يالله على ذيك الايام اوقاته كانت غير خاصه الظهريه وامي بالمطبخ الله يحفظها يارب قاعده تجهز الفطور وانا متسمره قدام التلفزيون انتظر مسلسل هلا مع يونس شلبي رحمة الله عليه واتفرج بالفوازير وبرامج ذاك الوقت كانت بسيطة بس ممتعه برنامج حروف وبرنامج الكاميرا الخفيه حقة فؤاد المهندس والله متعه وبرنامج اليخ علي الطنطاوي حنا نفطر وهو يتكلم مدري وش يقول الله يرحمه وبرنامج الشيخ الشعراوي

احلى شي برنامج الطنطاوي على الفطور ، و كمان لما امي كانت تسوي قمر الدين انا و اختي نتضارب على الورقة اللي لونها برتقالي نحطها على عيوننا عشان نشوف الحاجات برتقالية ههههه ، و طعم التوت و اصوات الطراطيع من قبل رمضان و صوت صلاة التراويح و قعدت السطح و الجو حلو و اصلي فيها قيام الليل و القران و كل حاجة حلوة

ايه ايام اللمه والجمعه
كان قدام بيتنا حفريات وكان وقت مطر واذا راحت امي تصلي نطب نسبح في الحفريات واذا سمعناه يدعي انحشنا نغسل ملابسنا ونلبسها عشان امي ما تشك ههههه

الله يازينها من ايااام ياريتها تنعاد كل شي فيه حلو بابا فرحان وفوازير الصغار وعمي مشقاص ولا الجيران كل الشوي يدق الباب وجابين معهم نقصه من فطورهم والي يوزع تمر والله حتى الكريم كراميل كان يجيبون غير المسايير الي بعد التراويح الله الله وشو اقول وش الخلي

والحين الله يخلف علينا بخير كل شي تغير بذات الجيران ماكن عندك احد سبحان الله

لاحد يتنقصلك من اكله ولا احد يجيك كلن لاهي في شغله

ماغير اسواق من اول رمضان الا نهايته

ااااااه ااااااااه ياليتها تنعاد كل ما تذكر تجيني صيحه

الله صراحه احس رمضان له طعم ثاني في كل شي حتى سبحان الله اجوائه لها طعم ثاني
وكلها ان شاءالله ثلاث شهور ويشرف يعجلها على الحي والسالم الله يعيده علينا اعوام واعوام واحلى شي اذا قالوا لك الشهر عليك مبارك