السلام عليكم..
انا بنتي داخلة الثانية عشر...وتتسبح من كان عمرها..9..سنوات..وقبلها كنت اسبحها لان شعرها ماشاء الله طويل وكثيف..ما تقدر تنظفة من الصابون عدل..
بالنسبة للكريمات..ما فية مثل بديل الزيت..(جونسون..روووعة..)ريحة وملمس خيال..تلاقية فالسوبر..ومثالي للبشرة الحساسة لان بشرتها حساسة..طبعا تدهن جسمها ولسى مبلول تصير ريحة نظافة..وبنوتية....وبعدها تلبس البجامة او قميص البيت..
بالنسبة لشعرها حمام ريت باراشوت روعة للشعر في الاسبوعين مرة..لان شعرها..مصطح ولله الحمد..
بالنسبة للدورة علمتها من كان عمرها تسع..بنتي الي اكبر منها جتها على تسع...بس نفس الطريقة اتبعها مع الثلاث..الله يسترهم ويخليهم لي ...
على فكرة بالنسبة للنقاش عن الدورة اوحتى الاشياء الجنسية البسيطة..تكون بينا يا ثلاث ..فاتحة الحوار..علشان ياخذون راحتهم بالكلام معي..احسن..من كون تجيهم الافكار من برى..والتلفزيون ما قصر..والمدرسة ما قصرت...وتربيتهم..صارت صعبة وطلباتهم اصعب...
انصح كل ام تخلي الحوار مع بناتها على المفتوح...وتعلمهم الحرام والحلال بمنطق تقدار تتقبلة عقلياتهم..وبين الام والبنت مافية عيب ابدا ابدا ابدا...وسامحيني يا صاحبة الموضوع على الاطالة...موضوع جميل

خليها تحمم نفسها اعطيها وقت 10 دقايق دلكيها انتي وخليها تتشطف لوحدها(بالدش)

لازم تتعلم الحيا بهذا العمر مايصير تحممينها عريانه تماما0 لأنو راح ينكسر الحيا بقلبها

انا كذا ربيت بناتي-ولاتكلمينها عن البلوغ الا قبل البلوغ بسنه يعني بعمر 13 او 14
واصلن هما راح يتعلمونه بالمدرسه وتجي تسألك هيا افضل0 بعدها انتي وضحي لهاعلى قد عمرها
ولا تشيلين هم
--------------------------

انا بنتي الكبيره عمرها سبع سنوات سنه اولى علمتها الاستحمام لوحدها خلاص الحين تعرف تنظف شعرها من الشامبوا وتنظف جسمها بالليفه كمان مهم جدا تهتم بريحة فمها علمتها التفريش يوميا خاصة قبل النوم وكمان علمتها تمشط شعرها واحيانا اساعدها وتلبس وتحط لوشن ريحته حلوه وتتعطر وفهمتها انها ماتظهر امام الناس بملابس البيت لازم ملابس حلوه ومظهر حلو
والله يصلحهم ويعيننا على تربيتهم التربيه الصالحه

علمتها كيف تتحمم ووين تركز الافخاذ الابط الثنايا وراء الركبه الركبه والقدم ومرات اروشها وشعرها علمتها حتى تحط له بلسم
والخلطات مسويه لها خلطه للجسم زيوت بس مره تحط وعشرة لأ مالهم خلق اطفال
ربي يتمم عليهم حسن الخلق والاخلاق
اما الدورة تسمع بها وتعرف الفوط بس طبعا بدري شوي رغم انها شكلها بتبلغ بدري على عماتها لان سالفة الدم تخوفها
على ال10 بعلمها

لااله الا الله