حظ الجميلات @ وحظ العاديات@ سبحان الله ))

سبحان الله ... اخير اقتنعت ان الجمال ماهو اساس ...




ناس اعرفهم عز المعرفه .... عائله قمه بالجمال والوسامه ... والبنات دلوووعات جدا انيقات ... وجميلات خلقه ... والله حتى امهم ع انها كبيره في العمر ... الا انها جميله وبيضاء وحلووه ... ماشاء الله تبارك الله 




زوجوا اغلب اخوانهم لبنات جميلااااات جدا 
مناسبين لهم ... الا اخ واحد .. خطب بنت ...
وكل خواته ذمووها ... قالو وش تبي فيها 
شينه .. دبه ... سمراء ... وذموووها ذم ...
وحاولو في اخوهم انه يتراجع .. وسبحان الله يا بنات 
والله انهم يقولون خوتهم بانفسهم .. سمعتهم شخصيا ... يقولون رجع يهاوشنا ..
يقول حرااااام عليكم وين ماهي جميله 
وربي انها احلاااااا منكم بكثير
وانا ابيها .. وتزوج الرجال ... وطاااار فيها 
وحبها حب كبيررر ... ماشاء الله تبارك الله ..




ومرت الايام والتقيت فيهم هم وزوجة اخوهم ..
والله يا بنات انها مثل ماقالو .. 
ولا تقارن فيهم ابدا 
لكن سبحاااان الله في عيون زوجها اجمل الجميلات 
ولها غلاااا ومكانه ومحبه واحترام عند اهل زوجها ...شي عجيب 




انا ما اقول فيها شي 
بس من ناحيه الجمال مقارنة بخوات زوجها وسلافاتها هي اقللل
يعني تقدرون تقولون هي مملوحه 
وهم جميلااااااات 








بس ربي اعطاها مزايا 




بجد يمكن هي السر الي علق قلب زوجها واهله فيها 
وترى مضى ع زواجهم فتره طويله 
وتزوجو اخوان زوجها كاالعاده بجميلات 




ولازالت هاذي محط اهتمام وحب زوجها واهله 




سبحان الله 




البنت هاذي قممممه في النظافه 
في نفسها وبيتها واطفالها 
دائما نظيفين رائحتهم تشرح الخاطر 




هادئه .. منشغله بنفسها وبيتها 
مرتبه 




لسانها مؤدب .. ذرب ... مستحييييل تذم احد 
او تغتاب احد




مطيعه لزوجها ... مهتمه فيه ...تحترررروومه 
جدااا 
ولا ترادده بالكلام 
ولا تقاطعه 
وكلامه اوامر عليها 




كل هذا عرفناه من اهل زوجها ... 




وسبحان ربي ... زوجها ..... اممممم ....ماراح اقعد افصل في الموضوع 




بس هي نظر عينه وروحه وقلبهً








اسال الله انه يحفظها 
ويباااارك لها 
ويسسسسسعدهاااا 




اذكرو الله ي بنات .... 












وسبحان الله سلافاتها الثانيات ... حالهم مؤسف ... مع انهم جدا جميلات .. ماشاء الله 








كنت داااايم اسمع ان الجميله حظها مو حتى هناك 
والعاديه حظها قايم 




بس ما كنت اتوقع انه صحيح 




بس اللحين اقتنعت تماما 
وسبحان الله والله حتى اخوي لما كنا ندور له عروسه 
دااايم يقول ( لا تدورن الجمال ... دورو لي الاخلااااااق ... الطيبه ... المؤدبه ... الي تتفهم الحياه ... ) 
والحمد لله ربي وفقه ببنت جمعت جمال الشكل وجمال الطباع ... ماشاء الله 












اخيرا ي بنات قولو ايش السر في هذا 








هل هو تواضع العاديات وانه نفوسهم تكون طيبه 








....




ورجاء لاحد يقولي 
ما فيه بنت مو حلوه 
اقلك اكييييد








بس الجمال مقسم بين الناس 
وهذا شي محد يقدر ينكره...








ربي يوفق ويسسسعد كل النساء 
الي نيتهم طيبه 
ولا الشكل فبصراحه صار مجرد قشور ..
ما تهم رجل ولا حرمه ...




الاناقه والنظافه هذا سلوك ... لاحد يجي يقولي بس لازم الوحده تهتم بشكلها ..الخ




انها هنا اتكلم عن الخلقه الي ميز الله فيها بيننا ... الجميلاااات والعاديات ))