اللي تقول راح اطلق اكره امي خواتي

موضوع وعجبني حبيت انزله
زوجــي مايحبني يكرهني أنا عصبت عليه لأنه رفض يطلعنــي .. زوجي متغيـر علي زوجي يناظر بغيري .. دائماً الاحظ بهذا القسم الكل يصدق صاحب المشكلة ويطلب منها الأنفصال أو أنه مايستاهلها وحقيــر ..الخ


مافكرنــا ليه صار اللي صار .. هل الزوج اذا قال أنا ابي استقر وأتزوج ويجمع ويتعب على نفسه علشان يفكر بالطلاق والتفكك !
فيه رجال من النوع اللي ماينعاش معه يضرب ويشرب ويسافر ومايصلي ..لكن تجي وحدة وتقول زوجي مو رومنسي طيب مو كل الرجال مثل بعض يمكن فيه صفة الخجل ومو متعود اصبري واذا تزوجتي ابدأي بالحب وكل حاجة علميــه !
زوجـي بخيل مايعطيني فلوس ..طيب ابدأي بهدية حتى لو رخيصه الأنسان ماخُلق كامل

زوجي يخوننــي .. على اي اساس دور غيرك وخانك؟ فكـري وانظري لنفسك من جميع النواحي .. انا ماقصر معه بالفراش حبيبتي السالفه مو كذا تعدلـــي اكشخي البسي حتى لو ماأظهر اعجابه داخلياً يصورك جميلة ونظيفه كل ماأدخل على وحدة متزوجة كل همهــا اطفالها الأهتمــام اللي بالخطوبة كله راح لازم الأنصاف .. انا اتعب واطفال ومدري ايش طيب كيف تبين الحب يدوم الرجل عنيد ومن صفاته مايعذر دلعيه كل شوي نطي عليه بوسيه دلعيه عامليه مثل الطفل أنا اقرأ بالمواضيع من يومين وأكثرها انا عصبت على زوجي وصارخت غصباً عني طيب ليه تتعاملي كذا بيصير مثلك وأكثر وأنتِ تجني على نفسك بعدين الرجل يتزوج أنثى هادئة لطيفة مو صراخ وعصبيه وعناد .. زوجي يهتم بأمه انا طفشت طيب هي تعبت عليه وربته طبيعي بيقضي حاجاتها حرام يقول لها لا بعد كل هذا التعب ..

لا واللي يقهـرني اللي يردو على المواضيع وحدة كاتبه زوجي تعبني مايفهمني واحسه سرحان تجي وحدة تقول انفصلي صراحة الله يعينك !

هدم البيوت حرام مو من حق أي وحدة بالمنتدى تكتب انفصلي وتطلقي لأنها محاسبة اذا اللي كاتبه الموضوع وسوت نصيحتك على جهاله ..

الشيخ اذا جى يطلق يسأل ويكرر عن السبب للطلاق واحياناً يتراجعو يصلح بينهم.. وانتم كل موضوع انفصلي وبتلاقي غيره .. طيب والشي الثاني زوجي يحبني واحبه لكن ابي انفصل لأنه مايعرف يكتب ولا يقرأ عدل زين على اي اساس وافقتي عليه من البدايه .. حطي نفسك مكانه وتركك عشان هذا السبب وش بتكون نفسيتك والله لو أنا بمكانه وزوجتي تقول عني كذا بتجيني غبنه وضيقه بصدري بعد كل هذا الحب تنفصلي عشان املاء خارج عن إرادتي وين التضحيه والحب ؟

انا ابي اموت لأني توقعت الزواج شي ثاني ؟ ليه عايشه قصص الأفلام يوديك القمر يعني !
الأنسانة هي اللي تقدر تسعــد نفسها وتسعد زوجها وتحافظ عليه
مثلاً شفتـي عنده حبيبه وافلام صحيح يحتاج وقت لكن بقوتك وشجاعتك بتتغلبي عليها ابدأي معه بتغيير نفسك جذرياً اعطيه أكثر مما يحتاج بكل وقت مرة نصح واشياء وتخويف عن الزنا وعذاب المتزوج يختلف واعطيـــــــه حب ماينتهي قولي له مستحيل اعيش بدونــــك الحمد لله ربي رزقني بشخص شريف مؤمن يخاف ربه مثلك ودائماً ادعي هذي الأدعيه جنبه قولي الله حفظني عن اولاد الحرام اللي مايخافو ربهم الله يحبني .. مو تجي وترمي عليه جواله وتعصبي وطلقني وانت وصخ اصلاً يعاند ويزيد ويوديك بيت ابوك وياخذ راحته اكثر أو يوعدك مرة مرتين وتتكرر المآساة ..

