(( ابي منكم حل لأتخذ قرار الطلاق ))

الأسرة والمجتمع

السلام عليكم
اخواتي.... في عالم حواء...
انا متزوجه من شخص يحبني واحبه وصارلي سنه معاه ، ومن كثر مايحبني صار يدلعني حتى قدام اهله وبالاخص امه..
لين صارت تغار مني,, والمشكله انها سببتلي مشااكل كثيره وعلى اقل شي تزعل واذا جيتها وعاملتها مثل والدتي وكلمتها عن سبب الزعل وأراضيها مثل مااراضي والدتي ..احس انها تعاملني كأني شريكه ((زوجه ثانيه لها)) مو مثل بناتها وتنفر مني لين صارت تحاسبني على دخلتي وطلعتي بالبيت... مع ان هالموضوع مايدور بأي بيت من أهلنا ..
واذا زعلت دايم تطلب مني اني مأجيها وأراضيها وأمشي على كلامها وما اجيها واخليها بحالها.. بس المشكله مو فيها الحين.. المشكله بزوجي اللي ماله شخصيه قدامها... ولا راضي عالاقل يعلمها الصح من الخطأ.. انا مابي اسبب مشاكل معاه وامه ..:ohmy: انا ابها تفكنا من شرها وماتدخل بيني وبين زوجي...
وفي يوم ..جيت انا وياه من السفر كنا محتفلين بعيد زواجنا بدبي ...طبعا امه ماستقبلتنا لأنها زعلت عشانه سفرني:44: وانا بدوري كنت متخذه اسلوب التطنيش وكأني ماسمع شي... لين صار يجيني زوجي من عندها (مكووك) يعني (مشيش) يعني ماليه راسه بالزن.. ولمى مسكته وتناقشت معاه ضربني مع اني ماغلطت عليه.. وزعلت ورحت لأهلي وجاء عند أهلي ونزلت دمعة الندم قدام ابوي وقاله انه يحبني .. وسوا كل اساليب التضحيه وكان مستعد يراضيني باي طريقه وبعدها كلمته وطلبت منه انه يطلعني لبيت بروحي بعيد عن اهله.. وكان بالأول رافض بعدها رضى بس لمى وصل الخبر لأمه:mad: عصبت وقالت (( الطلاق ولا تطلعون بشقه برا ))
انقذووووووني أنا أحبه بس مأقدر أتحمل أمه اللي تمشيه على كيفها وانا صارلي شهر عند اهلي بس هو مش راضي يجي يتفاهم معاي وامه تمشي وتتكلم فيني عند الاهل لين وصلت انها تسب أهلي وأعمامي بعد ولا ((فوق شينه قوات عينه)) تطلع نفسه الصح وكبرياءها مايسمح لها تعتذر على كلامها اللي يسم البدن..
وانا من قبل كنت أتحمل الذل والأهانات عشان خاطر زوجي ,بس لمى توصل المذله لأهلي أحس بالقهر وافكر بالأنفصال ...
ارجوووكم ابي اتخذ قرار ,, وانا احمد ربي ان الله مارزقني بعيال منه.. وأحسبه خيره من رب العالمين.. بس اهو لمى أتذكر كلامه وحبنا اللي من زمان اتحسر:44: بس اهو يفضل امه علي.... وانا ماقدر اتحمل ظلم اكثر..
شرايكم؟؟ ارفع عليه قضية الطلاق؟؟
37
4K

يلزم عليك تسجيل الدخول أولًا لكتابة تعليق.

