انا لو مكانك ماطلع لحال اتم عندها بالبت واعاملها مثل امي واسايرها وماطلع الا الزم اخذها معاي حتى لو اروح للدكتور
وابين لها وللولدها اني ماحس بالي يحسون فية واذا طلب مني نطلع بيت لحالنا ارفض واقول نترك خالتي لحالها واقولها خالة تراي مارضى اترك لحالك لانك مقام امي
واترك اللي فيني ويغيضني بقلبي ولا ابينة


(((او يمكن عندي حل ثاني لية مدورن لها رجل وتزوجونها علشان تلهى عنكم شوي)))

اختي الحبيبة zouza
خذيها من قلب يبي لك الخير والسعادة
ممكن اقولك كلمتين اساير فيها عواطفك وبتحسين اني معك لكن اكون بكلامي هذا مثل اللي يزيد النار اشتعال

اختي zouza

تخيلي ولدك(ابيك تحطين واحد منهم في بالك) اللي تعبتي في حمله وجاك وحام وتعب وثقل والآم وقت الولاده

وبعد ما ولدتيه ارضعتيه وربيتيه وحرصتي على نظافته

وكبر شوي وبدا يتكلم وفرحت لما قال لك ماما وحرصت انك تشترين له ملابس تناسبه واذا طلب منك شي ولو كان ما كان تجيبين له
وكم تسهرين عليه اذا مرض وتعب وتتمنين ان هذا التعب فيك ولا فيه

وكبر الولد ودخل المدرسة وصرتي تصحين معه من الصبح وتفطرينه تذكرين الله عليه وبعد ما يروح تحترينه حتى تاخذين منه سواليف المدرسه

وكبر الولد وتخرج وحب يتزوج وجاء ليلة الزواج وش بتكون فرحتك بالله عليك راح تتمنين اليوم اللي تشوفين فيه اولاده وتتمنين من كل قلبك ان الله يسعده

تخيلي يا اختي zouza الحبيبة ان كل الاولاد والبنات تزوجوا والزوج مات وبعد ما كان البيت مليان حس وحساس وصغار وكبار صار ما فيه الا انتي

بالله فكري يا اختي ايش بيكون شعورك فعلا ابيك تفكرين في هذا الوضع بدون النظر للموضوع اللي صاير الان

استعرضي اللي كتبته من جديد وفكري فيه وكأنه واقع

نصيحة يا اختي zouza عامليها مثل ما تعملين امك هي حرمه كبيره تفرقت عائلتها وهي في اخر حياتها والله اعلم من يموت قبل

وما تدرين وش بتكون منزلتك عند زوجك وعند اهل زوجك اذا احسنتي معاملتها

يا zouza دخلت الجنه امرأة بغي من بني اسرائيل في كلب احسنت فيه وسقته ماء فما بالك في بني ادم

يا اختي zouza الوحدة ما يبقى لها الا العمل الصالح والذكر الطيب في هذي الدنيا وكما تدين تدان واللي تزرعينه اليوم تحصدينه بكره وثقي انك اذا عاملتيها اليوم معاملة زينه وصبرتي عليها وعلى سنها ان الله راح يرزقك بعدين (اذا الله كتب لنا ولك عمر على عمل صالح) من يبرك ويحسن معاملتك من زوجات عيالك

قولي لها آمري يا خالتي واذا بغيتوا تطلعون مكان انتي اللي قولي لها تروح معكم وقولي مازانت الروحة الا بك لاطفيها بالكلام وخليها تحس انك تقدرينها افتحي لها باب السيارة اذا بغت تركب وجهزي لها المكان اذا بغت تجلس

عامليها فعلا وانتي تحسين انها امك وانها امرأه ربت وتعبت وتبغى ترتاح اخر عمرها لا انها عدوه متسلطه تامر وتنهى وتتدخل في كل شيء واصبري في البداية لانك انتي اخذتي تصور عنها وهي اخذت تصور عنك واستعيني بالله وقولي لا حول ولا قوة الا بالله وراح تشوفين نتائج ما تتصورينها

zouza تذكري ان هذي الدنيا فانيه وما تستاهل والله من يخاصم عشانها الكل بيموت لكن تذكر الوحدة بخير احسن من انه يقال الحمد لله اللي فكنا منها

اتمنى لك التوفيق والتيسير وانتي باذن الله قادرة على اداء هذا العمل الصالح ولا تنسي ان تسألين الله التوفيق واتمنى من الاخوات ان يدعون لاختنا zouza ان يصلح الله ما بينها وبين حماتها وان يجعلها اغلى من بناتها ان يحبب الحماة الى zouza ويجعلها اغلى النساء اليها آمييييين

*** أختكم في الله *** >>>>>>>>>>كلامك عين العقل مالك الاالصبر

شوفي حبيبتي

انا شفت من ام زوجي المر لانه هو ولدها الوحيد وزوجها متوفي

كانت تغار بشكل مايوصف تخيلي حتى ملابسي وذهبي سرقتهم من غرفتي وانا والله مافتحت افمي لها ..

وبصراحه كنت اطفش منها ومن بناتها اللي ماتخلص طلباتهم وليته على شي يسوى اللي بتغير جوالها واللي تبي عدسات يعني اشياء قمه فاالتفاهه وكلها على زوجي ..

لكن والله بعد ماجاني عيال وصرت اتخيل ان عيالي اللي ربيت وتعبت بيجي يوم ويتركوني ويطلعون ندمت ندم كثر شعر راسي

وحسيت ان زوجي لو يجلس عند رجول امه ماراح يوفيها حقها والله

والله فرمضان هذا انا اللي اقوله تكفى خل نفطر عندهم كل يوم وهو اللي يرفض

صدقيني لو اقنعتي نفسك انه مهما يسوي مو كثير وانه اللي بيسويه في امه راح يسوونه فيك عياله راح تحسين براحه عجيبه

واذا على النوم عندها خليه ينام عندها انا زوجي ينام باالدوام 4 ايام متواصله حتى يوم جتني الولاده قبل شهر وداني السواق والله

يعني عادي قولي هاالاربع ايام ارتاح وافضى لنفسي اجلسي اقري او على النت او مارسي اي هوايه وصدقيني بتتعودين

بس احذرررررررررررررررري تحاولين تبعدين زوجك عن امه مهما كان السبب

احتسبي الاجر ووالله ماراح يضيع

ابسط شي اذا تضايقتي تخيلي ان ولدك اذا تزوج بيروح ويتركك

اكيد راح تتمنين انه اذا كبر يعيش معكم وتشوفين عياله وتربينهم صح ولا لا؟

عشان كذا احتسبي واللي عند الله مايضيع

الله ييسر لك امورك ويوفقك

الله يفرج لك همك وعليك بالدعــــــــــــــــــــــــــــــــــــــــــــــــــــــــــــــــــــاء والاستغفار