بترك قلبي في البيت وادخل المستشفى

الحمل والإنجاب

السلام عليكم ورحمة الله وبركاته

شخباركم يالكروشات

من دشيت هالمنتدى وانا بس اسأل <<ماقدجاوبت:22:

بس ادري انكم كرما وانا استاهل:)

ياخواتي شي مقلقني ومخلي نفسيتي بالحضيض<<مثقفه:42:

ان الله ارادكلها ست اسابيع وادش المستشفى بولدقيصري وماادراك مالقيصري:09: الله يكتبلنا الاجر

ويرزقنا بمولودسليما صالحا معافا

الزبدة

اني بطول في المستشفى مواقل من اربع ايام ويمكن اكثر

ومدري وش بيصير بعصافيري<<عيالي

اكبرهم بنت عمرهاتسع سنوات

ومحملتها المسؤليه ياعمري هي يعني ان كان عندي موعد تركتهم في البيت لوحدهم<<رب العالمين معهم

والبنت يابعدقلبي هي المسؤوله عنهم

ان كان عندي مشوار من هنا ولاهنا برضو تركتهم


بس اربع ايام قويه


عادتخيلوا ان اهل زوجي تحت واهلي جدارعالجدار قريبين مرة

بس للاسف مالي حظ عندهم<<واللي ماله حظ لايتعب ولايشقى

شرحت ظروفي سابقا في موضوع مستقل

يعني ماراح يتدخلون لامحبة ولاحتى رحمه


زوجي مايقصر بس انه هو يبي اللي يشيل مسؤوليته<<دلعته وتورطت


وعنده دوامين بس قلت بما اني عمليه وولادتي بكيفي ممكن اطوف موعدي للعطله الحج بيكون جالس عندهم


ولااجيب شغاله ذي اللي بالشهر ولو اني في حياتي كلها ماجبت شغاله <<اكرهم واخاف منهم


عيالي شايلين انفسهم علمتهم يعتمدون على انفسهم والبنت الكبيرة علمتها تكون المشرفه عليهم

بس قلبي مولع والله كلهم صغار رغم كل تعليمي يبقون اطفال


ساعات اقول ابوهم بيتكفل باكلهم طول فترة غيابي<<الله يبارك في المطاعم

بتركلهم غيارات وبوزعها في اكياس يعني تكفي لمدة اسبوع كل يوم غيارين ((بيجامه+لبس طلعه))

وكل واحدفيهم كيس مستقل ولاخلص رمى ملابسه في السله

بكذا ضمنت ماراح يتعبون في انهم يطلعون غيار ولبسه ولايحوسون الدنيا

كمان علمتهم ان اللي يطلع من الحمام ينظف وراه كويس

مكان الاحذيه مخصص ومعروف

خليت كرتون للالعاب وشلت الباقي((الالعاب اللي مالها داعي حاليا))عشان الحوسه

غرفتي بتكون مقفله والمفتاح مع زوجي

اغراضي حقت الولادة بتكون في شنطه بعدخروجي من المستشفى اذا الله احياني ورجعني سالمه

اغراض المستشفى في شنطه ثانيه<<مابعدجهزتها

اتفقت مع زوجي انه يطلعهم يوميا يمشيهم عشان لاتضيق صدورهم

البنت والولدالكبارعندهم جوالات واتفقت معهم يكلموني متى مااحتاجوا اي شي <<او حتى اشتاقو:(

او الصغار ضاقت صدورهم وبكوا على طول يكلموني
مممممم


هذا اللي انا ناويته باذن الله

انتم شرايكم؟

نسيت شي ذكروني الذكرى تنفع المؤمنين

وبتكسبون اجري واجر عصافيري

هل بكذا اضمن سلامتهم<<بعدرعاية الله وحفظه

واضمن مايتعبون ولايتضايقون

بليز اللي عندها اي افكار تضيف واكون شاكرة ومقدرة

لا وبعد بتكسب دعوة من قلب وانا في المستشفى

انتظركم:26:
28
2K

يلزم عليك تسجيل الدخول أولًا لكتابة تعليق.

تسجيل دخول

ديرمه
ديرمه
الله يكون بعونك ..
انا ما اعرف وش ظروفك ولا الي حاصل بينك وبين اهلك واهل زوجك لكن مهما كان اطفالك يعتبرون صغار في الذمة ماتتكرينهم مهما كان والخوف مو من الحوسه والوساخه الخوف لا سمح الله من اشياء خطره مثل الكهرباء والغاز وهالامور .. الله يحفظهم لك ان شاء الله

برأيي عندك حل من ثلاثة :