تسجيل دخول

ديم-89
ديم-89
اهلين اختي الله يفرجها عليك من اوسع ابواب رحمته انا انصحك انك ماتستعجلين وتطلبين الطلاق وبعدين تندمين في وقت ماينفع فيه الندم حاولي تجيبين زوجك وامه عندكم في البيت وتتفاهمون معهم انت واهلك ونحاولون توصلون لحل يرضي الطرفين بعدين انت لاتهتمين لكلامها ودوام الحال من المحال وعزي نفسك بحبه لك وحاولي ترضين بقدرك وتصبرين ان الله مع الصابرين ولاتخلين هالمشكله قضية حياتكم تجاهليها وتجاهلي كلامها وصدقيني مع الايام بتكسرين خاطريه ويصح الصحيح ويعرف ان امه سبب المشاكل وانت مالك حل الا اللجوء الى ربك والدعاء لان ربنا قال ادعوني استجب لكم واحسني لامه ومع لايام بنصلح احوالك باذن الله
معتزة بذاتي
معتزة بذاتي
لا حول ولا قوة الا بالله


اصعب شيء لما يكونوا زوجين مبسوطين و حماه بهذا الشكل


والله يا اختي انا لساتي بنت وما اقدر احكم على الموضوع


بس اللي سويتيه صح وانتي ما غلطتي صبرتي و عاملتيها كويس .... بعدين ماشاء الله سي السيد مد يده وضربك

و رجعتي لاهلك .. وطلبتي سكن خاص ومن حقك مادامها انسانه سيئه بالتعامل معاكي


والمشكله انه زوجك ضعيف الشخصيه ... و دا بيأثر كثييير على الموضوع

انا من رايي انك تستخيري ربناااا اولا

و ثانيا لا تتضعطي على روحك ... وكثري استغفار .. وشوفي اهلك وناسك ايش يقولوا


بس بقولك على نقطه ...

اللبنه الاساسيه للزواج مو الحب ... بقد ما يكون الاحترام والتقدير و الود والرحمه ...


انتي فكري بالموضوع ككل وادرسي كل حاجه من ايجابيات هذا الانسان وسلبياته وقارني

و ازا حسيتي روحك تقدري تتعايش مع الوضع اوكي

ما قدرتي لا تتضغطي لا روحك و اطلبي الطلاق


و ممكن فيه حل يرضي الطرفين انه يسكنك قريب من امه .. و قوليله دا الحل .. ازا الام خايفه انه يقاطعها او ما يبرها

فلما يكون قريب هذا حل وسط يرضي الطرفين ... بحيث انه يروح لها وقت ما تبغا .. وانتي كمان بكذا بعيده عن شرها


انا ما اقول غير الله يختار لك اللي فيه الخير ويعينك يااارب
كرستالهـ
كرستالهـ
مممم

شي طبيعي تصير مثل هالمشاكل خصوصا ببداية الزواج

بس ماتكون سبب للطلاق خصوصا انكم تحبون بعض

حاولي تتكيفين معها دوري اسلوب ماينرفزها

خصوصا ان زوجك شخصيته ضعيفه قدامها

يعني مايقدر يفرض شخصيته وطلعتكم ببيت لحالكم لازم برضاها


وانتي قلتي سبب غيرتها

ان زوجك يدلعك قدامها فهميه ان هذا الشي مايصلح قدام امه دامها غيوره كذا

وانتي تقربي منها اكثر حتى لو ماتتقبلك الحين ولاتعصبين من شي تقوله عشان تمل وتترك المواضيع الي تنرفزك

ممممم صراحة ماعندي حلول معينه

بس ماقدر اقول الا الله يعينك ويسخر زوجك ويهدي امه
رذاذ المطــر
رذاذ المطــر
لاتفكري بالطلاق اللحين حاولي تنصلح الامور

ربي يفرج همك وينولك ماتتمنين
رياح الغربة
رياح الغربة
شوفي يالغالية
انصحك انك تحاااااااااولي تكسبيها قدر الامكان
واصبري التغيير مايجي بيوم وليلة
مع الوقت تتغير
وخلي زوجك يبطل مشاعره قدامها حتى مايزيدها
وبلاش تعرف بكل صغيرة وكبيرة حتى ماتزيد عليكم

الله يصلح بينكم