بنات قريت موضوع في منتدى اخر ومن عقبه وانا خايفه اكون لعبت بنفسي

هذا هو الموضوع ابنسخه واقرووووو
وش كاتبه البنت

.....................................
..……..............................



السلالالام عليكم ورحمة الله وبركاتة

صباحكم /مسائكم خير ومحبة

بنات لقيت لكم خلطات ,,كل وحدة اقوى من الثانية

اللي بتسكر الانابيب عندك واللي بتسبب لك سدد والي بتخربط لك دورتك الشهرية واللي ..واللي.. واللي ....

لا تستغربوووون

انتي بانفسكم تدورونها دائما

بصراحه وبدون زعل ...انتم مجرمات بمعنى الكلمة
بقولكم ع السالفة ,,وانتم احكموووو

دخلت ع منتدى مشهووووووووور ومعروووووووووووف من زماااااااااااان
وانصدمت بموضوع اسئلة واجوبة عن الخلطات وقت النفاس فلقيت بلاوي

وحدة مسوية نفسها فاهمة والحريم يعطونها برنامجهم بالنفاس وهي تقولهم ادا هو حلووو او لا<<
طبعا الاخت لها متجر في المنتدى وتبيع فية خبصااااااات النفاس


الله لا يوريكم الاجرام وحدة تقول مسوية خلطة مكونة من (نانخه_مرة_فلفل ابيض_شمر_رشاد_عنزروت-قشر قهوة -حلبة...
الخ)
طبعا الادمية الله يهديها ماخلت شئ
والاخت اللي ترد عليها تقول لالالالالالالا العنزروت طلعية من الخلطة واستخدمية مع القهوة لحالة >>
يعننها فاهمة حسبي الله عليهن
وسفوف مرتين باليوم وغسول ثلاث مرات باليوم وبخورات .............

ايش السالفة ؟؟؟

فترة النفاس فترة راحه للمرأة //مووو معركة بيني وبين نفسي

تعرفون لية كثرت اوجاع الحريم والتسقيط والسدد والافرازات اللي الله يكفينا شرها ..ولا تجي الا من الاهمال وقت الدورة والاجرام وقت النفاس

يابنات بقولكم ع نصيحه شخصية مني ومن امي اللي يحفظها لي ومن اختي

الوحدة تهتم بنفسها وقت النفاس وبقدر المعقول ووقت الدورة
يعني لاتخبص ثم تنتفخ من البلاوي اللي مسكرة عروقها وارحامها
وقت النفاس لي نظام ان شاء الله //
ما استخدم اي غسولات الا الطبيه لحد ما تطيح الخيوط حتى الماء والملح والمرة لانها تشد الخيوط ولا تبري الجرح
ثم ببدأ ان شاء الله بالماء والملح والمرة (يوم اية ويوم لا)
ثم العشرة الايام الاخيرة بستخدم الدباغ لحالة يوم اية ويوم لا
وبتبع نصيحه جابر القحطاني وهدا رابطة

ممنوع وضع روابط لمنتديات اخرى

وبستخدم خلطة الفلفل البيض والماش والزنجبيل وان شاء الله برضع بنتي رضاعه طبيعية وبغطي راسي ورجولي عن الهواء وخلالالالالالالالالالالالالالالاص

والله امي تقول ما عمرها اكلت الحوائج ولا استخدمتها ابدآ
والمسكينه اختي يوم ولدت ولدها الثاني اجرمت في عمرها (والله يابنات انها معبية ترمس بجنبها حاطة فية حلبة وقشر قهوة وشمر ورشاد وبلاوي وش كثرها)
وبالاخير صابها ضعف في المبايض ولها ست سنوات تتعالج والله تقول ندمانة قد شعر راسي من خلطاتي

وبالخير والله ما ابي الا الخير لكم والله ع ما اقول شهيد -واسفه ع الاطالة لكن والله من خوفي عليكم