اما ان زوجك يتنازل و يجلس معاهم في فترة جلوسك بالمستشفى بما انها 4 او 5 ايام تهون ان شاء الله .. ويقدر ياخذ اجازة من دوامه اضطراري حتى لو ماسوا شي لهم بس وجوده معاهم يكون فيه شخص بالغ في البيت ويعرف يتصرف ويراقبهم لو من بعيد لبعيد
واذا مل منهم يطلعهم او يجيبهم عندك وهذا اشوفه انسب حل

الحل الثاني : اذا ظروفك المادية تسمح حاولي تاخذين لك سويت بمستشفى يكون غرفتين .. عيالك يكونون بالغرفة الثانية عندك وتحت عينك ومتطمنه عليهم صحيح بيطفشونك لكن وش تسوين على الاقل ترتاحين

الحل الثالث : اذا عندك جيران ثقة أو صديقه او معارف ترتاحين لهم تحطين عيالك عندهم او توصينهم عليهم يطلون عليهم بأستمرار ويكون الرقم عندهم في حال الطوارئ لا سمح الله

والحقيقة ما انصح تجيبين شغالة بالشهر الا بعد ماتطلعين عندهم من المستشفى بالسلامة لانك ماراح تضمنينها لا على بيتك ولا على عيالك وهي مو على كفالتك ولازم تكون تحت رقابتك

وبالاخير استخيري والله يكتب لك مافيه الخير
ديرمه
ديرمه
الله يكون بعونك ..
انا ما اعرف وش ظروفك ولا الي حاصل بينك وبين اهلك واهل زوجك لكن مهما كان اطفالك يعتبرون صغار في الذمة ماتتكرينهم مهما كان والخوف مو من الحوسه والوساخه الخوف لا سمح الله من اشياء خطره مثل الكهرباء والغاز وهالامور .. الله يحفظهم لك ان شاء الله

برأيي عندك حل من ثلاثة :

اما ان زوجك يتنازل و يجلس معاهم في فترة جلوسك بالمستشفى بما انها 4 او 5 ايام تهون ان شاء الله .. ويقدر ياخذ اجازة من دوامه اضطراري حتى لو ماسوا شي لهم بس وجوده معاهم يكون فيه شخص بالغ في البيت ويعرف يتصرف ويراقبهم لو من بعيد لبعيد
واذا مل منهم يطلعهم او يجيبهم عندك وهذا اشوفه انسب حل

الحل الثاني : اذا ظروفك المادية تسمح حاولي تاخذين لك سويت بمستشفى يكون غرفتين .. عيالك يكونون بالغرفة الثانية عندك وتحت عينك ومتطمنه عليهم صحيح بيطفشونك لكن وش تسوين على الاقل ترتاحين

الحل الثالث : اذا عندك جيران ثقة أو صديقه او معارف ترتاحين لهم تحطين عيالك عندهم او توصينهم عليهم يطلون عليهم بأستمرار ويكون الرقم عندهم في حال الطوارئ لا سمح الله

والحقيقة ما انصح تجيبين شغالة بالشهر الا بعد ماتطلعين عندهم من المستشفى بالسلامة لانك ماراح تضمنينها لا على بيتك ولا على عيالك وهي مو على كفالتك ولازم تكون تحت رقابتك

وبالاخير استخيري والله يكتب لك مافيه الخير
رفله حيل موشوي
جزاك الله خير ياديرمه

مشكورة حياتي

اناقلت بطوف اسبوع على موعدالعمليه بنطرعطلة الحج

وابوهم بيجلس عندهم كمشرف ومراقب<<ماراح يسوي شي اللهم الاكل بيجيبه

والباقي بحاول انسق اموري فيه من لبس ونظافه

ماقدروالله على سويت لاني بولدفي حكومي اصلا

مشكورة ماقصرتي ولك دعوة بظهرالغيب
عبايــر
عبايــر
السلام عليكم

أول شئ الله يقومك بالسلامه ويردك لأولادك أنتي والنونو بصحه وعافيه يارب

فيه أشياء قبل تطلعين تأكدي منها مثل دبه الغاز شيليها وقفليها وولاعة الغاز والسكاكين ومفاتيح الغرف ودورات المياه عشان ماأحد يقفل على نفسه بالغلط الكأسات الزجاج ونزلي لهم الكاسات البلاستيك نبهي على زوجك قبل ماينام يوميا يتأكد من الكهرب ولما بيجي يطلع ينبه بنتك الكبيره على إخوانها وكل شوي يرجع يدق عليهم عشان يحسون بالأمان وإكتبي رقمك جوالك وجوال زوجك في ورقه عشان لما يحتاجون شئ يدقون عليكم وأكتبي رقم أحد ثاني قريب منهم إحتياطاَ

أنا بنت مو متزوجه بس أنا أخاف على الصغار أكثر من روحي لأني أحبهم الله يخليك لعيالك ويخليهم لك تكفين لاتحرميني دعواتك بظهر الغيب والله إني بأمس الحاجه لها
فـوفـى
فـوفـى
الاخت ديرمه كفت ووفت