اذا سمعونا بيقولون للشرطه




الله يحفظه ويهديه ..

هذي مصيبه الشقق والعماير الجديده مافي بنى قوي وعوازل
كنت ساكنه في عماره قديمه وكبيره عمري ماسمعت حس للجيران لا الي جنبي ولا الي فوقي
يس تعالي شوفي العماره الي دحين سكنتها حتى الغساله حق الجيران لمن تلف ينسمع صوتها
عمتي فوقي اسمع جوالها
ولمن تحرك الطاوله اسمعها ولمن تمشي مع عكازها اسمعها والله وضع صعب الواحد يخاف اي صوت يوصل للجيران
عيالي ماشاء الله بيلعبوا اشيل هم الجيران
وكله كوم ويوم الجمعه كوم لمن يجتمعوا الغيله كلها عندنا والصغار لعب ونط وحاله
اقول الجيران اليوم بيقوموا الليل يدعون لنا ربي يعجل لنا ببيت الملك علشان يفتكوا من ازعاجنا


عن نفسي احاول الليل وفتره العصريه وايام الاختبارات مايكون في لعب وجري علشان الجيران


بس برضه الاطفال ماتقدري تحكميهم 100%
الله يصلح الاحوال ويرزقنا طولة البال ويهدي النفوس