الرسالة الأصلية كتبت بواسطة مخلصه لزوجها »
اختى الغاليه زوجك هو من سيحل مشكلتك


ولابد ان تتخذى قرار ان لا تخبي على زوجك اى شئ يصادفك

استغرب من الاخوات الاتي تخبي على الزوج ما يدور فى خاطرها

اختى انا اصارح زوجي بكل الامور

لدرجة انه اصبح يعرفنى اكثر من نفسي

لانى معه اصرح من الصراحه ولا اخجل من اصارحه بكل ما يدور من حولى يخصنى

فسكوت عينى اصبح يلاحظها


واذا بدائتى تخبين عنه صدقينى تصبحين انتى فى وادي وهو فى وادي



صارحيه واخبريه بما يعتليك من ضيق وهم وحزن وهو مسئول ان يحاول بكل ما يستطيع ان يغير او حتى ان يقف بجانبك ويساندك مسانده نفسيه على اقل تقدير اذ لم يستطع

لكن لا تتحملى الامر كله لوحدك وانتى حامل وتحتاجين لراحه وهدوء ونفسيه مرتاحه


اعانك الله على الحمل وسهل لك الولاده

وافرحك الله بذريه كامله من غير نقصان او زياده

وجبر خاطرك واسعدك بعد حزنك يا رب يا كريم

اختى الغاليه لكى دعاء منى بعون الله بان يحل مشكلتك باسرع وقت

اذا وصلت الامور الى هذه المواصيل لابد من الخروج الى منزل مستقل
سبحان الله غالبا القرب الزايد يسبب مشاحنات حتى لوبسيطه
اخرجي الان لشقه وبعدين يصير خير
على الاقل الراحه النفسيه وبعد ان يكون زوجك نفسه انقلوا لبيت
الله يسهل عليك..

عين العقل

مدام زوجك سمع الوضع وشاف من غير تدخلك 00خلي الأمور تمشي مثل ماهي وارضي بالقليل 00 حتى تقدرين انشالله على الكثير اللي هو البيت0

واذا كان زوجك صعبه عليه يفتح بيت 00 وبما ان لك الملحق الفوقي 00بمرافقه والمطبخ استقلي مؤقتا واعتزليهم بالحسنى وشوي شوي راح يتعودون انك مانزلين عندهم000 الين الله يدبرها00


الله يسخرهم لك يارب ولا يحرمك أجرهم0

سبحان الله نفس السالفة هذه مستوية لوحدة أعرفها الله ستر وماخذت ولد خالتي ولا كانت قصتي نفس قصتج بالضبط الحين اقراها واتخيل ان حرمة ولد خالتي هي اللي كاتبتنها
سمعي
بخبرج اللي ازيد عن جيه خالتي تكلمت على عيالها وقالت انهم يسهرون ويا حرمة اخوهم وكلام من هالنوع
ولد خالتي كان يشارك شوي في مصاريف البيت بما انه عرس وسكن في بيت ابوه ونفس الشيء في قسم في الدور الثاني ونفس ماتقولين يدقون الباب وتهزيء على الحرمة مع انها شغيله
المهم الحرمة صبرت لين ماولدت وعقبها زادت المشاكل فقام زوجها واستاجر له بيت قريب من بيت امه وكل يوم يزور امه يتريق احيانا او يتغدى عشان ماتقول الام انه الحرمة خذته مني
ومع هذا ماسلمت تمت خالتي تقول ان الحرمة اكيد ما تطبخله في البيت مع ان الكل يعرف انه طباخه شاطرة
حتى نفس الشي عندهم اخت متزوجه ونفس ماوصفتيها في كلامج تزيد النار زيت بدل ماتخفه
الحين الحرمة مستقله في بيت بالايجار ومريحه راسها ويا ريلها وبالعكس متفاهمين وايد
والخاله لازالت على حالها وقامت الزوجة ماتزورهم الا في المناسبات او بين فترات بعيده لكن عيالها وريلها دوم يسيرون هناك
المشكلة في حالتج انها خالتج اخت امج
فالمسالة بتكون حساسة شوي يوم بتطلعين عنهم
زوج خالتي كان يحس انه يصرف على ولده وانه اللي يدفعه ولده في البيت مايكفي
وخالتي طبعها هذا مع الكل حتى مع اختها وعيالها يدرون
الله يعينج
طلعي في بيت بروحج احسن لج بس لا تقطعين عنهم وخلي ريلج يساعدهم بالي يقدر عليه من فترة لفترة
وافضل ان ريلج هو اللي يدبر بيت يستاجره حاليا وعقب يبني عشان يحس بالمسؤولية