كركووره :

ياصا حبات المشاغل أحب أفيدكم وأحكي كم عن تجربتي إني أطلع (شهادة لدورة تجميل مصدقه من مشغلي في المدينه) أولا رحت الغرفه التجاريه(في مركز سيدات الاعمال)المهم سألتهم الشهاداة تتصدق من عندكم قالو لاء قمة سئلتهم من فين أقدر أصدقها أو أخليها معتمده علي فكره كانت زمان الغرفه التجاريه تصدق الشهادات وكانو الناس يفهمو غلط كانت تصدق علي حتم المشغل فقط انو صحيح وكانو الناس يحسبو انها يعني معتمده المهم دلوني علي مركز التدريب المهني إن هو إلي يعتمد الشهادة رحت وقلبت الدنيا ألين ما لقيته مالقيت في قسم نسائي كلو رجااال بعدين رحت للغرفه التجاريه قالو يمكن في الكليه التقنيه حقة البنات رحت قالو ماعندناإعتماد شهاداة المهم رجعت للغرفه وقلتلهم تعبتوني كيف تطالبونا بشهادات معتمده وإنتو منتو عارفين كيف ولا حتى من فين تعتمد المهم في الاخير كلمو مدير الغرفه التجاريه وقال دايمن يكون إعتماد الشهادات من مراكز التدريب المهني طبعا بيتكلم عن مجال الرجااال يروح الشخص ويختبرو ,إن أثبت قدرته علي التدريب يدفع 15000ريال علي شين يعطولو شهاده يقدر يدرب ويفتح عندهم ملف يعتمدولو الشهاداة والفائده من أعتماد الشهادات إنو يقدرو يقدمو بيها علي الوظائف إلي في الديوان وفي الديوان مافي وظائف كوفيرات أساس فليش بي تتعبي نفسك وفي الأخير أكتشفت إنو مافي أعتماد شهادة كوفيراة بالنسبه للمدينه المنوره والعلم عند الله في باقي المدن لاكن بيقبلو الشهادات إلي بتعطيها الجمعيات الخيريه وبيعتبروها معتمده في المجال فقررت أسوي الدوره بشهادة مختومه بختم المشغل فقط أتمنا أكون أفدتكم وإلي عندها فكره في هد الموضوع تعطيني خبر وشكرا:(:26:

ياصا حبات المشاغل أحب أفيدكم وأحكي كم عن تجربتي إني أطلع (شهادة لدورة تجميل مصدقه من مشغلي في...

FATAFET404 :

الله يعين ويوفقك يارب انا زيك تعبت اجيب اعتماد شهادات دورات رسم تعبونى الجهات المختصه فى النهايه النادى الادبى الثقافى اعتمدلى الشهادات وووو اسست المرسم عندهم جزاهم الله خير بس مايعتمد اى شهاده بس اللى لها علاقه بالثقافه والفن التشكيلى ثقافه اما بالنسبه لشهادة التجميل لفتح مشغل هم مايعترفو اساسا بالتجميل ولا الشعرالود ودهم بس يبغو المشااااغل خياطه تخيلى اعرف واحده مجهزه قسم خياطه ع الفاضى بس عشان البلديه ومابتشتغل الا تجميل ودحين امورنا كلها تبع المشاغل عند صحة البيئه وتعقيييد كنها ناقصه

الله يعين ويوفقك يارب انا زيك تعبت اجيب اعتماد شهادات دورات رسم تعبونى الجهات المختصه فى النهايه...