السلام عليكم ورحمة الله وبركاته ..
صبااااياااا انا اليوم قررت نشد الهمه اكثر لان الفرج قريب وربي قال ادعوني استجب لكم بنات وشرايكم بدال لايكون علاج كل وحده بروحها وشرايكم نخلي العلاج جماعي لنا كلنااا قلتوو شلووون انا اقولكم ..
اولااا ابيكم تقرون هالموضوع طبعا كلنا قريناه والله يجزا صاحبته كل خير
http://forum.hawaaworld.com/showthread.php?t=2538585
واقروا هذا بعد
http://forum.hawaaworld.com/showthread.php?t=2289575
وهذا موضوعي وقصتي..
http://forum.hawaaworld.com/showthread.php?t=2666552
قريتي كلامهم تحمستي مثلي ليه علاجنا يتأخر ليه همومنا تزيد ليه غيرنا مرتاح واحنا اووف واوووف متى بنطيب ليه نتحمس وانرد انوقف ولاكأنا بدينا بشي في حين ان كيد الشيطان ضعيف واحنا معنا الرحمن الرحيم القوي العزيز اجل شنو ناقصناا ناقصنا نحط يدنا بيد بعض ناقصناا الأستمرااار نبي كل مانحس بالكسل نرجع نقرا الموضوعين صبايااا نبي نفرح في بعض ابي افرح بزواجكم وتفرحون بزواجي ابي افرح بتفريج همومكم وتفرحون لبعض نبي نكون عون لبعض بنسوي برنامج لناا كلناا نكرره يوميا يعني يوميا كل نهاية يوم تدخل تقول اليوم الاول تم بحمد الله وهكذا لين نشفى بإذن الله كلنا نبي يكون البرنامج بسيط وبنفس الوقت مانعطي العارض فرصه يرتاح ليه بسيط عشان مايملون اللي حالتهم صعبه يعني شي بسيط الكل يقدر عليه وتذكرووو من توكل على الله فهوو حسبه ..
الـبرنــامــج :
1- الصلاه في وقتها..
2- سورة البقره..
3- الزيت زيتون المقري..
4- ماء زمزم او اي ماي مقري فيه .. وتضعينه في مرشين واحد تضيفين عليه ماي الورد المقري وماء زمزم وتخلينه بالثلاجه والثاني بس ماي مقري وبقول لكم متى نستخدمه ويفضل يكون عندك اثنين واحد بالثلاجه وواحد دافي الدافي بس تحطين فيه ماي زمزم ولا ماء عادي مقري..
5- الإستغفاار..
نبدأ من صلاة الفجر برنامجنا بحيث نقوم نصلي الركعتين قبل صلاة الفجر وندعي ربناا ان الله يشفينا ويرزقنا اللي انتمنااه وندعي لخواتنا في حواء واللي يعانون مثلنا نص السنة عَن أَبي الدَّردَاءِ رَضِي اللَّه عنْهُ أَنَّهُ سمِعَ رَسُولَ اللَّهِصَلّى اللهُ عَلَيْهِ وسَلَّم يَقُولُ : (ما مِن عبْدٍ مُسْلِمٍ يَدعُو لأَخِيهِبِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم وبعدها نصلي الفجر بخشوع وبعدها نقرى الرقيه الشرعيه العامه او الخاصه سواء حسد او مس او سحر حسب حالتك اذا تعرفين واذا تجهلين نوع مرضك الروحي خليكي على العامه وابدي بقراءة سورة البقره وخلي المرش اللي فيه ماي زمزم وماء ورد البارد جنبك واول ماتحسين بحرارة بجسمك ولا الم في مكان معين رشي الماء على وجهك وجسمك وبتفاجئين ان الاعراض تخف واجد وكملي وخلي بيدك كاسة ماي وانتي تقرين قربيها من فمك يعني اقري البقره في الماء لين ماتخلصين سورة البقره صبي اشوي من الكاسه في المرش لانك بتتبعين الطريقه هاذي كل يوم عشان يكون الماء اللي في المرش مفعوله اقوى اذا تكررت قراءة البقره فيه وباقي الماء في الكاسه اشربيه وادعي قبل وماء زمزم لما شرب له واشربيه بيقين انك بتشفين بإذن الله وبعدها تقرين اذكار الصباح هينا خلصنا برنامجنا الصباحي
صلاة الضحى .. وأجرها العظيم مع الدعاء..
