السلام عليكم ورحمة الله وبركاته
عملت بمدرسة حكومية لمدة سنة وكانت وظيفتي مدخلة بيانات على الكمبيوتر
طبعا شغلي ووقتي كان كله بالادارة .... طبعا شفت العجب العجاب
غالب المعلمات والاداريات بناتهم بالمدرسة ... وهذا شي طبيعي
بقولكم المواقف وعليكم الحكم
· مسابقات للرسم على مستوى المملكة يتم فيها اعلام جميع الطالبات وطبعا الكل يجتهد ويرسم ويتفنن للمسابقة من جميع الطالبات وتجي المديرة وتختار منهم الرسمات المميزة وترسلها مع الادارية وتتم ارسالهم للمسابقة
هنا كل شي طبيعي (تجي كم معلمة وتحط كل وحدة رسمة بنتها عيني عينك وترسل للمسابقة )
· مجلس الامهات والحفل والمسرحيات ... الخ وهذا طبعا للبنات المميزات والمتفوقات وبالذات الموهوبات .... وهذا شي طبيعي ( جميع المعلمات فوق راس المرشدة ياويلها اذا ماحطت بناتهم حتى لو مش موهوبات غصب طيب يشاكون يشاكون )
حتى الاذاعه نفس الموضوع
· هذا الموقف الي عمري عمري مانساه كانت نهاية السنة وعمل استبيان للمعلمات لكل فصل لاختيار الطالبة المثالية وتم الاجماع على طالبة معينة وتم اختيارها ... وهذا شي طبيعي
( معلمة بنتها فعلا متفوقة وبنفس الفصل لكن ماختاروها وتقوم القيامة من المعلمة بالاول بغرفة المعلمات ودارت على وحدة وحده وخلتهم يحطون بنتها المثالية ...بعدها نزلت الادارة وبعصبية كبيرة حتى نفذت مرادها وفعلا بنتها الطالبة المثالية )
· وقت الاختبارات النهائية وكان صدمة لي تخيلوا كل معلمة تعطي اسئلة مادتها للمعلمة الثانية وتذاكر لبنتها منها عيني عينك ... وبعضهم ماتعطي الاسئلة بس تلميحات او تقول الفصل الفلاني ماجبت منه وكذا .....)
طبعا في معلمات ماشاء الله تبارك الله حقانيات بكل شي
الوكيلة بالمدرسة عمرها ماتدخلت بشي وبناتها متفوقات من انفسهم حتى بناتها عمري ماشفتهم بالادارة ولا لهم مشاكل ومتواضعات بشكل كبير
وفيه بنات معلمات تقولين المدرسة ملك امهم وشايفين نفسهم عالكل وياويل الوحده لو نظرت لها او كلمتها
]
اتمنى اني ماطولت عليكم واكيد انتو مرت عليكم مواقف ومواقف او قلبت عليكم مواجع وذكريات ايام الدراسة
شاركونا فيها
بس ينتظروا الجزاء والحساب من رب العالمين