كل ماتشوفي فيه عيب اعكسي الآيه وادعي مثلاً اذا كان بخيل قولي الحمد لله ربـــــي رزقني شخص كريم مثلك مايخليني احتاج لأحد وشوي شوي هو يفكر ويغير من نفسه ..

مثلاً يدخن من أول يوم في الخطوبه اذا جى يبوسك كحي بقوة وسوي نفسك تفطسي من الدخان وقولي له مادري لويش احس صدري يضيق ماقدر اتنفس ووعد مني يتغيـــر لأن الخطوبة غيـر عن الزواج ..

مثلاً مايطلعك مشاوير اقل مكان يوديك احضنيه وقولي له ربي لايحرمني منك يابعد عمري انت الزوج والأب والأخ والحبيب لي الله لايحوجني لأحد يوصلني شكرا يارب ..

واللي تعلق بالها على زوجة أخوها وعلى كم يعطيها ووين طلعها ولبست بناتها ماركه ترى محاسبيين هذي انسانة جت وطلعت من بيت اهلها عشان تعيش حياة جديدة على اي اساس تدخلـي نفسك فيها وتدخلي أخوك وتهدري على مرته ويبدأ شوي شوي ويكرهها لين احياناً توصل للطلاق ..


واستغرب من البعض اللي يقول انتهت حياتي ومستحيل اتزوج ومضى عمري !

الله خلقنا وقدرنا مكتوب ورزقنــا محفوظ هل تقرأي قرآن هل تدعي ربك وتحافظي على صلاتك هل ساترة نفسك وهل تسمعي اغاني! ليه نتعس أنفسنا ونصك علينا باب الحزن واليأس ابي اتزوج ابي فلوس ابي اسافر ابي اعيش !

صحيح في السابق كان يختلف والحين الملذات بالدنيا تغيرت لكن صعب نعيش بقهر والحياة تمضي والذنوب والمعاصي نرتكبها..
أنا أمي وأهلي مايحبوني ابي اطلع من البيت ابي اتزوج بزوج يغير حياتي .. أمك الحين بعد العذاب والتعب والسهر والجهاد عشان قالت لك الله ياخذ عمرك خليك تمرضي شوفي كيف تصير ودموعها على خدها !

ومعـروف الأمهات اللي قبل عاشو حياة قاسية ومـر واللي في قلبهم يختلف عن لسانهم وماتعصب الا لصالحك اجل تتركك على كيفك طالعه وجايه وتكلمي واتس اب وبيبي ودراستك مطنشتها والله زين يســسو الأمهات زمن يخوف ومافيه امان والبلاوي والقصص اللي يسمعوهها تأثر عليهم .. احترمي امك وأبوك حبيهم وساعديهم واذا ناقشوك ردي بطيب وأدب ... عشان تشوفي كيف تغيرهم وحبهم لك .. واللي بالموضوع ترد تقول يالله وش ذي الأم الله يعينك عليها هذا رد ! والله حرام اللي ماتعرف ترد لاتشوش وتزيد من المشاكل

والبنت اللي تكتب موضوع وتقول أحب واحد مافكرتي بـرب العالمين كيف قدرتي تخوني أهلك أمك أبوك وتلجئي إلى شخص محرم عليك ومايخاف ربه ياخذ اللي يبغاهـ ويرميك .. يعيشك بحزن وهم وتحملي الذنب حتى لـ زواجك .. اللي تقول مو كلهم البعض تزوج عن تعارف طيب اروح ادور اكثر من واحد لزين القى الشخص اللي بياخذني رخيصة أني !

فيه عقوبه لكل إنسانة تحب شخص غريب حتى لو بقصد الزواج وتتكلمه وتطلع معه فيه حدود للشرع وللزانيه ولل ......الخ رجم وجلد وسجن
كل بنت ورجل أجبني بينهم خلوهـ يكون الشيطان وسطهم مستحيل اصدق في بنت عاشت مع شخص 7 سنوات مابينهم كلام جنسي أي رجل ذا النزيه العفيف اللي بيحصن نفسه مع بنت غريبه لمدة سبع سنوات !

البنات اللي اشوفهم في ستي مول ولاتقولو معقده لأني اتكلم من باب الشرع ليه مكياج والشعر طالع كل شعره يشوفها أجنبي كأنها زانيه واللي تلبس برموده ونص رجلها طالعها والله يهز البدن والله والله الدنيا تغيرت لو كنــا بزمن الأنبياء حتى الله أنزل عقابه علينا ( زنـا - لواط - شرب الخمر والتعاطي المخدرات - الغيبه ترك الصلاة..الخ )
اني شيعيه حتى لو تأخرت على الصلاة الله بيتوب علي مسلمة شيعيه مو أسم بس لازم أتبع أهل البيت وأقتدي فيهم