التفكير تعب نفسيتي

بنات انا لي ثلاث سنين متزوجه وباقي ماحملت كان عندي هرمون الحليب مرتفع وتعالجت ونزل بنفس الشهر الحمدلله بس ماحملت للحين حتى الدكتوره مستغربه تقولي ثلاث سنين قاعده مع زوجك وماحملتي وماعندك الا هرمون الحليب غريبه لان الهرمون ممكن ينزل ويرتفع ع حسب النفسيه بدون حتى علاج ونصحتني اسوي عملية منظار عشان اتأكد ان ماعندي مشكله اكبر وسويته والحمدلله ماطلع عندي شي والعمليه من ست شهور وهم باقي ماحملت

والمشكله الناس ماترحم باسئلتها ونظراتها يحبطون الوحده غصب وكل ماقلت بطنش وبنسى الموضوع ولافكر فيه القى نفسي افكر فيه غصب مو بيدي وبعد الحين مرت حماي الي ماصارلهم متزوجين الا شهرين حامل مو حاسدتها وربي بالعكس اتمنالها كل خير واتمنى ربي يرزق كل محرومه وربي بس خاطري همن انا احمل بودي اجرب هالشعور وافرح زوجي

انا مؤمنه بقضاء الله وقدره ولا اعتراض عليه بس بودي بشي ينسيني هالموضوع واني مافكر فيه لانه صج تعب نفسيتي :( لدرجه اني يوم صرت ادش واقرا مواضيع البنات ومعاناتهم الي انا حاسه فيها اتضايق واصيح بعد :(

الله يفرج كربنا يرزقني ويرزقك كل محرومه يارب