ام ظاري

ام ظاري @am_thary

عضوة فعالة

اه اه من الوحده

الأسرة والمجتمع

يااخوات انا متزوجه من خمس سنوات وبعيده عن اهلي
زوجي من النوع اللي مايحب نطلع احنا واياه او نسافر الا لاهلي
دايما برا البيت امالعمل او سهره مع اصدقائه او عند اهله
وانا في البيت مااخرج الا مره في الاسبوع او في الاسبوعين لزيارة اقارب لي فقط
احيانا اصبر نفسي واحيانا كتيره اجلس ابكي
حاوللت اتعرف على جيران لاكن مالقيت احد
الانترنت مليت منه
ودي ادخل تحفيظ بس اولادي صغار وماعندي خادمه
وداطلبت من زوجي الخروج للتنزه يقول انت فاضيه وادا بكيت قالي مليت منك خلاص ابي اوديك لااهلك
يااخوات ارشدوني من المخطئ انااو زوجي ؟؟؟
واعطوني حلول لاغير حياتي ترا مليت من الوحده بس وين اروح الا لبنات حواء اله يجزاهم عني خير
17
1K

يلزم عليك تسجيل الدخول أولًا لكتابة تعليق.

تسجيل دخول

لعبة السعاده
لعبة السعاده
حبيبتي الله يسخر زوجك ويسر امورك يارب ويصلح بينكم


عليك بالدعاء والاستغفار وقيام الليل ترى اثرها عظيم


وغير كذا المنتدى ملياااااااااان طرق تشويق للزوج وجذب وخطط وربي تعلمنا منه كثير وانتي حاولي بهدوء تحسبين عيوب زوجك ومزاياه وتحكمين وتشوفين لعيوبه حلول او تتأقلمين معها

والاهم من هذا كله تكونين ذكية ترى الدموع ماعادت تهز بالرجال شعرة لاتبكين خذي حقك بالدلع والغنج والاسلوب الذكي وصدق رب العالمين (0 ان كيدهن عظيم ) وربي لولا توفيق الله ثم هالكيد ماعشنا لاتصيري طيبة ولا شريرة خلك ذكية وطلعي مليون طريق لحقك

ذكريه بالدين وحقوق الزوجة ومن هالاساليب

وتبين راي يالغلا ترى اكبر غلط تقع فيه الزوجة انه تسكت على حقها ببداية حياتها لانها لو تنازلت بتتنازل العمر كله

وربي يصلح اموورك ياااااااااااارب
دمعه مبتسمه
دمعه مبتسمه
إذا على الوحد لاتشكي لي ابكي لك على الاقل انتي عندك اطفالك الله يحفظهم اعتقد رح يشغلوا ولو جزء بسيط من حياتك بس ايش تقولي عن اللي لا اطفال ولا اهل في نفس المنطقه؟؟؟
اجمل الزهور
اجمل الزهور
الله يسهل امورك ويسخرلك زوجك
آآآآآآآمين يارب
أم ســـلطان
أم ســـلطان
اصبري والله ان اغلب الرجال اللحين كذا انا نفس وضعك اهلي بالرياض وان بالقصيم بس انا ونست نفسي اروح للجيران واعزمهم عندي واطلع بدونه اخذ عيالي واروح اتمشى بالنخيل شوي والا بالعثيم وارجع والله اني ماذكر متى مشاني اصلا شيلني من الحسبه مايفكر يودينا واذا قلتله ودنا صارت قضيه حاولي انتي تونسين نفسك بنفسك الرجال اللحين مايحسون الا بانفسهم وبس
حـــ(الصمت)ــــديث
هلين ام ظاري

نفس الشي اللي تعانين منه اعاني منه انا

بس يمكن انا احسن منك شوي

انا في منطقة القصيم ولا اعرف احد هناك
لا اقارب ولا معارف

والاصدقاء مشغولين مع اهاليهم

الى درجة ان بنتي عمرها 6 سنوات تصيح وتقول ليه ماعندا خاله تجينا ونروح لها و نلعب مع عيالها\


طفشت ملت من الحياة اللي

وانتي وين منطقتك

يمكن تكوني بالقصيم ونتعارف هناك

وفي الاخير اقول الله يعيننا على الغربة