السلام عليكم ورحمة الله وبركاته
بنوتات اولا مبارك عليكم الشهر جعلنا وياكم ومن صيامه وقيامه
اللي صار ياحبوبات انا رحت لمحل الراشد وطلبت منه تورتيلا وماحبيت آخذ كثير وقلت ابجرب اول
قالي العامل لا لازم تشترين كرتون ووراني الانواع..بصراحة ترددت لاني ما احب المجازفة بكرتون..وانا في حيرتي سمعت صوت من وراي يقول ماعليك خوذيها انا اخذت عشر كراتين والحين جاية اخذ زيادة..التفت ولا الحرمة ماشاء الله مغطية الكاونتر بكراتينها:icon31:...قلت يابنت مابدهاش..توكلت على الله واخذت كرتون...طبعا انا اخذت تورتيلا حارة بناء على كلام البنات في المنتدى لانها افضل شي... وجربناها اول يوم بصراحة لذيذة
لكن بعدها بيوم جتنا حالة ذهاب واياب للحمام وانتم بكرامة
قلت يابنت الحلال يمكن صدفة..جربتها بعد كم يوم وايضا نفس الحالة
والبارح عشيت ولدي منها وتكررت المشكلة معه..يمكن تقولون بسبب الفلفل اللي فيها لكن الغريب انها مو ذاك الحرارة يعني فيها لذعة شوي..مع اني من هواة الفلفل بالطبخ وماقد جتنا مشكلة
ياليت الاخوات اللي جربوها يعطونا رايهم..بصراحة قمت اوسوس يمكن يكون سوء نظافة بالمصنع
واللي جربوا الانواع الثانية من التورتيلا عطونا رايكم...على قولة الوالدة تسميها الترّرترّراا :biggrin2:
احب السفر بس مطفرة @ahb_alsfr_bs_mtfr
عضوة نشيطة
يلزم عليك تسجيل الدخول أولًا لكتابة تعليق.
الحمدلله انا اشتري الحار و الحمدلله ما فيه مشاكل
هل حطيتي الكرتون بالفريزر؟لانه لازم يحفظ مجمد
هل حطيتي الكرتون بالفريزر؟لانه لازم يحفظ مجمد
الصفحة الأخيرة
بالعكس مره حلوه والبيت كلهم انهبلوا عليها
اتوقع من الفلفل يمكن النوعيه تختلف
ماتشوفون شر