الاستغفااار.. قال الله تعالى في كتابه الكريم : اسْتَغْفِرُوا رَبَّكُمْ ثُمَّ تُوبُوا إِلَيْهِيُمَتِّعْكُمْ مَتَاعاً حَسَناً
وقال عز وجل قُلْ يَا عِبَادِيَ الَّذِينَأَسْرَفُوا عَلَى أَنفُسِهِمْ لاَ تَقْنَطُوا مِن رَّحْمَةِ اللَّهِ إِنَّ اللَّهَيَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
قالالرسول صلى الله عليه وسلم
من لزمالاستغفارجعل الله له من كل هم فرجا، ومن
كل ضيق مخرجا، ورزقه من حيث لا يحتسب
وقال النبى صلى الله عليه و سلم : من قال حين يأوى إلى فراشه : أستغفر الله الذى لا إله إلا هو الحى القيوم و أتوبإليه ثلاث مرات غفر الله ذنوبه و إن كانت مثل ذبد البحر وإن كانت عدد ورق الشجر وإنكانت عدد رمل العالج وإن كانت عدد ايام الدنيا
لا شك أنالاستغفارمأمور به لقول الله: وَاسْتَغْفِرُوا اللَّهَ
ولا يلزم أن يكون من معصية، فقد يستغفر الإنسان عنأشياء فعلها قديماً، ثم إن الإنسان قد يخطئ وهو غير منتبه أنه قد أخطأ، وقد يذنبوهو غير منتبه أنه أذنب
فضائلالاستغفار
أنه طاعة لله عزوجل
أنه سبب لمغفرة الذنوب: فَقُلْتُ اسْتَغْفِرُوا رَبَّكُمْ إِنَّهُ كَانَغَفَّاراًا
نزول الأمطار: يُرْسِلِ السَّمَاء عَلَيْكُم مِّدْرَاراً
الإمداد بالأموال والبنين: وَيُمْدِدْكُمْ بِأَمْوَالٍ وَبَنِينَ
دخولالجنات :وَيَجْعَل لَّكُمْ جَنَّاتٍ
زيادة القوة بكل معانيها :وَيَزِدْكُمْقُوَّةً إِلَى قُوَّتِكُمْ
المتاع الحسن :يُمَتِّعْكُم مَّتَاعاً حَسَناً
دفع البلاء :وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ
وهوسبب لايتاء كل ذي فضل فضله: وَيُؤْتِ كُلَّ ذِي فَضْلٍ فَضْلَهُ
العباد أحوج مايكونون إلىالاستغفار، لأنهم يخطئون بالليل والنهار،فاذا استغفروا الله غفر الله لهم.
الاستغفارسبب لنزول الرحمة: لَوْلَاتَسْتَغْفِرُونَ اللَّهَ لَعَلَّكُمْ تُرْحَمُونَ
بعد صلاة العصر..
نقرأ اذكار المسااء..
ولاتنسووون لازم نكون على طهاره طول اليوم يعني كل ماتدخلين الحمام تكرمون تتوضئ لان الطهاره من الايمان والعارض يكرهنا في الاستحمام والطهاره..
قبل النووووم ..
تدهني جسمك كامل بزيت الزيتون المقري وترشي فراشك بمسك اسود مقري ايضا واذا مو مستحبه الريحه مسك ابيض مقري وانا من ناحيتي في قناة اسمها افريقيا على طول سورة البقره واشتري المسجل اللي يقلب الشريط الحاله وحطي الرقيه واسمعيها بخشووع وحاولي تسمعيها باليوم اكثر من مره ومثل ماقلت لكم كل ماحسيتي بحراره ولا الم طلعي المرش من الثلاجه ورشي على نفسك واعملي الخطه الرباعيه حقت الشيخ عبدالله الخليفه بحيث تجيبين كوتكس ولا كيرفري وتصبي عليها زيت مقري وترشي المسك الاسود على خصرك زي الحزام انا كنت احط المسك الاسود وماي مقري في علبه قزاز واخذ بالقطنه وامسحه على خصري كامل هاذي تمنع التحرشات الجنسيه وقطري زيت مقري في اذنك وامسحي داخل خشمك خفيف وقبل لاتنامين اقري المعوذات والكرسي واوخر البقره وانفثي على نفسك انفثي بحيث تحسين ببرودة لعابك على جسمك لها تأثير اقوى وانا مجربتهاا واول ماتصحين قبل الفجر تتسبحين بخلطة الرومي او بملح خشن وتقدرين تسوينها بعد صلاة الفجر او قبلها اذا صحيتي بدري واذا انتي حابه تقرين البقره والزيت على جسمك مو مشكله وبعدين تتروشي عادي انا تدرون وش اسوي شفتو المرش الثاني اللي قلت لكم حطيت فيه ماي زمزم وماي ورد هذا اذا تروشت وخلصت اجي غرفتي وجسمي امبلل ارش وجهي وجسمي كااااامل بماي زمزم المقري وماي ورد والمرش الثاني اللي فيه ماي زمزم بس ابلل فيه شعري ازياده وبعدها احط اللوشن اللي ابيه عادي ولاتنسين رشي حتى نفسك من تحت انا يوم كنت اسويها احس بألم في بطني من تحت بس عادي اكمل ..
كذا بتكونين طول اليوم جسمك فيه ماي مقري وقريتي البقره والاذكار ونمتي وانتي كلك زيت مقري يعني برنامج خفيف ومقدور عليه كلنا نقدر لاتقولون مانقدر نقدر بس لازم نستمر عليه وكل يوم لازم تكتبين قبل لاتنامين اليوم الاول تم بحمد الله وهكذا نشجع بعض وكل وحده تقول وش تحس .. واللي ودها تزود وتاخذ ملعقة عسل مقري كل وحده وبراحتها يله بنااااااات الفرج قريب ومن توكل على الله فهو حسبه .. من بتبدأ معي وبتقووول ماراح اضعف بعد اليوم وراح اتمتع بعمري يكفي اللي راح تعبنا واحنا نقول بكره ربي ماراح يخلينا ربي عند حسن ظن عبده به وانا ظني بربي انه شفائنا كلنا قريب وانه ماراح يخلينااا توكلنا على الله نبدأ..
يلزم عليك تسجيل الدخول أولًا لكتابة تعليق.
harh66
•
جزااااااك الله كل خير
وإن شاء الله اني معك
بس سورة البقره كانت سهله علي الآن مو صعبه بس اتثاقلها
وأتكاسل ...
وإن شاء الله اني معك
بس سورة البقره كانت سهله علي الآن مو صعبه بس اتثاقلها
وأتكاسل ...
الصفحة الأخيرة
والله يصبرك ويفرج لك ان شاء الله .. ومن توكل على الله فهو حسبه ..